Wikipedia:Wikipedia bukanlah

Dari Wikipedia baso Minang, ensiklopedia bebas
Lompek ka: navigasi, cari

Wikipedia adolah sabuah proyek basamo untuak mawujuikan ensiklopedia talangkok dalam sadonyo bahaso di dunia, tamasuak bahaso Minangkabau. Pandukuang proyek iko adolah komunitas dariang nan tadiri dari rami urang nan baminaik untuak mambangun ensiklopedia bakualitas tinggi, dalam suasana saliang oromaik-maoromaki. Sabauk tu, tadapek babarapo hal nan bukanlah Wikipedia.

Gtk-redo-ltr.svg WP:IKLAN
  1. Wikipedia bukanlah tampek baiklan. Jan maiklanan produk atau kalompok tatantu di Wikipedia. Pangguno buliah malatakan pautan (link) di artikel nan mambicaroan produk atau kalompok tatantu, asa indak bakalabiahan. Basikap netrallah, jan manulih artikel nan talalu hiperbola atau malah sabaliaknyo talalu mamburuakan produk lain.
  2. Wikipedia bukanlah situs blog. Jan menaruah catatan arian paribadi Sanak di Wikipedia (caliak Wikipedia:Vanitas).
  3. Wikipedia bukanlah tampek mananyoan jawaban dari tugeh Sanak. Jan mananyoan baa jawaban dari tugeh Sanak, sarupo caro mambuek program komputer jo tugeh sikola lainnyo. Karajoan tugeh Sanak surang.
  4. Wikipedia bukanlah tampek badakwah. Kami di Wikipedia sangaik manjunjuang kabebasan baagamo jo baibadah. Dek karano tu, cobolah maoromaki pulo kabebasan urang lain untuak manganuik kapicayoannyo. Kok andak manulih sabuah artikel nan bakaik jo agamo, cubolah basikap netral. Jan mangatoan agamo nan Sanak picayo adolah nan tarancak. Jan pulo mangatoan agamo urang lain indak baiak. Kanalah untuak indak mangutuak atau mamburuakan golongan lain. Tapi jan pulo mengolok-olok golongannyo sandiri.
  5. Wikipedia bukanlah papan pangumuman tampek manaruah pasan. Tulihlah artikel nan baarati, bukan cumo pasan-pasan nan indak jaleh. Kok ingin mancubo-cubo, gunokan Wikipedia:Bak kasiak.
Gtk-redo-ltr.svg WP:FORUM
  1. Wikipedia bukanlah tampek obrolan atau forum. Wikipedia bukan tampek untuak obrolan ringan (chatting), laman rundiang indak dimukasuikan untuak tu.
  2. Wikipedia bukanlah forum politik. Kami di Wikipedia manjunjuang tinggi hak untuak bebas bapendapek, tapi sabuah ensiklopedia aruih basifaik netral dan informatif, indak persuasif.
  3. Wikipedia bukanlah surek pambaco/opini. Karano Wikipedia bukan tampat obrolan/forum, jan tulih kaluahan/opini Sanak di siko.
  4. Wikipedia bukanlah tampek manaruah data. Parangkek kareh Wikipedia tabatas jumalahnyo, sainggo sabaiaknyo sumber-sumber nan tasedia dijago saelok-eloknyo.
  5. Wikipedia bukanlah tampek tamu panggemar (fan page). Wikipedia adolah sabana ensiklopedia, mangko jan manulih artikel nan bakalabiahan tantang idola Sanak, tarutamo artis-artis tanamo.
  6. Wikipedia bukanlah tampek mangumpulan dafta pautan lua nan talangkok. Pamasangan suatu pautan lua indak ka maubah paringkek pautan ko pado masin pancari.
  7. Wikipedia bukanlah doto paribadi. Janlah mamintak konsultasi manganai hal-hal nan bahubuangan jo kasiatan Sanak. Pailah ka doto!
  8. Wikipedia bukanlah kamuih. Buek artikel nan agak mandalam. Lema kamuih sapatuiknyo dilatakan di proyek Wikikamuih.
  9. Wikipedia bukanlah portal barito. Wikipedia adolah ensiklopedia, mangko jan manulih barito takini (news update), namun barito takini dapek pulo dipatimbangan untuak isi Wikibarito.
  10. Wikipedia bukanlah buku resep. Wikipedia adolah ensiklopedia, indak buku resep, mangko jan manulih resep makanan apopun. Resep dapek bamuek di Wikibuku
  11. Wikipedia bukanlah demokrasi, Wikipedia bukanlah pacobaan demokrasi atau sistem politik, di siko panantuan mupakaik dimulai dari tahap panyuntiangan jo parundiangan. Kok paralu, pamungutan suaro baru ka dilaksanakan.
  12. Wikipedia bukanlah panyensoran, panyensoran indak dianuik jo Wikipedia, dek karano tu Wikipedia dapek sajo baisi konten nan indak manyanangan.
  13. Wikipedia bukanlah bola kristal atau tukang kiro. Jan manulih spekulasi di Wikipedia. Tulihlah jikok sasuatu tu pasti lah tajadi.

Caliak pulo[suntiang | suntiang sumber]

Templat:Kabijakan jo pedoman Wikipedia