Abdul Halim (Aleng)

Tambah pautan
Wikipedia Minangkabau - Lubuak aka tapian ilimu
Abdul Halim (Aleng )
Letnan Kolonel TNI Purnawirawan Abdul Halim
Lahia
Abdul Halim

17 Agustus 1923
Kutaraja, Banda Aceh, Indonesia
Maningga26 November 2000 (umua 77)
Jakarta, Indonesia
Dikana dekPerjuangannya melawan penjajah
Jepang dan Belanda di wilayah Sumatera
Barat, Salah Satu Pendiri BKR (Badan
Keamanan Rakyat) Sumatera Barat, dan
tokoh penumpasan PKI di wilayah
Sumatera Barat.

Lt. Colonel TNI Purnawirawan Abdul Halim (17 Agustus 1923 - 26 November 2000) atau biaso disabuik (Aleng) adolah Putra Matur nan Mamimpin patempuran malawan pasukan Japang di Sumatera Barat, ikolah patempuran patamo di Sumatera Barat nan dikenal jo "Patempuran Sungai Tanang".[1] Inyo juo mamimpin Operasi Panumpasan Partai Komunis Indonesia (PKI) di Baso, nan dikenal jo "Peraistiwa Baso".

Bapangkek Lt. Colonel, inyo Mamimpin serangan gadang-gadang ka pangkalan Tentara Inggirih (Satu) di Padang, kamudian diangkat sabagai Wakil Ketua Delegasi lokal Indonesia di Sumatera Barat untuak manangani negosiasi lokal "Linggarjati" jo "Renville" jo pihak Balando di Padang. Mamimpin Aksi Bumi Hangus kota Bukittinggi, dek karano Belanda mancubo masuak Bukittinggi.[2]

Kahidupan pribadi[suntiang | suntiang sumber]

Lt. Col. TNI Purnawirawan Abdul Halim jo bininyo Eliza (les).

Abdul Halim (Aleng) lahia di Kuaraja, Aceh pado tanggal 17 Agustus 1923. Ibunyo banamo Gamar, lahir Matur 1 Juni 1904, samantaro ayahnyo adolah pegawai klerk di PTT di Kutaraja jo Sawahlunto nan banamo Lakunin lahia di Matur 1902. Abdul Halim manikah jo bininyo Eliza pado tanggal 19 Januari 1956. Kaduo iko dibari ampek anak, diantaronyo Meilihanny, Juanita, Moh. Alwin jo Desi Arryani. Pasangan iko juo digantuang 5 cucu yaitu Haga Tara Sosrowardoyo, Annisa Indryani jo bininyo M. Naufal Yugapradana, Rezky Dwimarsya, M. Alvinsyahman jo M. Aldrisyahwira.[3]

Abdul Halim (Aleng) manampuah pandidikan umum di HIS Sawahlunto; Malanjuikkan HIS di PSM Bukittinggi; Pindah ka Adabiah II Padang (tamat 1937). Salain itu inyo juo manampuah pandidikan militer dari prajurit sampai jo Giyu-Syooi (Lettnan II), Sumatera Bo-Ei Sireibu Giyu Gun (Tentara PambelaTanah) di Bukittinggi. Salain bahaso Indonesia, inyo juo mandapek babarapo bahaso lainnyo sarupo bahaso Belanda jo bahaso Inggirih sacaro lisan jo tulisan.[4]

Rumah Gadang adolah rumah tingga Letkol TNI Purnawirawan Abdul Halim (Aleng) di Matur.[5]

Karir militer[suntiang | suntiang sumber]

Pado taun 1941, Abdul Halim (Aleng) manjadi surang guru di HIS Muhammadiyah, Sumatera Barat sampai bulan Februari 1942, pado taun nan samo Tentara Japang manduduaki Sumatera barat sahinggo sikolah pun ditutuik. Inyo mulai bagabuang jo Tentara Panjago Tanah Aia (Sumatera Bo-Ei Sireibu Giyu-Gun) pado 4 Oktober 1944 di Bukittinggi,[2] sabagai surang prajurit inyo acok ditempatkan di bamacam-macam tampek di padalaman Sumatera Barat. Pado tanggal 11 Juli 1945 inyo diangkek sabagai Giyu-Syooi (Letta II) di Sumatera Bo-Ei Sireibu Giyu-Gun jo manjabaik sabagai Wakil Komandan Seksi di Kompi Infantri di Bukittinggi. Pado tanggal 22 Agustus 1945 jo akhir Parang Dunia II jo kahilangan Japang, Giyu-Gun Bukittinggi sacaro rasmi dibubarkan.[3]

Sasudah Proklamasi Kamardekaan RI jo malatuihnyo Revolusi Nasional Indonesia, pado tanggal 29 Agustus 1945, Aleng ikuik mambantuak Badan Keamanan Rakyat (BKR) di Bukiktinggi nan kamudian manjadi Tantara Keamanan Rakyat (TKR).[2]

Pado tanggal 20 November 1945, Aleng mamimpin sakumpulan anggota TKR untuak malawan pasukan Japang di Pabrik karateh Sungai Tanang, nan talatak 9 Km dari Bukittinggi. Kasadonyo iko terkenal jo Pertempuran Sungai Tanang jo marupoan patempuran patamo taradok pasukan Jepang di Sumatra Barat.[3] Pado akhir bulan November Aleng ditatapkan sabagai Kapalo TKR Bukittinggi. Babarapo bulan sasudah panantukan tasabuik inyo di atur baliak jo diangkat manjadi Komandan Batalyon II resimen I Divisi III TKR Sumatera jo bapangkek Mayor jo ado jabatan di Bukittinggi.

14 - 16 April 1946, Aleng mamimpin Operasi Penumpasan Partai Komunis Indonesia (PKI) di Baso. Kasadonyo disabuik jo "Paristiwa Baso"[6] nan marupoan aksi polisionil tagadang nan dikarajokan dek pihak militer taradok unsur-unsur teror jo anti-revolusi di Sumatera Barat. Pado tanggal 20 Juli 1946, inyo diangkat dek Panglima TNI Komandemen Sumatera sabagai Komandan Résimen I Divisi III TRI jo pangkat Lt. Colonel. Aleng mamimpin serangan gadang-gadang ka posko pasukan Inggirih (Sakutu) di mungko utara Padang pado ari sabalum Hari raya Idul Fitri jo mamusatkan serangan ka Lapangan Udaro Tabing salamo malam hari sampai subuh. Salain sabagai Kapalo Résimen I Divisi III TRI, inyo juo diangkek sabagai Wakil Ketua Delegasi Lokal Indonesia di Sumatera Barat pado bulan Desember 1946 untuak manangani parundingan lokal "Linggar Jati" (Komite Truce) jo pihak Belanda di Padang.[2]

Dek malalui pajuangan, Aleng tatap maambiak parundiangan lokal "Linggar Jati" (Komite Truce) jo pihak Balando sampai malatui parang mardeka partamo (Clash I). Inyo ditugaskan sabagai Wakil Ketua Delegasi Lokal Palaksana Pasatujuan"Renville" di Padang sajak 4 Agustus 1947 (Sasudah Cease Fire). Dek paratuaran Panglima TNI Komandemen Sumatra, Aleng diangkat manjadi Kapalo Staf Pertempuran Divisi IX TNI jo pangkat Lt. Colonel, mambawai bagian-bagian Operasi, Security, Panarangan, Transportasi jo Polisi Militer. Pado tanggal 16 Desember 1948, inyo diangkat sabagai Kapalo Staf TNI/Teritorial Sumatera Barat jo pangkek Letnan Kolonel sasudah Komando Militer Sumatera Tangah di desentralisasi manjadi duo Komando nan tapisah yaitu Komando TNI/Teritorial Sumatera barat jo Komando TN/Teritorials Riau.

Balanda mulai mamasuaki Bukiktinggi pado tanggal 22 Desember 1948 pado maso parang kamerdekaan II/Clash II: 19 Desember 1948. Aleng mamimpin Aksi Bumi Hangus Kota Bukittinggi pado 21 Desember 1948. Inyo mambantuak Sub.ko. "A" di Matur pado tanggal 22 Desember 1948 jo manjadi Ka.Staf Subko "A" TNI / Territorial Sumatera Barat nan bakaduduakan di Matur.[6]

Dek karano katatapan Gubernur Militer Sumatera Barat/Tengah, pado tanggal 25 Maret 1949 diangkek manjadi Kapalo Staf Militer Sumatera Barat /Tangah jo merangkap manjadi Wakil Gubernur Militer Daerah Sumatera barat/Tengah,[2] jo pangkat Lt. Colonel.

Sasudah gencatan senjata jo Balando, Aleng diangkek sabagai Kapalo Staf TNI/Teritorial Sumatera Tengah pado tanggal 7 November 1949 jo marupokan sabagai anggota Komisi Pamarintahan Persetujuan Roem-Royen di Sumatera Barat.[2]

Pado tanggal 27 Desember 1949 (Hari Pangakuan Kadaulatan RIS), Aleng mamohon untuak maninggakan dinas militer. Jo badasarkan katatapan Presiden Republik Indonesia Serikat (RIS) pado tanggal 3 Maret 1950, inyo dihentikan jo hormat sabagai Kapalo Staf TNI Sumatra Tengah jo pangkat Lt. Colonel dan dikaluakan dari Dinas Tentara sajak tanggal 1 Februari 1950.[4]

Referensi[suntiang | suntiang sumber]

  1. ↑ Basir, H. Nazif. "Abdul Halim (Aleng)". bukittinggikota.sikn.go.id. Diarsipkan dari versi asli tanggal 2022-09-29. Diakses tanggal 19-12-2023. 
  2. ↑ a b c d e f (dalam bahaso id) Pejuang kemerdekaan Sumbar-Riau: pengalaman tak terlupakan. Yayasan Pembangunan Pejuang 1945 Sumatra Tengah. 23 April 2001. https://books.google.co.id/books?id=Ab1wAAAAMAAJ&pg=PA140&lpg=PA140&dq=Abdul+Halim+(Aleng)&source=bl&ots=utEa0iFyFt&sig=ACfU3U3Kpd-wH3nDsFSokLw5Tcoyz1LzWg&hl=id&sa=X&ved=2ahUKEwiY2b25-MiDAxUMzjgGHfA8BG44FBDoAXoECAIQAw#v=onepage&q=Abdul%20Halim%20(Aleng)&f=false. 
  3. ↑ a b c Halim, Abdul (1997). Riwayat Hidup Letnan Kolonel TNI Purnawirawan Abdul Halim. Jakarta. 
  4. ↑ a b KOMPUTER, UNIVERSITAS SAINS & TEKNOLOGI. "Abdul Halim (Aleng)" (dalam bahasa Inggris). Diakses tanggal 2024-01-06. 
  5. ↑ "Rumah Gadang Pasar Matur Suku Caniago". kebudayaan.kemdikbud.go.id. Diakses tanggal 19-12-2023
  6. ↑ a b Kartasasmita, Ginandjar (1980). 30 Tahun Indonesia Merdeka 1945 – 1949. Jakarta. 
Diambiak dari "https://min.wikipedia.org/w/index.php?title=Abdul_Halim_(Aleng)&oldid=3148381"