Aboebakar Atjeh

Wikipedia Minangkabau - Lubuak aka tapian ilimu
Loncat ke navigasi Loncat ke pencarian
Prof. Dr. KH.
Aboebakar Atjeh
Aboebakar Atjeh.jpg
LahirAboebakar
28 April 1909
Aceh Darussalam
Meninggal17 Desember 1979
Bendera Indonesia Jakarta, Indonesia
Tempat peristirahatanTPU Karet Bivak, Jakarta, Indonesia
KebangsaanBendera Indonesia Indonesia
PekerjaanPenulis, Politikus, Ulama
Partai politikMasyumiPartyLogo.jpg Partai Masyumi
GOLKAR logo.png Partai Golongan Karya
Suami/istriSoewami
Soekarti
AnakUmarah Sri Angsani

Inayah Sri Soewami
Muhammad Furqan
Maisarah
Rahmah Sri Wardani

Farhan
Orang tua
  • Sjah Abdurrahman (bapak)
  • Hajjah Na'in (ibu)
PenghormatanDoktor Honoris Causa dari Universitas Islam Jakarta

Prof. Dr. KH. Aboebakar Atjeh (atau Abubakar Aceh atau Abu Bakar Aceh atau Hadji Aboebakar) ( lahia di Kutaradja, Aceh, 18 April 1909 – maningga di Jakarta, 17 Desember 1979 pado umua 70 taun) adolah cendekiawan takana dari Aceh sakaligus panulih buku-buku kaagamoan, filsafat jo kabudayaan.[1]

Sabagian versi mangungkapan inyo lahia di Kutaradja, sadangkan versi nan lain maungkapan di Peureumeu, Kabupaten Aceh Barat. Urangtuonyo marupoan pasangan ulama. Ayahnyo banamo Sjah Abdurahman, imam Masjid Raya Kutaradja (Kini ko acok disabuik jo namo Masjid Raya Baiturrahman). Samantaro induaknyo banamo Hajjah Na'in.Tambahan “Atjeh” di balakang namonyo marupoan namo pambarian dari Presiden Soekarno nan kagum akan lueh nyo ilmu putra Aceh iko. “Ensiklopedia Bajalan” adolah gala dari kawan-kawannyo tentang hakikat ilmu pangatahuannyo. Namo Aboebakar Atjeh masuak dalam buku Saratuih Tokoh Islam nan Paliang Bapangaruah di Indonesia nan ditulih dek Shalahuddin Hamid jo Iskandar Ahza.[2]

Pandidikan[suntiang | suntiang sumber]

Sajak ketek inyo baraja di babarapo dayah nan takana di Aceh, diantaronyo dayah Teungku Haji Abdussalam Meuraxa jo dayah Manyang Tuanku Raja Keumala Peulanggahan di Kutaraja (Banda Aceh). Juo baraja di Volkschool Meulaboh jo Kweekschool Islamijah Sumatera Barat. Kamudian pindah ka Yogyakarta jo Jakarta di siko inyo mampalajari babarapo bahaso asing malalui kursus-kursus. Inyo manguasoi bahaso Arab, Balando, Inggirih sarato mamahami bahaso Japang, Parancih jo Jerman. Inyo mangarati juo babarapo bahaso daerah saparti bahaso Aceh, Minagkabau, Jawa, Sunda jo Gayo. Pernah manuntuik ilmu di Makah, namun indak lamo.[3]

Pangalaman[suntiang | suntiang sumber]

Maso mudo Aboebakar inyo aktif di sajumlah ormas jo partai. Pado 1923 aktif di Sarekat Islam di Aceh Barat. Lalu pado 1924 di Muhammadiyah jo di Partai Masyumi sajak 1946. Satalah Pemilu 1955, inyo nan dikana tawadhu sarato indak suko manonjolkan diri itu masuak manjadi anggota Konstituante mawakili Partai Masyumi.

Pado maso sabalum kemerdekaan, zaman pandudukan Japang, jo zaman satalah proklamasi, inyo banyak malakukan kagiatan kaagamoan jo kamasyarakatan. Kagiatan itu antaro lain, mandirikan Muhammadiyyah di Kutaraja (1924), bakarajo sabagai pagawai randahan, kamudian manjadi pagawai senior. Pado zaman Balando sabagai pustakawan jo editor pado Kantor Urusan Dalam Negeri (1930 – 1941). Di maso pandudukan Japang, inyo manjadi pamimpin asrama jo pagawai perpustakaan pado Shomubu Nito Syoki (1944), di sampiang manjadi guru pado Latihan Kursus Kiai.[4]

Satalah Proklamasi Kemerdekaan inyo manjadi pagawai pado Kementerian Pandidikan jo Kabudayaan (1945). Kamudian inyo manjabek Kapalo Perpustakaan Islam Kementerian Agama di Yogyakarta (1946), anggota pemimpin Partai Masyumi di Yogyakarta (1946), dan manjadi Pagawai Tinggi pado Departemen (Kementerian) Agamo Republik Indonesia (1947 – 1955). Pado tahun 1950, inyo manjadi pimpinan editor majalah mimbar agama, majalah resmi Departemen Agamo. Pado tahun 1948 basamo menteri agamo wakatu itu KH *Masjkur, inyo maagiah gagasan panulisan Al-Qur’an Pusaka. Al-Qur’an tersebut baukuran 65 x 120 cm nan kini disimpan di Musajik Baitur Rahim, Istana Negara, Jakarta.

Abu Bakar Atjeh tacatat juo sabagai anggota panguruih panulisan sajarah untuak Monumen Nasional; manjadi salah satu anggota panitia dalam pambangunan Musajik *Istiqlal Jakarta; saurang pencetus badirinyo Masjid Agung al-Azhar di Kebayoran Baru, Jakarta Selatan; turuik mandirian Perpustakaan Kutub Khannah Iskanar Muda di Banda Aceh (1949-950); jo mandirian sarato manjadi panguruih Perpustakaan Islam di Jakarta nan kamudian dipindahkan di Yogyakarta.[5][6]


Rujuakan[suntiang | suntiang sumber]

  1. "Keringkasan filsafat achlak dalam Islam / Aboebakar Atjeh | OPAC Perpustakaan Nasional RI". opac.perpusnas.go.id. Diakses tanggal 2020-11-25. 
  2. "Haji Abu Bakar Aceh". www.nu.or.id (dalam bahasa Inggris). Diakses tanggal 2020-11-25. 
  3. "Aboe Bakar Atjeh: Sang Ensiklopedia Berjalan". Diakses tanggal 2020-11-25. 
  4. Ago, Cucorajain #aceh • 2 Years (2018-02-21). "Aboebakar Atjeh Sang Apotik Hidup". Steemit (dalam bahasa Inggris). Diakses tanggal 2020-11-25. 
  5. Tempomedia (1979-12-29). "Meninggal dunia". Tempo (dalam bahasa Inggris). Diakses tanggal 2020-11-25. 
  6. "Menelisik Wahabi di Masjid Baiturrahman Aceh (2-Habis)". Republika Online (dalam bahasa Indonesia). 2015-07-01. Diakses tanggal 2020-11-25.