Yeni Rosa Damayanti

Dari Wikipedia baso Minang, ensiklopedia bebas
Loncat ke navigasi Loncat ke pencarian
Yeni Rosa Damayanti
Yeni Rosa Damayanti.jpg
Lahia

3 Juli 1968 (umua 51

)
Bendera Indonesia Bandung, Jawa Barat
Kabangsaan Bendera Indonesia Indonesia
Alma mater Universitas Nasional, Jakarta
Karajo Panggiat
Dikana dek Panggiat Reformasi '98
Agamo Islam

Yeni Rosa Damayanti (lahia di Bandung, Jawa Barat, 3 Juli 1968; umua 51 taun) adolah surang panggiat jo pajuang demokrasi jo reformasi Indonesia. Namonyo sangek populer diawal jo patangahan taun 90-an. Katiko itu Yeni surang gadih rancak nan sangek barani manantang sarato mangkritik pamarentahan Soeharto jo Orde Baru-nyo nan masih sangek kuek. Panggiat LSM PIJAR ko sempat dipanjaro sataun karano kabaraniannyo manuntuik kapado MPR supayo Soeharto dibao kamuko Sidang Istimewa MPR pado taun 1993.[1]

Indak lamo sasudah bebas dari panahanan tu Yeni pai ka Balando manaruih-an pandidikannyo di Institute of Social Studies, Den Haag, Balando untuak kuliah soal Women & Development Studies. Di nagari Balando Yeni-pun indak pernah baranti manyuarokan demokrasi jo reformasi untuak Indonesia. Akibaik kagiatannyo tu Yeni-pun dipasulik untuak pulang ka tanah aia. Pamarentah malalui KBRI di Balando indak mambari izin papanjangan paspornyo, sahinggo Yeni indak bisa pulang ka Indonesia. Sasaat sasudah kajatuahan Soeharto Yeni-pun mandapek izin papanjangan paspor sahinggo inyo-pun pulang ka tanah aia sacapeknyo. Kapulangan Yeni disambuik dek kawan-kawan sapajuangannyo sasamo panggiat.[2]

Pandidikan[suntiang | suntiang sumber]

Rujuak-an[suntiang | suntiang sumber]

  1. PIJAR - Penghargaan Pijar Demokrasi Apakabar, 06 Desember 1995. Diakses 8 Mei 2013.
  2. Yeni Rosa Damayanti: "Indonesia Berbeda Dibandingkan 30 Tahun nan Lalu" Tempo, 06 Juni 1998. Diakses 8 Mei 2013.