Lompat ke isi

Abdul Rahim Kajai

Wikipedia Minangkabau - Lubuak aka tapian ilimu
Infobox orangAbdul Rahim Kajai
Biografi
Lahia1894 Edit nilai pada Wikidata
Selangor Edit nilai pada Wikidata
Kamatian5 Desember 1943 Edit nilai pada Wikidata (48/49 tahun (id) terjemahkan)
Singapura Edit nilai pada Wikidata
Kalompok etnisUrang Minangkabau Edit nilai pada Wikidata
Kagiatan
KarajoWartawan jo penerjemah (id) Terjemahkan Edit nilai pada Wikidata

Abdul Rahim Kajai (Kuala Lumpur, Malaysia, 1894 - Singapura, 1943) adola saurang sastarawan Malaysia. Inyo marupoan salah saurang pandiri surek kaba Utusan Melayu. Dek karano jasa-jasanyo, Abdul Rahim dikana sabagai "Bapak Jurnalisme Melayu."[1]

Asa usua

[suntiang | suntiang sumber]

Abdul Rahim lahia di Setapak, Kuala Lumpur, Malaysia, diagiah dek gaeknyo namo Abdul Rahim bin Haji Salim. Abaknyo Salim Kajai, barasa dari kaluarga barada jo taparaja. Kajai adolah namo nagari di Pasaman Barat, Sumatra Barat, tampek barasa rang gaeknyo. Inyo mandapek pendidikan awal sampai kelas limo di Sekolah Dasar Melayu, Kuala Lumpur. Inyo kudian dikirim abaknyo malanjuikan sakola agama jo bahaso Arab di Mekkah inggo taun 1909.[2]

Karier

[suntiang | suntiang sumber]

Pado taun 1912 inyo pai ka Singapura untuak bakarajo sabagai panajamah bahaso Inggris di perusahaan Malaya Publishing House. Sataun kudiannyo pai ka Makah untuak malanjukan karajo ayahnyo sabagai amirul hajj. Inyo pulang ka Malaysia pado taun 1917 jo baraja ilimu jurnalistik. Pado taun 1925, Abdul Rahim karajo sabagai wartawan di surek kaba mingguan Edaran Zaman nan bakantua Penang. Satalah itu, inyo pindah ka koran Saudara pimpinan Syed Sheikh Al-Hadi.[3]

Dalam penulisannyo maso itu, inyo mamakai namo samaran Abdul Rahim Kajai. Pado taun 1931, Abdul Rahim manjadi pangarang untuak koran Majlis. Dari situ inyo pindah pula ke koran Warta Malaya iyo dikana sabagai pangarang. Urang punyo Warta Malaya, Syed Husin al-Sagaf kudian manabikan duomajalah, yaitu Warta Ahad jo Warta Jenaka, sarato Abdul Rahim diminta untuak manulih artikel jo carito lawak di duo majalah tu. Abdul Rahim panah baparan di Utusan Melayu jo Utusan Zaman sabagai pangarang. Dek itu pulo inyo majadi pangarang majalah Mustika. Pado taun 1943 saik Perang Dunia II, Abdul Rahim karajo di koran Berita Malai. Abdul Rahim pulo tokoh nan paliang kareh manyuaroan supayo masyarakaik malayu mancapai kamajian ekonomi di sadonyo bidang. Abdul Rahim maningga pado taun 1943 di Singapura. Samaso iduiknyo, inyo alah manulih 48 carito pendek jo babagi tema.[4]

Karya

[suntiang | suntiang sumber]
  1. Rahsia dalam rahsia, Dewan Bahasa dan Pustaka, 2005.
  2. Satira Kajai: cerpen pilihan Abdul Rahim Kajai, 1985.
  3. Pak Lacuk. Singapura: Qalam, 1949.
  4. Pusaka Kajai – No.1, 3, 4. Singapura: Dihai Sing Press, 1949.
  5. Telatah Kajai. Singapura: Qalam, 1950.
  6. Banyak Udang Banyak Garam, Singapura, Geliga Ltd, 1949
  7. Lain Padang Lain Belalang, Singapura, Geliga Ltd, 1961
  8. Abdul Rahim Kajai, wartawan dan sastrawan Melayu, oleh Abdul Latiff Abu Bakar, Dewan Bahasa dan Pustaka, Kementerian Pelajaran Malaysia, 1984.[5]

Rujuakan

[suntiang | suntiang sumber]
  1. ↑ Chaniago, Hasril (2018). 121 Wartawan Hebat dari Ranah Minang dan Sejumlah Jubir Rumah Bagonjong. Padang: Panitia Pelaksana Daerah Hari Pers Nasional 2018 Biro Humas Setda Provinsi Sumatera Barat. 
  2. ↑ Baharuddin Zainal, A Biography of Malaysian Writers, Dewan Bahasa dan Pustaka, Kementerian Pelajaran Malaysia, 1985
  3. ↑ Chaniago, Hasril (2018). 121 Wartawan Hebat dari Ranah Minang dan Sejumlah Jubir Rumah Bagonjong. Padang: Panitia Pelaksana Daerah Hari Pers Nasional 2018 Biro Humas Setda Provinsi Sumatera Barat. 
  4. ↑ Abdul Rahman Haji Abdullah, Pemikiran Islam di Malaysia: Sejarah dan Aliran, Gema Insani Press, 1997
  5. ↑ Baharuddin Zainal, A Biography of Malaysian Writers, Dewan Bahasa dan Pustaka, Kementerian Pelajaran Malaysia, 1985
Diambiak dari "https://min.wikipedia.org/w/index.php?title=Abdul_Rahim_Kajai&oldid=3147221"