A. Murady Darmansjah
| Biografi | |||
|---|---|---|---|
| Lahia | 16 September 1949  (75 tahun (id)  )Koto Padang | ||
1r Oktober 2009 – 30 September 2014 | |||
| Data pribadi | |||
| Kalompok etnis | Urang Minangkabau | ||
| Agamo | Islam | ||
| Almamater | Universitas Airlangga Sekolah Tinggi Ilmu Administrasi Malang | ||
| Kagiatan | |||
| Karajo | Politikus jo pengusaha (id) | ||
| Partai politik | Partai Gerakan Indonesia Raya (id) | ||
| Kaluarga | |||
| Pasangan hiduik | Dwi Sumik Prihartini (id) | ||
Drs. H. A. Murady Darmansjah (lahia di Padang, Sumatera Barat, 16 Oktober 1949; umua 75 taun) adolah surang pengusaha jo politikus Indonesia. A. Murady Darmansjah mampunyoi saurang istri banamo Suryaning Kusumawati asli urang Surabaya. A. Murady Darmansjah jo Suryaning Kusumawati manikah pado taun 27 Oktober 1997 setahun menjelang pecah reformasi.[1] Dalam pakawinannyo basamo Suryaning Kusumawati inyo dikaruniai tigo urang anak.
A. Murady Darmansyah iolah saurang pangusaho jo politikus nan sukses, inyo sandiri dikenal dek urang tingga di Jambi karano gadang dan bapolitik disitu, namun indak banyak nan tau kalau inyo marupokan urang katurunan Minang. A. Murady Darmansyah lahia ko lahia dari pasangan urang tuo nan banamo Misbah jo Laksmini. Kamudian, barulah A. Murady ketek basakolah di Jambi, tapeknyo di Kabupaten Kerinci.[2]
Kahidupan sosial
[suntiang | suntiang sumber]A. Murady Darmansjah di kenal dek masyarakat sabagai tokoh politik asal Jambi nan sukses, salain itu juo marupokan pangusaho nan bajayo. Tapi, A. Murady Darmansjah indak hanyo dikenal dek urang karano itu, dalam kahidupan sosialnyo A. Murady juo dikenal elok dek urang tarutamo masyarakaik Jambi.
Dalam kahidupan sosial, tarutamo pandidikan A. Murady Darmansjah banyak manolong para mahasiswa untuak malanjuikkan pandidikannyo, sarupo menyekolahkan 4 orang dokter dari Jambi.[3] Indak hanyo itu, barangkek dari kapadulian itu A. Murady Darmansjah parnah mambuek pasantren untuak anak-anak nan basakolah agamo di Amerika Serikat. Pasantren iko di urusi dek Muhammad Syamsi Ali nan marupokan Imam masajik di Washington, dan indak jarang pulo A. Murady Darmansjah mandapek kiriman nasihat-nasihat kahidupan dari kawannyo ko.[3]
Salain mambangun pasantren di lua nagari, A. Murady Darmansjah juo acok mambantu pambangunan jo renovasi musajik-musajik tuo untuak masyarakaik, salah satunyo iolah nan ado di Kabupaten Muaro Jambi yoitu musajik Nurul Hidayah salah satu masajik tuo nan ado disitu dan manjadi donatur tatap untuak mambangun baliak masajik tuo tu sampai renovasinyo salasai jo bisa mambuek urang nyaman baribadah didalamnyo.[4] Dek karano itu, A. Murady Darmansjah marupokan tokoh masyarakaik nan dikenal elok dek masyarakaik Jambi, khususnyo dikenal di kampuang halamannyo di Kumun kabupaten Kerinci, tampek inyo basakolah samaso ketek dan gadang disitu.
Salain kahidupan sosialnyo dalam manolong urang, A. Murady Darmansjah juo dikenal dek urang Kerinci tapeknyo di Kumun Debai sabagai panghulu adat atau panguruih adat nan bagala DPT Sampurno Bumi Putih. A. Murady Darmansjah acok mamimpin upacara adaik atau kanduri sko yang diadokan satiok limo taun sakali, nan marupokan upacara adaik nan dibuek sasudah maso panen dan dikarajoan untuak mampakuek pasatuan masyarakaik Kumun Debai.[5]
Politik
[suntiang | suntiang sumber]A. Murady Darmansjah tapiliah untuak manjadi anggota DPR RI dari Partai Hati nurani rakyat (Hanura) periode 2009-2014 malalui daerah pamilihan (dapil) Jambi. Dek fraksiannyo, inyo ditempatkan di Komisi IV nan mamarati bidang hutan, pertanian, perkebunan, maritim, perikanan, jo makanan. Salain itu inyo juo marupokan anggota Badan Akuntansi Keuangan Nagara (BAKN) DPR RI nan dipimpin dek Ahmad Muzani dari Partai Gerakan Indonesia Raya (Gerindra).[6] Pado taun 2018, Inyo ikuik baliak manjadi calon legislatif dari dapil Provinsi Jambi malalui Partai Gerakan Indonesia Raya (Gerindra) untuak periode maso Bakti 2019-2024.[7]
A. Murady Darmansjah salain dikenal sabagai politisi dari Provinsi Jambi juo dikenal sabagai pengusaha. Inyo sukses mambangun babarapo perusahaan jo manjabaik sabagai direktur utamo di perusahaan-perusahaan tu.
Pandidikan
[suntiang | suntiang sumber]Pado maso awal sakolah dasar Murady ko manampuah sakolah dasar di SD 2 Kumun Kerinci, sasudah tu malanjuikkan ka SMEP Nagari di Sungai Panuah nan kini manjadi SMP N 1 Sungai Panuah, nan mano SMP iko marupokan nan tuo di sinan.[8] Kamudian pado taun barikuiknyo malanjuikan pandidikan ka SMEA Bhakti Luhur di Surabaya, Institut Dagang Mochtar Surabaya pado bidang Tata Buku A-1, A-2 jo B. Murady parnah manampuah juo pandidikan Bahasa Inggrih di Institut Susilo Hardjo di Surabaya, Panduan Panduan Pangan (PAAP).
Pado janjang kampus inyo parnah bakulia di Fakultas Ekonomi Universitas Airlangga di Surabaya, jo Sakolah Tinggi Sains Administrasi (STIA) Jurusan Management di Kota Malang.
Karir
[suntiang | suntiang sumber]Sabagai pangusaho sukses Murady mampunyoi banyak jenjang karir, diantaronyo iyolah parnah mandirikan babarapo Pt, diantarnyo; PT Sumur Emas Wahyu Loka, PT Sulfa, PT Insam Jatra, PT Titian Arum Utama. [9]
Salain tu, inyo juo parnah bakarajo jo manjabat di babarapo PT tanamo, antaro lain; PT Ghalaya Abadi Persada Line, PT Matra Naluri Muda, PT Bumi Capek Bercahaya, PT Pelayaran Tridaya Samudra, PT Kasanah Sidik, PT Energindo Dinamis, PT Insam Luber Kencana, nan kasudahnyo Murady kini aktif di dunia politiak nan parnah manjadi Anggota Komisi IV DPR RI (2009-2014).[9]
Organisasi
[suntiang | suntiang sumber]Murady salain sukse di dunia usaho juo marupokan urang nan aktip baorganisasi, diantaro organisasi nan parnah diikutinyo iyola; Sekretaris Persatuan Penyalur Saprotan Jawa Timur, Ketua INSA (Asosiasi Pemilik Kapal Indonesia) Surabaya, Anggota Penasehat INSA Surabaya, Bendahara umum Pengurus Besar Persani, Wakil Bendahara Umum DPP Hanura, Ketua HUT Hanura ke-1 di Istora Senayan Jakarta, Korda Partai Hanura Provinsi Jambi, jo Kadera Partai Gerindra.[10]
Referensi
[suntiang | suntiang sumber]- ↑ Admin (2018-11-23). "Kisah Asmara Murady dan Naning, Sang Kembang Kota Surabaya". Arah Baru Negeri Jambi (dalam bahasa Indonesia). Diakses tanggal 2023-12-16.
- ↑ Admin (2019-03-18). "Bayi Ajaib". Arah Baru Negeri Jambi (dalam bahasa Indonesia). Diakses tanggal 2023-12-16.
- ↑ a b Admin (2018-11-07). "Pernah Bangun Pesantren di AS, Murady Cari Partner Bangun Pesantren di Jambi". Arah Baru Negeri Jambi (dalam bahasa Indonesia). Diakses tanggal 2023-12-16.
- ↑ Prima, Jambi. "Murady Bantu Renovasi Masjid Nurul Hidayah, Pelita Jaya, Tanjung Pauh, Muarojambi - Jambi Prima - Info Terbaru dan Terpercaya". jambiprima.com (dalam bahasa Inggris). Diakses tanggal 2023-12-16.
- ↑ "Susunan Acara Dalam Tiga Bahasa, AJB: Kenduri Sko Kumun Debai Unik". Tribunjambi.com (dalam bahasa Indonesia). Diakses tanggal 2023-12-16.
- ↑ "Profil Ahmad Murady Darmansjah" Merdeka.com.
- ↑ https://www.kajanglako.com. "Kembali Nyaleg DPR RI, Ini Profil Murady Darmansyah". Kajanglako (dalam bahasa Indonesia). Diarsipkan dari versi asli tanggal 2022-06-20. Diakses tanggal 2019-02-15.
- ↑ "01: Sejarah". 01. Diakses tanggal 2023-12-22.
- ↑ a b redaktur (2018-09-17). "Kembali Maju Jadi Caleg DPR-RI, Ini Sosok Murady Darmansyah - Metro Jambi". Kembali Maju Jadi Caleg DPR-RI, Ini Sosok Murady Darmansyah - Metro Jambi (dalam bahasa Indonesia). Diakses tanggal 2023-12-22.
- ↑ KBR. "KBR :: KENALI CALEG - DRS. H. A. MURADY DARMANSYAH : info caleg terlengkap". kbr.id (dalam bahasa Indonesia). Diakses tanggal 2023-12-22.
Pautan Lua
[suntiang | suntiang sumber]"Anggota DPR RI 2004 - 2009 dari Partai Hanura" Archived 2012-01-04 di Wayback Machine. Diarsipkan 2012-01-04 di Wayback Machine. Situs KPU.