Zalmon

Wikipedia Minangkabau - Lubuak aka tapian ilimu
Loncat ke navigasi Loncat ke pencarian
Zalmon
Zalmon
Latar belakang
Namo lahia Syamsurizal
Lahia (1954-09-15)15 September 1954
Bendera Indonesia Jakarta
Maningga 21 Mei 2011(2011-05-21) (umur 56)
Bendera Indonesia Padang, Sumatera Barat
Kebangsaan Bendera Indonesia Indonesia
Jenis musik Pop Minang
Pekerjaan Penyanyi
Instrumen Vokal
Taun aktif 19892011
Perusahaan rekaman Tanama Record, Pitunang Record, Planet Record, Sinar Padang Record, Gita Virman Record dan Zalmon Record.[1]
Istri Nuraida
Anak Sri Suryani
Agamo Islam

Zalmon nan banamo asli Syamsurizal adolah  panyanyi lagu pop Minang legendaris. Zalmon lahia di Jakarta, 15 September 1954 jo maningga di Padang, Sumatera Barat, 21 Mei 2011. Sapanjang karier musiknyo hinggo baliau maningga, baliau alah menghasilkan  kiro-kiro  120 album lagu-lagu Minang. [2]

Zalmon populer dek masyarakaik Minangkabau, baik nan  barado di kampuang halaman (ranah) ataupun nan di lua Sumatera Barat (rantau). Sabagai panyanyi nan mamiliki ciri khas suaro ratok (suara ratapan)[3]dalam manyanyikan lagu-lagu sentimental jo nada lirih mandendangkan nasib jo parasaian manusia-manusia Minangkabau dalam manjalani kahidupan baiak di kampuang halaman maupun di parantauan.

Riwayat[suntiang | suntiang sumber]

Karier[suntiang | suntiang sumber]

Zalmon mamulai malakukan rekaman pado akhia taun 80-an jo lagunyo Nan Tido Manahan Hati  nan manjadi hit pado maso itu. Sapanjang taun 1990-an dan 2000-an namonyo pun samakin dikenal dek banyak urang jo kaluanyo babarapo album nan menghasilkan lagu-lagu hits di Sumatera Barat jo di daerah-daerah parantauan urang Minang, di antaronyo Kasiak Tujuah Muaro , Ratok Padi Ampo , Sapayuang Bajauah Hati , Buruak Sisiak, Diseso Bayang jo babarapo lagu lainnyo.[4] Lagu Nan Tido Manahan Hati sangaik disukoi dek banyak masyarakaik Minang, bahkan  paliang laris di Indonesia sahinggo inyo mandapekan penghargaan HDX Award pado taun 1995.[5]

Kehidupan pribadi[suntiang | suntiang sumber]

Zalmon lahia di Jakarta pado 15 September 1954. Inyo manikah jo saurang gadih  nan banamo Nuraida. Dari panikahan itu, baliau dikaruniai limo urang anak, anak nan suluang banamo Sri Suryani.

Zalmon maningga dunia tanggal  21 Mei 2011 di usia 56 taun di Rumah Sakik Ibnu Sina, Padang, karano panyakik paru-paru basah nan alah lamo  didaritonyo. Jenazahnyo kamudian dimakamkan di pandam pakuburan suku Jambak Lubuk Minturun, Koto Tangah, kota Padang

Penghargaan[suntiang | suntiang sumber]

  • Anugerah Musik Mi­nang Terbaik dari Gubernur Sumatera Barat
  • HDX Award

Rujukan[suntiang | suntiang sumber]

  1. "Penyanyi Legendaris Zalmon Telah Dimakamkan" Sumbaronline.com, 22-05-2011. Diakses 03-02-2015.
  2. "Penyanyi Legendaris Minang Zalmon Wafat" Kompas.com, 21-05-2011. Diakses 02-02-2015.
  3. Basir, Nazif (2017). In Memoriam "100 Seniman, Wartawan dan Budayawan Sumatera Barat". Jakarta: Horison. pp. 201. ISBN 978-602-8168-29-8. 
  4. "Pelantun Lagu Minang, Zalmon. Meninggal Dunia" Padangmedia.com, 21-05-2011. Diakses 03-02-2015.
  5. "Geliat Rekaman Pop Minang" Tempo.co, 11-05-2011. Diakses 03-02-2015.