Petrus Kanisius Ojong
| Petrus Kanisius Ojong 歐陽 炳坤 | |
|---|---|
 Petrus Kanisius Ojong | |
| Lahir | Auw Jong Peng-Koen 25 Juli 1920 Bukittinggi, Sumatera Barat, Hindia Belanda |
| Meninggal | 31 Mei 1980 (umua 59) Jakarta, Indonesia |
| Almamater | Fakultas Hukum Universitas Indonesia |
| Pekerjaan | |
| Tahun aktif | 1963—1980 |
| Dikenal atas | Pendiri Kompas Gramedia |
| Suami/istri | Catherine Oei Kian Kiat |
| Anak |
|
| Orang tua | Auw Jong Pauw (ayah) Elizabeth Njo Loan Eng Nio (ibu) |
Petrus Kanisius Ojong atau Auw Jong Peng-Koen atau P.K. Ojong (lahia di Bukittinggi, Sumatera Barat, Indonesia, 25 Juli 1920 – maningga di Jakarta, Indonesia, 31 Mei 1980 pado umua 59 taun) adolah wartawan, guru, jo pengusaha nan dikenal sabagai salah surang pandiri Kelompok Kompas Gramedia (basamo Jakob Oetama). Ojong manjadi wartawan sajak umua 25 taun jo dikana sabagai pamimpin mingguan populer pado maso inyo, Star Weekly.[1]
Riwayat[suntiang | suntiang sumber]
Lahir di Bukittinggi, 25 Juli 1920, jo namo Auw Jong Peng-Koen. Ayahnyo, Auw Jong Pauw, dari awal maajarinyo untuak baimaik, disiplin, jo tekun. Auw Jong Pauw pado mulonyo adolah patani di Pulau Quemoy (kini wilayah Republik Cino) nan kamudian marantau ka Sumatera Barat. Auw Jong Pauw manjadi tuan tembakau di Payakumbuh, jo maidupi kaluarga gadang 11 anak dari duo bini, bininyo partamo Auw Jong Puw maningga sasudah malahiakan anak ka-7. Peng-Koen (PK Ojong) ketek adolah anak suluang dari bini kaduo. Kutiko Peng-Koen ketek, jumlah mobil di Payakumbuh indak sampai sapuluah, ciek di antaronyo adolah punyo apaknyo.[2]
Samaso iduiknyo, Ojong dikenal sabagai urang nan sederhana, jujur, batangguang jawab, jo pandai mangatur kauangan. Inyo indak suko manyumbang untuak acara-acara alek nan maambua0ambuakankan pitih, tapi inyo mangasiahi urang-urang nan mambutuahkan bantuan. Salain itu, PK Ojong juo adolah saurang pakarajo nan rajin nan mangutamokan pasatuan banso badasarkan Bhineka Tungga Ika.[2]
Pandidikan[suntiang | suntiang sumber]
Samaso basikolah di Hollandsch Chineesche School (HCS, sikolah dasar khusus Urang Cino) Payakumbuh, Ojong dikana sabagai anak nan disiplin jo serius. Pado maso itu, inyo mandapek palajaran tantang ajaran agamo Katolik. Indak lamo sasudah tu, inyo manjadi Katolik, jo namo Andreas. Peng Koen kamudian sempat pindah sikolah ka HCS Padang, salapeh itu malanjuikan ka Hollandsche Chineesche Kweekschool.[3]
Di Hollandsche Chineesche Kweekschool (HCK, sikolah guru), inyo suko mambaco koran jo majalah nan dibantuak dek kalompok pauni asrama. Di siko Auwjong Peng Koen mulai baraja manalaah pangajaran tantang caro manulih jo manarangkan ide. Di sikolah guru tingkek SLTA iko, Peng Koen dipiliah sabagai ketua "Tung Sie Ie Tjia" (東一家, Namo pakumpulan siswa/OSIS di HCK). Inyo batugas untuak manyadiokan bahan bacaan untuak anggota sarato manyalanggarakan alek Malam Tahun Baru Imlek jo piknik akhir taun. Ojong kamudian malanjuikan studinyo di Fakultas Hukum Universitas Indonesia nan luluih pado taun 1951.[3]
Karir[suntiang | suntiang sumber]
Pado mulonyo, PK Ojong bakarajo sabagai guru di SD Budi Mulia di Mangga Besar Jakarta.[4] Ojong mangarati jo journalistik pado taun 1946, katiko inyo bagabuang jo Star Weekly, sabuah mahalan untuak komunitas Tionghoa-Indonesia.[3] Inyo mulai karirnyo sabagai kontributor dan akhia manjadi Pimpinan Redaksi sampai Star Weekly dibubarkan dek pamarintah karano ulasan luar nagari nan ditulis Ojong dinilai mankritik kabijakan pamarintah.[3][5] Antaro taun 1946-1951, Ojong adolah anggota redaksi surat kabar harian Keng Po jo mingguan Star Weekly.[2]
PK Ojong juo dikenal sabagai tokoh di babarapo organisasi sarupo anggota Badan Pimpinan Pusat Partai Katolik, bendahara Pengurus Pusat Serikat Penerbit Surat Kabar, bendahara Yayasan Indonesia nan manerbitkan majalah kabudayaan Horison, bendahara Lingkaran Seni Jakarta, anggota Dewan Kurator lembaga Bantuan Hukum/Lembaga Pembela Umum Jaya, Ketua Dewan Pembina Yayasan Tarumanegara (penyelenggara Universitas Tarumanegara), jo koordinator Serikat Pers Katolik Internasional wilayah Indonesia, sarato pandiri jo direktur Kantor Berita Katolik Asia di Hong Kong.[4]
Pado taun 1963, Ojong jo Jakob Oetama managakan majalah Intisari, cikal bakal dari Harian Kompas. Pado taun 1965, inyo baduo managakan Harian Kompas nan manjadi Harian Nasional Indonesia sampai kini. Pado taun 1970 sampai akhir iduiknyo, PK Ojong marupoan Pimpinan Umum dari PT Gramedia nan bergerak dalam bidang penerbitan.[2]
PK Ojong maningga pado 31 Mei 1980. Untuak maingatinyo, patung Ojong ditanam di halaman Bentara Budaya Jakarta, sabuah lembaga nirlaba nan batujuan untuak palinduangan jo pangembangan seni budaya Indonesia.[4]
Liek juo[suntiang | suntiang sumber]
Rujuakan[suntiang | suntiang sumber]
- ↑ Ishwara, Helen (2001) (dalam bahaso id). P.K. Ojong: hidup sederhana, berpikir mulia. Kompas. ISBN 978-979-709-000-5. https://books.google.com/books?id=hxplAAAAMAAJ&newbks=0&printsec=frontcover&dq=Biografi+PK+Ojong&q=Biografi+PK+Ojong&hl=id.
- ↑ a b c d Media, Kompas Cyber (2012-06-28). "Jakob Oetama: Pak Ojong Sudah Berada di Surga". KOMPAS.com (dalam bahasa Indonesia). Diakses tanggal 2024-01-11.
- ↑ a b c d P.K. Ojong: A simple life - full of achievement. Error in webarchive template: Check
|url=value. Empty. October 14 2001. The Jakarta Post. Lie Hua. - ↑ a b c Kompas Gramedia: Founders Error in webarchive template: Check
|url=value. Empty.. - ↑ Dari Sang Pemula ke Jaringan Bisnis KG. Error in webarchive template: Check
|url=value. Empty. Hidupkatolik.com - Edisi No. 45 Tanggal 6 November 2011 (11 Januari 2012). F. Rahardi.