Said Djauharsjah Jenie
Said Djauharsjah Jenie | |
|---|---|
| Lahia | 22 Agustus 1950 |
| Maningga | 11 Juli 2008 (umua 57) |
| Kabangsaan |  Indonesia |
| Alma mater | - Institut Teknologi Massachusetts (MIT), Amerika Sarikaik - Universitas Teknik Delft, Balando |
| Karojo | Ilmuwan, pandidik |
| Dikana dek | Kapalo BPPT |
| Pasangan | Sadarijah |
| Anak | Asih Nurul Sadarijah Jenie jo Gita Ismailia Isbandiyah Jenie |
| Urang tuo | Nahar Jenie (apak) Isbandiyah (mande) |
Said Djauharsjah Jenie (lahia di Solo, 22 Agustus 1950 – maningga di Bandung, 11 Juli 2008 pado umua 57 taun) adolah surang ilmuwan jo pandidik Indonesia. Baliau pernah manjabaik Kapalo Badan Pangkajian jo Panarapan Teknologi (BPPT) dari taun 2006 sampai maningganyo pado taun 2008. Baliau pernah pulo manjadi anggota Dewan Komisaris PT. Dirgantara Indonesia.[1]
Said Jenie adolah salah surang tokoh pantiang di baliak kasuksesan panarbangan N-250, kapa tabang komersil partamo nan sapanuahnyo dibuek di Indonesia.[2] Baliau bakarajo pulo sabagai pandidik di Jurusan Teknik Panarbangan Institut Teknologi Bandung (ITB), iyolah sabagai dosen teknik panarbangan. Said panah pulo manjadi panaliti di Institut Teknologi Massachusetts (MIT) jo NASA di Amerika Sarikaik.
Said Jenie maningga di Rumah Sakik Borromeus Bandung pado 11 Juli 2008 dek sabab panyakik jantuang. Baliau dikubuaan di pamakaman kaluarga di Sewu, Bantul, Yogyakarta.[3] Posisinyo sabagai katua BPPT kudian digantian dek Dr.Ir. Marzan Aziz Iskandar, M.Sc. sajak 31 Desember 2008.
Apaknyo Said Jenie banamo Nahar Jenie nan urang Minang dari Pariaman, sadangkan amaknyo Isbandiyah barasa dari Jawa.
Pandidikan
[suntiang | suntiang sumber]- Jurusan Teknik Mesin Institut Teknologi Bandung (1969)
- Master dalam bidang aeronotika dan astronotika di Universitas Teknik Delft, Balando (1978)
- Doktor dalam bidang astrodinamika di Institut Teknologi Massachusetts (MIT), Amerika Sarikaik (1982)
Karier
[suntiang | suntiang sumber]- Kapalo Pusaik Uji Tabang N-250 (1995)
- Deputi Kapalo BPPT Bidang Teknologi Industri Rancang Bangun jo Rekayasa (1998)
- Anggota Dewan Komisaris PT. Dirgantara Indonesia (2002)
- Kapalo Badan Pangkajian jo Panarapan Teknologi (2006)
Pangaragaoan
[suntiang | suntiang sumber]- Pangaragaoan Teknik ASEAN (ASEAN Engineering Awards) (1994)
- Bintang Jasa Utama (2007)
Rujuakan
[suntiang | suntiang sumber]- ↑ (Inggirih) "BPPT head Said Jenie passes away" Archived 2016-03-11 di Wayback Machine., The Jakarta Post, 11 Juli 2008
- ↑ (Indonesia) "Said D Jenie, Tokoh Uji Terbang N-250, Tutup Usia", Kompas, 12 Juli 2008
- ↑ (Indonesia) Obituari: Prof Said Djauharsjah Jenie, ScD, Ir, Archived 2016-03-07 di Wayback Machine., itb.ac.id, 11 Juli 2008
Pautan lua
[suntiang | suntiang sumber]- (Indonesia) "Said Jenie dan Keinsinyuran Indonesia", Kompas, 16 Juli 2008
- (Indonesia) "Pelantikan Ka BPPT untuk Menghidari Tumpang Tindih" Archived 2014-06-06 di Wayback Machine., ristek.go.id, 26 April 2006
- Silsilah Said Djauharsjah Jenie
- Pages using infobox person with multiple parents
- Pages using infobox person with unknown parameters
- Pages using infobox person with unknown empty parameters
- Articles with hCards
- Tangga lahia 22 Agustus
- Lahia 1950
- Tangga kamatian 11 Juli
- Kamatian 2008
- Tokoh Indonesia
- Ilmuwan Indonesia
- Dosen Indonesia
- Alumni Institut Teknologi Bandung
- Dosen Institut Teknologi Bandung
- Tokoh Minangkabau
- Tokoh Jawa
- Tokoh dari Surakarta
- Artikel biografi Oktober 2022
- Rancangan biografi Indonesia Oktober 2022