Awaludin

Awaludin
Awaludin
	Awaludin pada tahun 1955
Lahia	11 November 1916; Padang, Hindia Balando
Maningga	24 Februari 1980 (umua 63); Jakarta, Indonesia
Karojo	Aktor, sutradara

Awaludin (lahia di Padang, 11 November 1916 – maningga di Jakarta, 24 Februari 1980 pado umua 63 taun) adolah saurang aktor jo sutradara Indonesia. Inyo pernah manjadi peran utamo dalam film Kasih Ajah, Akibat, Kalung Mutiara, Lagak International, jo Taman Harapan. Inyo saangkatan jo Rd Mochtar, Fifi Young, A. Hamid Arief, jo Darussalam.

Karier[suntiang | suntiang sumber]

Sajak taun 1936 Awaluddin tajun ka dunia teater sabagai pamain sandiwara. Duo taun kamudian inyo manjadi pimpinan rombongan sandiwara. Pado taun 1944 inyo bagabung jo rombongan sandiwara Bintang Surabaya nan dipimpin dek Fred Young. Pado taun 1946 inyo mamimpin rombongan Pantjawarna nan dipunyoi dek Djamaluddin Malik sampai pado panyerahan kadaulatan dek Balando.^[1]

Inyo partamo kali bamain dalam film Inspektur Rachman (1950). Partamo kalinyo manjadi sutradara dalam film Buruh Bengkel (1956). Sasudah kalua dari Persari nan alah di turuikannyo sajak taun 1951, pado taun 1957 inyo bagabuang baliak ka dunia teater jo rombongan Gema Masa. Rombongan iko kamudian manjadi parusahaan film Gema Masa Film nan pernah dikapaloinyo sabagai Direktur Muda.^[2]

Salain itu, inyo juo pernah manjadi anggota Dewan Film Nasional.^[3]

Pado taun 1955 Awaludin mandapek Piala FFI (sabagai aktor pendukung) dalam film Lewat Djam Malam. Pado ajang FFI 1978, untuak film Pembalasan Si Pitung (1977), inyo mandapek piala khusus sabagai "aktor angkatan lamo nan tetap satia di bidang profesi inyo dan masih mampu mambaokan peran sacaro rancak".^[4]

Duo taun tarakhir dalam hiduiknyo diabiskan untuak bamain sandiwara TV basamo Marlia Hardi jo Didu dalam acara Keluarga Marlia Hardi, nan ditayangan di TVRI.^[3]