Ali Hanafiah
Prof. Dr. dr. Mohammad Ali Hanafiah gala Sutan Maharajo adolah dotor jo ahli farmasi Indonesia. Inyo marupokan guru gadang sakaligus Dekan Paguruan Tinggi Ahli Ubek (cikal bakal Fakultas Farmasi Universitas Gadjah Mada) dari September 1945 sampai September 1946.
Di maso pandudukan Japang, Ali Hanafiah ditangkok dek Kempeitai basamo para paneliti Lembaga Eijkman padao tanggal 7 Oktober 1944 takaik Paristiwa Doktor Mochtar. Inyo dibebaskan pado Januari 1945 sasudah ditahan salamo 105 hari.[1][2]
Namo Ali Hanafiah diabadikan sabagai namo Rumah Sakik Umum Daerah (RSUD) di Batusangkar, Tanah Datar, Sumatra Barat.[3]
Pandidikan
[suntiang | suntiang sumber]Sabalum umua anam tahun, Ali Hanafiah alah masuak ka sakolah dasar di Suliki. Inyo dibawo dek mamaknyo, Ismail, nan mangajar sabagai guru bahaso Malayu di situ. Katiko umua tujuah tahun, Ali Hanafiah pindah ka Padang sarato diasuah dek kaluarga Saleh Radji Bagindo di Kampung Jawa.
Manjalang umua lapan tahun, inyo lulus ujian Europeesche Lagere School (ELS). Manghindari kamungkinan indak ditarimo karano umuanyo "alah lewat batas", tahun kalahiran Ali Hanafiah di surek katarangan untuak kaparaluan sakolah ditulih manjadi 1901.[4]
Ali Hanafiah lulus dari ELS pado tahun 1916. Sasudah itu, inyo manampuah pandidikan di School tot Opleiding van Inlandsche Artsen (STOVIA).
Kaluarga jo kahidupan pribadi
[suntiang | suntiang sumber]Ali Hanafiah lahia di Padang Panjang pado tanggal 11 Juli 1900. Kaluarganyo barasa dari Nagari Lubuk Jantan, Tanah Datar. Ayahnyo banamo Mohammad Yasin bagala Datuak Muntiko Rajo, adolah jaksa kapalo di Lubuk Sikaping, Kabupaten Pasaman.[5] Ali Hanafiah marupokan adiak Siti Hasnah, bini Achmad Mochtar. Inyo sapupu Abu Hanifah.[1][5]
Ali Hanafiah manikah jo Siti Syarifah, kakaknyo Djamaloeddin, inyo adolah ahli badah nan mamipin Rumah Sakit St. Carolus jo Fakultas Kedokteran Universitas Indonesia (FK UI). Pasangan iko punyo anak banamo Asikin Hanafiah, inyo adolah ahli jantuang nan manjadi guru gadang di Departemen Kardiologi jo Kedokteran Vaskuler FK UI.
Karir
[suntiang | suntiang sumber]Ali Hanafiah diangkek sabagai dotor dek pamarintah Hindia Bulando pado tanggal 11 September 1926. Inyo batugas di babarapo tampek di Sumatra jo Jawa takah Surabaya, Solok, Baturaja, Malang, jo Tangerang (sajak 1939). Katiko di Baturaja, inyo badedikasi mambantu korban gampo bumi di Sumatra Selatan pado Juni 1933 sahinggo mandapek panghargaan Bintang Perak Gadang dari pamarintah Hindia Bulando.[6]
Pado maso pandudukan Japang, inyo manjadi pangajar farmasi di paguruan tinggi kadotoran Ika Dai Gaku (sabalumnyo STOVIA) nan dibuka baliak pado 29 April 1943 sasudah pernah ditutuik Japang.[7] Di siko, inyo maaja basamo duo urang pangajar Indonesia lainnyo, yaitu Ir. Baginda Rasad jo Ir. Surachman Cokroadisuryo. Pado tanggal 22 September 1943, inyo diangkek sabagai asisten profesor Ika Dai Gaku. Pado tahun nan samo, inyo juo manjadi asisten Lambago Eijkman.[8]
Pado bulan September 1945, inyo diangkek sabagai guru gadang sakaligus Dekan Paguruan Tinggi Ahli Obat (PTAO), bagian dari Paguruan Tinggi Kadotoran (sabalumnyo Ika Dai Gaku). Namun, inyo indak lamo mamimpin paguruan tinggi tu. Pado bulan September 1946, PTAO dipindahkan ka Klaten (nanti manjadi Fakultas Farmasi Universitas Gadjah Mada)[6] akibaik situasi Jakarta nan indak kondusif sasudah kadatangan tantara Sakutu nan diboncengi NICA. Basamoan jo itu, posisi Ali Hanafiah sabagai Dekan PTAO digantikan dekSardjito.[9]
Sambari manjadi Dekan PTAO, Ali Hanafiah juo dipabantukan di Kamantrian Kasihatan (Kemenkes) sajak Desember 1945. Inyo ditugaskan di babarapo jabatan di Kemenkes takah Kapalo Perbekalan jo Obat-Obat, Kapalo Jawatan Rumah-Rumah Sakik jo Bagian Ilimu Pangatahuan, jo tarakhia Kapalo Direktorat Farmasi.[6] Pado tahun 1957, inyo ditugaskan manghadiri sidang Organisasi Kasihatan Dunia (WHO) di Bulando nan mambahas tantang kasihatan masyarakat.[8]
Ali Hanafiah pensiun pado 1957 jo salanjuiknyo manjadi pagawai bulanan Kemenkes. Inyo ikuik sarato dalam babagai badan jo panitia dalam organisasi Kemenkes sarato maagiah kuliah di Fakultas Kadotoran Universitas Indonesia. Pado 1970, inyo mandapek Surat Panghargaan atas babagai jasonyo di bidang kadotoran dari Ikatan Dokter Indonesia (IDI).[6]
Rujuakan
[suntiang | suntiang sumber]- ↑ a b Baird, J. Kevin; Marzuki, Sangkot (2015-05-15) (dalam bahaso en). War Crimes in Japan-Occupied Indonesia: A Case of Murder by Medicine. U of Nebraska Press. ISBN 978-1-61234-644-1. https://books.google.com/books?id=560oDwAAQBAJ&newbks=0&printsec=frontcover&pg=PA66&dq=%22Ali+Hanafiah%22+dokter&hl=en.
- ↑ Maharaja, Moh Ali Hanafiah gelar Sutan (1976) (dalam bahaso id). Drama kedokteran terbesar. Yayasan Gedung-Gedung Bersejarah Jakarta. https://www.google.co.id/books/edition/Drama_kedokteran_terbesar/ezkKAQAAIAAJ?hl=en&gbpv=1&bsq=%22ALI+HANAFIAH%22+diperbantukan&dq=%22ALI+HANAFIAH%22+diperbantukan&printsec=frontcover.
- ↑ "RSUD Batusangkar". rsud.tanahdatar.go.id. Diarsipkan dari versi asli tanggal 2023-03-31. Diakses tanggal 2022-03-06.
- ↑ (dalam bahaso id) Orang Indonesia jang terkemoeka di Djawa. Gunseikanbu. 31 Oktober 1944. https://books.google.co.id/books?id=dM8LAAAAIAAJ&newbks=0&printsec=frontcover&pg=PA313&dq=TANGERANG+%22HANAFIAH%22&hl=en&redir_esc=y#v=onepage&q=TANGERANG%20%22HANAFIAH%22&f=false.
- ↑ a b http://repositori.kemdikbud.go.id/8365/1/PROF%20DR%20ABU%20HANIFAH%20DT%20ME.pdf
- ↑ a b c d Maharaja, Moh Ali Hanafiah gelar Sutan (1976) (dalam bahaso id). Drama kedokteran terbesar. Yayasan Gedung-Gedung Bersejarah Jakarta. https://www.google.co.id/books/edition/Drama_kedokteran_terbesar/ezkKAQAAIAAJ?hl=en&gbpv=1&bsq=%22ALI+HANAFIAH%22+diperbantukan&dq=%22ALI+HANAFIAH%22+diperbantukan&printsec=frontcover.
- ↑ https://www.google.co.id/books/edition/77_tahun_riwayat_hidup/sKstAQAAIAAJ?hl=en&gbpv=1&bsq=HANAFIAH+%22PERGURUAN+TINGGI+AHLI+OBAT%22&dq=HANAFIAH+%22PERGURUAN+TINGGI+AHLI+OBAT%22&printsec=frontcover
- ↑ a b (dalam bahaso id) Bunga rampai Soempah Pemoeda. Balai Pustaka. 31 Oktober 1978. ISBN 978-979-407-001-7. https://books.google.com/books?id=j5KOdzJgMBgC&newbks=0&printsec=frontcover&dq=%22+dan+asisten+pada+Laboratorium+Eykman%22&q=%22+dan+asisten+pada+Laboratorium+Eykman%22&hl=en.
- ↑ Maharaja, Moh Ali Hanafiah gelar Sutan (1977) (dalam bahaso id). 77 tahun riwayat hidup. Maharaja. https://books.google.com/books?id=sKstAQAAIAAJ&newbks=0&printsec=frontcover&dq=HANAFIAH+%22PERGURUAN+TINGGI+AHLI+OBAT%22&q=HANAFIAH+%22PERGURUAN+TINGGI+AHLI+OBAT%22&hl=en.