Biaro Gadang, Ampek Angkek, Agam

Biaro Gadang
Biaro Gadang
	Nagari
Nagara	Indonesia
Provinsi	Sumatera Barat
Kabupaten	Agam
Kecamatan	IV Angkek
Kodepos	26191
Laweh	- km²

Biaro Gadang marupoan salah satu nagari nan ado diKecamatan Ampek Angkek, Kabupaten Agam, Sumatera Barat, Indonesia.

Nagari ko tadiri dari 6 wilayah jorong yaitu: Biaro, Tanjung Alam, Tanjung Medan, Lungguk Muto, Pilubang jo Batang Buo. Pusat pamarintahan nagari barado di Biaro. Nagari ko tadiri dari duo daerah (bakeh desa), yaitu Biaro surang jo Limo Balai nan marupokan sarikek dari limo jorong, yaitu: Tanjung Alam, Tanjung Medan, Lungguk Muto, Pilubang jo Batang Buo.

Bateh Wilayah

Adopun bateh-bateh wilayah Nagari Biaro Gadang adolah sabagai barikuik: sabalah utara babatehan jo Nagari Kapau jo Lambah, sabalah selatan babatehan jo Nagari Balai Gurah jo Ampang Gadang, sabalah barat babatehan jo Nagari Ampang Gadang jo Kota Bukittinggi jo sabalah timur babatehan jo Nagari Lambah jo Panampuang.

Parekonomian

Mato pancaharian utamo panduduak adolah sektor partanian, tarutamo sawah jo tanaman palawija. Tanaman palawija nan banyak ditemukan sarupo jaguang, lado, taruang, tomat, ubi, ubi jala jo kacang tanah. Disampiang batani, sabagian panduduak juo mangusahokan industri karajinan konveksi jo badagang kain di pasa Bukittinggi. Hanyo sabagian ketek sajo dari panduduak nan bakarajo sabagai pagawai negeri (PNS) atau militer.

Sijarah

Sabalun nagari-nagari dipacah-pacah, maso daulunyo Ampek Angkek adolah satu kasatuan masyarakaik nan tadiri dari ampek nagari. Ampek nagari iko adolah Biaro, Balai Gurah, Lambah, jo Panampuang.^[1] Nagari Biaro dalam nagari Ampek Angkek lamo, disabuik juo Biaro Gadang, talatak disabalah ka ilia (utara) Balai Gurah, malintang ka Barat sampai ka bateh koto Bukittinggi sampai ka jambatan Batang Aia Tumbuak di sabalah ka Timua.^[1]

Rujuakan

↑ ^a ^b Sjamsir Sjarif (3 September 2005). "Re: Cangkiang, Nagari2 di IV Angkek"^{[pranala nonaktif permanen]}. groups.yahoo.com/group/RantauNet Archived 2013-02-15 di Wayback Machine.. Diambiak pado 19 Desember 2012.

Pranala Lua

(Indonesia) Situs web resmi Kabupaten Agam

Artikel batopik nagari di Indonesia ko baru babantuak rancangan. Sanak dapek mambantu Wikipedia mangambangannyo.

[SS-1] Sjamsir Sjarif (3 September 2005). "Re: Cangkiang, Nagari2 di IV Angkek"^{[pranala nonaktif permanen]}. groups.yahoo.com/group/RantauNet Archived 2013-02-15 di Wayback Machine.. Diambiak pado 19 Desember 2012.

[1]