Yamoussoukro
Yamoussoukro adolah ibu kota nagara Pantai Gadiang nan talatak di barat lauik Abidjan. Pado hasia sensus tahun 2014, panduduaknyo bajumlah 212.670 jiwa, manjadiannyo kota tapadek ka limo di nagara tu.[1] Iko marupokan pusek pamarentahan nagara.
Sijarah awal kota ko barupo sabuah kampuang nan diunyi dek suku asli Akoué nan diagiah namo N'Gokro. Pado abaik ka-19, Parancih datang manjajah, jo manjadian N'Gokro sabagai pusek pamarentahan kolonial pado tahun 1909.[2] Parancih kamudian mangganti namonyo jo Yamoussoukro sabagai bantuak tarimo kasih ka Ratu Yamousso, surang pamimpin suku asli nan alah mayakinan panduduaknyo untuak indak baparang jo Parancih. Sasudah nagara mardeka, Yamoussoukro dijadian ibu kota nagara manggantian Abidjan pado Maret tahun 1983.[3]
Rujuakan
[suntiang | suntiang sumber]- ↑ "Ivory Coast: Districts, Major Cities & Localities - Population Statistics, Maps, Charts, Weather and Web Information". www.citypopulation.de. Diakses tanggal 2023-02-12.
- ↑ "Yamoussoukro, Cote d'Ivoire (1909- )". Black Past. 28 Januari 2019.
- ↑ Cybriwsky, Roman Adrian (2013). Capital Cities Around the World: An Encyclopedia of Geography, History, and Culture. ABC-CLIO. ISBN 9781610692489. https://books.google.co.id/books?id=3kzEEAAAQBAJ&pg=PA339&dq=history+of+Yamoussoukro&hl=id&newbks=1&newbks_redir=0&source=gb_mobile_search&ovdme=1&sa=X&ved=2ahUKEwijg4PNj6mJAxUX3TgGHQ24LPoQ6AF6BAgGEAM#v=onepage&q=history%20of%20Yamoussoukro&f=false.