Ampang Gadang, Ampek Angkek, Agam
| Ampang Gadang | |
|---|---|
| Nagara |  Indonesia |
| Provinsi | Sumatera Barat |
| Kabupaten | Agam |
| Kecamatan | Ampek Angkek |
| Kodepos | 26191 |
| Laweh | 5,6 km² |
| Panduduak | 8,384 urang (2010) |
Ampang Gadang marupoan salah satu nagari nan ado diKecamatan Ampek Angkek, Kabupaten Agam, Sumatera Barat. Nagari ko babateh jo nagari Biaro Gadang di sabalah Utara, Pasia di sabalah Selatan, Balai Gurah di sabalah Barat jo Koto Bukittinggi di sabalah Timua.
Sijarah
[suntiang | suntiang sumber]Ampang Gadang adolah salah satu nagari pacahan dari nagari lamo Balai Gurah Gadang, nan bapacah di Timur jo Ampang Gadang sarato di Barat jo Batu Taba.[1] Sudah tu nagari Ampang Gadang bapacah pulo jo Pasia nan manjadi nagari surang.[1]
Ampang Gadang barasal dari sabuah ampangan atau bendungan nan gadang nan dibuek dikampuang itu untuak manahan banjir atau galodo. Dari Ampangan nan gadang itulah disabuik Ampang Gadang. Dahulunyo Nagari Ampang Gadang adolah jorong nan barado dalam Kawalian atau Nagari Balai Gurah Gadang dimaa pado maso itu Nagari Balai Gurah Gadang tadiri dari babarapo Jorong, Ampang Gadang, Batu Taba, Balai Gurah,Koto Tuo, Sitapuang, dek karano bakambangnyo jumlah masyarakaik mako Jorong Ampang jo Jorong Batu Taba pado maso itu mamisah diri (Batagak Nagari) dari Balai Gurah Gadang. Jorong Ampang Gadang nan tadiri dari 4 Kampuang antaro lain Bonjo Alam, Bonjo Baru( Parik Putuih kini),Kapalo Koto (Ampang Gadang), Ikua Koto (Ampang Gadang), sadangkan dalam pakambanganyo kampuang Ikua Koto jo Kapalo koto manjadi jorong Ampang Gadang, sadangkan bonjo alam dipacah manjadi tigo yaitu Bonjo Alam jo Surau Kamba sarato Surau Pinang.
Dinamokan Bonjo Alam sabab Bonjo Alam banamo sadamikian, wakatu Parang Paderi dicari tampek nan tatinggi dinamokan “ Bonjo “ dek karano itu, di ateh Bonjo ditagakan ciek bandera nan dinamokan “ Alam “ akan manjadi ciek tando, dek itulah mako banamo Bonjo Alam. Namo Bonjo Baru ( Parik Putuih kini) yaitu dahulunyo Jorong Ampang Gadang ko dikalilingi dek babarapo parik –parik nan digali urang, faedahnyo itu parik-parik dibuek supayo indak lasua urang lain nagari marampuak kadalam nagari ko . Kamudian sasudah Nagari aman mako diputusihlah ciek parik nan babateh jo Nagari Limo Balai, akan dibuek sabuah jalan jo Bonjo tampek bamedan-medan, dek itulah mako banamo Bonjo Baru ( Parik Putuih kini).
Suku
[suntiang | suntiang sumber]Nagari Ampang Gadang dihuni jo suku-suku Guci, Jambak, Koto, Pili, Pisang, Sikumbang, jo Simabua.[2][3][4][5][6]
Jorong
[suntiang | suntiang sumber]Di nagari iko tadapek babarapo jorong, yaitu:[7]
- Jorong Ampang Gadang
- Jorong Bonjo Alam
- Jorong Parit Putus
- Jorong Surau Kamba
- Jorong Surau Pinang
Rujuakan
[suntiang | suntiang sumber]- ↑ a b Sjamsir Sjarif (3 September 2005). "Re: Cangkiang, Nagari2 di IV Angkek"[pranala nonaktif permanen]. groups.yahoo.com/group/RantauNet Archived 2013-02-15 di Wayback Machine.. Diambiak pado 19 Desember 2012.
- ↑ Kepala Suku Dan Buek Arek Jorong Ampang Gadang Archived 2013-01-10 di Wayback Machine., Website Resmi Pemerintah Nagari Ampang Gadang, Copyright © 2012. Diakses pado 19 Desember 2012.
- ↑ Kepala Suku Dan Buek Arek Jorong Bonjo Alam Archived 2013-01-10 di Wayback Machine., Website Resmi Pemerintah Nagari Ampang Gadang, Copyright © 2012. Diakses pado 19 Desember 2012.
- ↑ Kepala Suku Dan Buek Arek Jorong Surau Kamba Archived 2013-01-10 di Wayback Machine., Website Resmi Pemerintah Nagari Ampang Gadang, Copyright © 2012. Diakses pado 19 Desember 2012.
- ↑ Kepala Suku Dan Buek Arek Jorong Surau Pinang Archived 2013-01-10 di Wayback Machine., Website Resmi Pemerintah Nagari Ampang Gadang, Copyright © 2012. Diakses pado 19 Desember 2012.
- ↑ Kepala Suku Dan Buek Arek Jorong Parik Putuih Archived 2013-01-10 di Wayback Machine., Website Resmi Pemerintah Nagari Ampang Gadang, Copyright © 2012. Diakses pado 19 Desember 2012.
- ↑ Geografis Nagari Ampang Gadang. Website Resmi Pemerintah Kabupaten Agam. © 2003-2012 Pemerintah Kabupaten Agam. Diakses pado 19 Desember 2012.
Pranala lua
[suntiang | suntiang sumber]- (Indonesia) Situs web resmi Kabupaten Agam
