Ikan baka

Wikipedia Minangkabau - Lubuak aka tapian ilimu
Ikan baka
Kaluih baka jo saus kecap manih
Asa
NagaraIndonesia
Detail
Jinih idanganUtamo
PanyajianAngek
Bahan utamoikan, dibumbui jo bawang putiah, bawang merah jo bumbu lainnyo, dipanggang di ateh baro api

Ikan baka atau lauak baka marupokan hidangan ikan nan alah dibumbui jo dibaka atau dipanggang di ateh baro api. Hidangan ikan nan dibaka ado di banyak tampek di dunia, tapi sacaro khusus di dunia internasional, istilah "ikan baka" marujuak pado ikan baka khas Nusantara (Indonesia, Malaysia, Singapura, jo Brunei).[1] Ikan baka adolah salah satu hidangan klasik Indonesia.[1]

Hidangan ko manjadi salah satu hidangan nan banyak ditamui di banyak daerah di Indonesia, mulai dari kadai tapian pantai Aceh, restoran tapi pantai Kupang, inggo tangah kota Jakarta. Jinih ikan nan digunokan untuak mambuek ikan baka dapek baragam jinihnyo sainggo resepnyo pun dapek baragam. Ikan baka Cianjur khas Sunda,[2] umumnyo manggunokan ikan aia tawa sarupo ikan ameh jo kaluih, sarato ikan baka Jimbaran khas Bali, nan disajikan di lapau-lapau tapian pantai jo pasar ikan di Jimbaran, Bali.[3] Samantaro di Indonesia Timur, cando Sulawesi jo Maluku labiah tanamo mamakai ikan lauik dek banyak panduduaknyo nan bakarajo sabagai nalayan di lauik inggo mahasiakan banyak makanan lauik.[4]

Biasanya, ikan dirandam bumbu jo campuran bumbu haluih, kadang jo campuran balacan atau kecap manih dan kemudian dipanggang.; kadang alaik pemanggang balapisi daun pisang supayo ikan indak rusak jo ancua katiko dibaliak dek ikan malakek di alaik pamanggang.[4]

Jinih[suntiang | suntiang sumber]

Ikan baka mamiliki jinih dan ragam nan kayo, mulai dari jinih bumbu, sambal pandampiang, inggo jinih ikan nan babeda-beda. Pado hakikaiknyo sadoalah ikan nan dapek dimakan dapek dijadikan ikan baka, baiak ikan aia tawar atau ikan lauik. Jinih ikan aia tawa nan tanamo dijadikan ikan baka antaro lain ikan kaluih, patin, jo ikan ameh. Samantaro ikan lauik nan tanamo dijadikan ikan baka yaitu ikan tongkol atau cakalang, bawa lauik, tanggiri, ikan kuwe, baronang, kerapu, kakap merah, jo ikan pari. Boga bahari lain nan juo lazim dibaka antaro lain cumi-cumi atau sotong jo udang.[5]

Parandaman jo pamasak[suntiang | suntiang sumber]

Ikan baka khas Indonesia Timur nan diidang jo papeda, kuah kuniang, sarato samba rica-rica.

Ikan biasonyo dimarinasi (dirandam) jo campuran minyak karambia (minyak goreang), kecap manih, atau margarin, nan dipakaikan jo kueh salamo mambaka. Samantaro, campuran pamasaknyo dapek baragam di babagai tampek jo daerah, biasonyo tadiri ateh kombinasi bawang merah, bawang putiah, lado merah, katumba, perasan asam, palo, kunyik, langkueh, jo garam.[6] Di Jawa dan banyak daerah di Indonesia, raso ikan bakanyo condong manih dek banyak pamakaian kecap manih sabagai marinasi atau saus randamannyo.[7] Biaso dimakan basamo nasi angek jo samba kecap nan barisi kecap jo campuran irisan lado kuto jo bawang.[8]Samantaro ikan baka khas Padang (Minangkabau) sarato banyak daerah di Sumatera jo Samananjuang Malaya, rasonyo labiah padeh sarato tampilannyo nan labiah merah kakuniangan dek banyaknyo campuran lado merah, kunyik, sarato pamasak lainnyo, dan indak adonyo kecap manih dalam parandamannyo.[9]

Ikan baka biaso taidang basamo samba balacan (terasi) atau samba kecap sabagai saus randamannyo atau diagiah pandampiang cando irisan lemon. Di Indonesia timur sarupo di Manado jo Maluku, ikan baka biasonyo mamakai samba rica-rica,[10] dabu-dabu,[11] atau colo-colo.[12]

Minangkabau[suntiang | suntiang sumber]

Ikan baka khas Padang

Bahan-bahan nan umum digunokan untuak mambuek ikan baka di Minangkabau yaitu ikan, daun salam, daun kunyik, sarai, asam kandih, garam, minyak goreng. Samantaro untuk pamasak atau bumbu aluihnyo manggunokan lado merah, sipadeh, langkuweh, bawang merah, bawang putiah, lado kutu, kunyik jo kamiri. Sabalun dimasak, ikan dibarasiahan jo dibalua jo aia asam kapeh sarato garam. Sasudah itu, ikan dirandam basamo pamasak salamo sajam. Angekan minyak, tumih bumbu aluih, daun sala, daun kunyik, jo sarai. Masuakan ikan jo santan pakek, bumbui jo garam sarato gulo. Katiko pamasak alah marasok sarato panggangan alah angek, ikan dapek dipanggang sampai masak.[13][14][15]

Tradisi[suntiang | suntiang sumber]

Indonesia[suntiang | suntiang sumber]

Mambaka ikan di Jimbaran, Bali.

Manikmati olahan ikan baka manjadi tujuan kuliner utamo katiko bakunjuang ka tampek-tampek tujuan raun tapi pantai di Indonesia, cando di Jimbaran, Bali;[16] Pantai Losari, Makassar; jo Palabuahan Muara Karang, Jakarta.

Di Indonesia, ikan baka sabananyo dapek dimakan di ari apopun. Namun kini ko, mamanggang ikan nan kadang basarato jaguang tumbuah manjadi tradisi baru tiok malam taun baru ataupun katiko sadang malam kaakraban.[17][18] Ikan baka jo jaguang baka alah manjadi pesta barbekyu nan umum di Indonesia.[19]

Rujuakan[suntiang | suntiang sumber]

  1. ↑ a b Epicurus (10 November 1999). "Savoring 'ikan bakar' against backdrop of Jakarta at night". The Jakarta Post. Diarsipkan dari versi asli tanggal 5 March 2016. Diakses tanggal 27 Juli 2015. 
  2. ↑ AbraResto (10 November 1999). "Sampling the Best of Indonesia Without Leaving Jakarta". Jakarta Globe. Diarsipkan dari versi asli tanggal 2015-08-03. Diakses tanggal 27 Juli 2015. 
  3. ↑ Brown, Samantha (10 Februari 2015). "6 dishes every Bali visitor needs to try". CNN Go. Diakses tanggal 27 Juli 2015. 
  4. ↑ a b "Ikan Bakar". Tasty Indonesian Food.com. Tasty Indonesian Food.com. Diakses tanggal 11 Agustus 2013. 
  5. ↑ "Ini Nih Jenis-Jenis Ikan yang Lezat untuk Dibakar". gohitz.com (dalam bahasa Indonesia). Diarsipkan dari versi asli tanggal 14 October 2018. Diakses tanggal 1 January 2018. 
  6. ↑ "107 resep bumbu oles ikan bakar enak dan sederhana". Cookpad (dalam bahasa Indonesia). Diakses tanggal 1 January 2018. 
  7. ↑ "11 resep sambal kecap ikan bakar enak dan sederhana". Cookpad (dalam bahasa Indonesia). Diakses tanggal 1 January 2018. 
  8. ↑ Epicurus (10 November 1999). "Savoring 'ikan bakar' against backdrop of Jakarta at night". The Jakarta Post. Diarsipkan dari versi asli tanggal 5 March 2016. Diakses tanggal 27 July 2015. 
  9. ↑ "43 resep ikan bakar bumbu padang enak dan sederhana". Cookpad (dalam bahasa Indonesia). Diakses tanggal 1 January 2018. 
  10. ↑ "Ikan Bakar Rica-Rica – Spicy Grilled Fish – Daily Cooking Quest". Daily Cooking Quest. 3 November 2016. Diarsipkan dari versi asli tanggal 1 January 2018. Diakses tanggal 1 January 2018. 
  11. ↑ "Begini Cara Membuat Ikan Bakar Siram Sambal Dabu-Dabu Khas Manado". grid.id. Diarsipkan dari versi asli tanggal 20 February 2020. Diakses tanggal 1 January 2018. 
  12. ↑ "IKAN BAKAR COLO-COLO". grid.id. Diarsipkan dari versi asli tanggal 1 March 2020. Diakses tanggal 1 January 2018. 
  13. ↑ "Cara Membuat Ikan Bakar Padang Nikmat dan Kaya Bumbu". merdeka.com (dalam bahasa Inggris). 2019-02-28. Diakses tanggal 2021-06-10. 
  14. ↑ Redaksi. "Cara Membuat Ikan Bakar Padang dengan Bumbu Pedas". www.harianhaluan.com. Diarsipkan dari versi asli tanggal 2021-06-10. Diakses tanggal 2021-06-10. 
  15. ↑ Liputan6.com (2018-10-03). "Resep Ikan Bakar Kecap, Ikan Bakar Padang, serta Ikan Bakar Madu yang Mudah dan Sederhana". liputan6.com. Diakses tanggal 2021-06-10. 
  16. ↑ Planet, Lonely. "Restaurants in Jimbaran, Indonesia". Lonely Planet. Diarsipkan dari versi asli tanggal 1 January 2018. Diakses tanggal 1 January 2018. 
  17. ↑ "Bikin Ikan Bakar Rayakan Tahun Baru 2018, Simak Resep Berikut". Tempo (dalam bahasa Indonesia). Diakses tanggal 1 January 2018. 
  18. ↑ Indonesia, CNN. "Kembang Api dan Bakar Ikan Sambut Tahun Baru di Timur" (dalam bahasa Indonesia). CNN. Diakses tanggal 1 January 2018. 
  19. ↑ "Mau Pesta Jagung atau Bakar Ikan di Malam Tahun Baru? Cari Bahannya di Jalan Raya Bogor". Tribunnews.com (dalam bahasa Indonesia). Diakses tanggal 1 January 2018. 
Diambiak dari "https://min.wikipedia.org/w/index.php?title=Ikan_baka&oldid=2496690"