A. Alin De
Asril Alin Djainan atau A. Alin De marupoan seniman teater, seni rupa, nan barasa dari Sumatera Barat nan tanamo di nasional maupun internasional. A. Alin De lahia di Padang pado tanggal 4 Maret 1952. A. Alin De saindaknyo alah maadoan 40 pamentasan teater sabagai sutradara jo panulih naskah. Dalam bidang seni rupo, capaian A. Alin De, babarapo lukisannyo dipamerkan di dalam kagiatan pameran seni lukis di Taman Ismael Marzuki, Jakarta, sabuah ajang pameran lukisan tanamo nan panah di alek dek masyarakaik seni lukih Indonesia.[1]
A. Alin De iko baraja malukih dari SSRI Padang jo STSRI-ASRI Yogyakarta. Dalam bidang teater, Alin dulunyo marupokan anggota dari Bumi Teater yang di asuah dek Wisran Hadi. kamudian sasudah itu basamo babarapo urang Alin managakkan kalompok Teater nan dinamoi Sanggar Dayuang-Dayuang.
Urang tuo dari A. Alin De banamo Djainan jo ibunyo banamo Nurjani. Kampuang asa ibunyo iolah barasa dari daerah Taluak Pantai Kata Kabupaten Pariaman, sadangkan apaknyo barasa dari daerah Sungai Puar Kabupaten Agam. A. Alin De marupokan kakak paliang tuo dari lapan basaudara. Katujuah urang adiaknyo iolah:[1]
- Tasmir Tay (alm);
- Rostini;
- Jamalus;
- Jayamurni;
- Suryadi;
- Ming Suryani; dan
- Jon Roni.
A. Alin De marupokan guru dari anak muridnyo di Sanggar Teater Dayuang-Dayuang jo banyak saniman mudo lainnyo di Sumatera Barat. Banyak saniman mudo yang sasudah baguru ka inyo tumbuah gadang, bahkan indak sajo di Sumatera Barat.[2]
Karya[suntiang | suntiang sumber]
Dalam kapandaian Alin manulih naskah inyo kerap mangarajoi dekontruksi dari teks sabalumnyo. Dek karano itu, salah satu karyanyo yaitu Matriakat Jamilan Putri Dewaraja pernah disangko dek urang hasil Plagiat dari naskah Antigone karya Sophookles (bagian dari trilogi Oedipus). Pasamoan iko tampak di alur caritonyo, ado babarapo tokoh antara Antigone jo Matriakat Jamilan Putri Dewaraja mampunyoi kasamoan, tapi ado pulo babarapo tokoh dalam Antigone yang indak bakasajajaran dalam Matriakat Jamilan Putri Dewaraja, baitu pulo sabaliaknyo.[3]
Ekonomi, Sosial Jo Budaya[suntiang | suntiang sumber]
Sarupo latar balakang sakolahnyo, dasar kailmuan dari A. Alin De iolah seni rupa. Dek karano itu, eksistensinyo sabagai seniman teater labiah marupokan upayo sadar jo kreatifitas dalam manerapkan pangatahuannyo bagi dunia patunjuakan teater. A. Alin De baprinsip kalau pamentasan adolah media untuak tetap manyalurkan bakatnyo sabagai palukih, yoitu malukih di ateh pangguang patunjuakkan teater. Karano itu pulo, tarutamo guno mamanuahi kabutuhan ekonomi kaluargo jo mambiayai patunjuakkan teater A. Alin De mangaluti babagai bidang usaho, sarupo bataranak ayam, itik jo ikan di areal INS Kayu Tanam.
A. Alin De juo sampaik manakuni pekerjaan di Harian Umum Singgalang, yaitu sabagai manager Artistik Parikanan. Diharian Umum Singgalang A. Alin De juga pernah menjabat sabagai Direktur koran Masuak Sakolah (KMS). Disamping itu, inyo juo pernah manjabat Direktur Gondon Art Advertising, yoitu sabuah paruahaan yang bagerak dibidang pariklanan (pariklanan bilboard). Bagi A. Alin De, pakarajoan itu labiah marupokan upaya dalam mampraktekkan kailmuannyo sabagai saurang seni rupa. Dek karano itu, Maskipun sacaro finansial labiah basifat manjanjikan, A. Alin De tatap labiah mamiliah tajun dalam bidang seni teater. Labiah dari tu, maskipun sampaik diangkek manjadi PNS pado sakitar taun 1982, yoitu manjadi guru pado sabuah SLTP di Simpang Ampek Pasaman Barat, A. Alin De kamudian mamutuihan untuak baranti manjadi PNS sasudah 2 tahun mangabdi.
A. Alin De dikenal lugas jo tegas dek para koleganyo sasamo seniman, oleh para anak asuahnyo di grup teater Dayuang-Dayuang, oleh para panjabaik daerah jo nasional sarato dek para pangusaho yang dakek jo inyo. Guno kapentiangan seni jo pamentasan A. Alin De indak sagan-sagan harus mangorbankan kapantiangan pribadi jo kaluarganyo, misalnyo mangaluan pitih jo manjua itiak sarato ayamnyo dalam jumlah nan banyak untuak kaparluan seni. Damikian pulo dalam bidang politik, sosial jo budaya, pado taun 2001 A. Alin De ikuik mamprakarsai babaruanyo baliak kaum etnik Cino Tionghoa dibawah nauangan organisasi HBT (Himpunan Bersatu Teguh) jo HTC (Himpunan Cinta Teman) di Padang jo masyarakaik Minang lainnyo. Salah satu konsekuensinyo dalam kanca bakasenian adolah, babarapo kasanian khas etnik Cino Tionghoa samisal barongsai baliak ditarimo masyarakaik khususnyo para saniman yang banyak bagiat di Taman Budaya Sumatera Barat.[1]
Rujuakan[suntiang | suntiang sumber]
- ↑ a b c Ernatip, Hasanadi. "Maestro Dalam Bidang Kebudayaan di Provinsi Sumatera Barat" (PDF). Resipotori Kemendikbud. Kemendikbud. Diakses tanggal 18-08-2019.
- ↑ DKincai, Rhian. "A Alin De, yang Ber-Dayung Dayung Sampai Batas". Portal Berita Editor (dalam bahasa Indonesia). Diakses tanggal 2023-12-15.
- ↑ Sonia (19 Agustus 2019). "Zurmailis: A Alin De Bukan Plagiat". Harian Khazanah.
