Yak (taranak)
Yak (Bos grunniens) adolah salah satu jinih taranak gadang dari kaluargo bovidae barambuik panjang nan alah jinak nan dapek ditamuan di wilayah pagunuangan Himalaya di anak benua India, Dataran Tibet, inggo jauah ka utara ka Mongolia jo Rusia. Ewan ko adolah katurunan dari yak lia (Bos mutus).[1]
Etimologi
[suntiang | suntiang sumber]Kato bahaso Inggirih "yak" baasa dari kato bahaso Tibeta g.yag (གཡག་). Dalam bahaso Tibet, kato tu marujuak pado ewan nan jantan sajo, sadang nan batino disabuik bri (འབྲི་) atau g.nag (གནག). Dalam bahaso Inggirih jo banyak bahaso lainnyo nan mamakai kato tu, namo "yak" bapakai untuak sadonyo jantan jo batino juo.
Taksonomi
[suntiang | suntiang sumber]Yak tamasuak dalam Bos, aratinyo spesies nan bakarabaik jo jawi (Bos primigenius). Analisis DNA mitokondria taradok sijarah evolusi yak alun mandapek asia nan mayakinan.
Muyang Yak mungkin bapisah dari jawi di suatu maso antaro satu inggo limo juta taun nan lalu, dan ado nan mandugo baso yak labiah dakek ubuangannyo jo bison daripado anggota lainnyo dari kalompok genus tu.[2] Fosil-fosil ewan nan jaleh barakabik jo yak, misanyo Bos baikalensis, alah ditamuan di Rusia, inggo muncua pakiroaan jalua nan diambiak dek ewan muyang dari bison Amerika moderen, nan bantuaknyo sarupo jo yak kutiko masuak ka banua Amerika.[3]
Awanyo spesies ko dinamoi sabagai Bos grunniens ("kabau mandangkua") dek Linnaeus pado taun 1766, namun kini ko namo tu anyo dipakai untuak marujuak kapdo jinih Yak nan alah jinak, sadang Bos mutus ("kabau bisu") adolah namo nan labiah disukoi untuak spesies nan lia. Walaupun babarapo pangarang masih maanggap baso yak lia anyolah subspesies, Bos grunniens mutus, ICZN mangaluaan kaputusan rasmi pado 2003[4] untuak maisinan panggunoan namo Bos mutus untuak yak lia, nan kini adolah panyabuikan nan umum bapakai.[5][3][6]
Salain yak lia nan dianggap sabagai subspesies dari Bos grunniens, indak ado subspesies lain nan diakui dari yak.
Ciri-ciri fisik
[suntiang | suntiang sumber]
Yak adolah ewan nan batubuah gadang jo kuaik, bakaki kokoh, bakuku bulek, jo babulu nan sangaik labak jo panjang nan manggantuang labiah randah dari paruiknyo. Bulu yak lia umumnyo bawarna itam kalam atau coklak kaitam-itaman, sadang yak jinak bamacam warnanyo, acok juo ado bercak-bercak coklat atau krem kacoklatan. Talingonyo ketek jo dahinyo leba, sarato tanduaknyo aluih jo umumnyo bawarna kalam. Yak jantan tanduaknyo kalua dari sisi-sisi kapalonyo, kudian malangkuang ka muko. Umumnyo panjangnyo mancapai 48 to 99 cm (19 to 39 in). Tanduak yak batino labiah ketek, anyo sapanjang 27 to 64 cm (11 to 25 in), jo bantuaknyo labiah tagak. Baiak yak jantan atau batino punyo lihia nan pendek sarato punuak nan jaleh di baunyo, walaupun punuak nan jantan labiah gadang jo talihek jaleh.[3] Barek nan jantan mancapai 350 to 580 kg (770 to 1,280 lb), barek nan batino mancapai 225 to 255 kg (496 to 562 lb). Yak lia dapek jauah labiah barek, nan jantan dapek mancapai barek 1,000 kilograms (2,200 lb).[7]
Galeri
[suntiang | suntiang sumber]-
Yak di Manali, Himachal Pradesh, India, bapalano untuak dinaiaki -
Sakalompok yak di biaro Litang di Garzê Prefektur Otonomi Tibet, Sichuan, Cino -
Yak mambajak ladang di Tibet -
Yak jinak di Nepal -
Yak di Gilgit-Baltistan, Pakistan
Caliak juo
[suntiang | suntiang sumber]- Yakalo
Rujuakan
[suntiang | suntiang sumber]- ↑ Grubb, P. (2005). "Ordo Artiodactyla". di dalam Wilson, D. E.; Reeder, D. M. Mammal Species of the World [Spesies Mamalia di Dunia] (edisi ke-3). Percetakan Unoversitas Johns Hopkins. p. 691. ISBN 978-0-8018-8221-0. OCLC 62265494. http://www.bucknell.edu/msw3/browse.asp?id=14200680.
- ↑ Guo, S.; et al. (2006). "Taxonomic placement and origin of yaks: implications from analyses of mtDNA D-loop fragment sequences". Acta Theriologica Sinica. 26 (4): 325–330.
- ↑ a b c Leslie, D.M.; Schaller, G.B. (2009). "Bos grunniens and Bos mutus (Artiodactyla: Bovidae)". Mammalian Species. 836: 1–17. doi:10.1644/836.1.
- ↑ International Commission on Zoological Nomenclature (2003). "Opinion 2027. Usage of 17 specific names based on wild species which are predated by or contemporary with those based on domestic animals (Lepidoptera, Osteichthyes, Mammalia): conserved". Bulletin of Zoological Nomenclature. 60: 81–84.
- ↑ Templat:IUCN2014.2
- ↑ Gentry, A.; Clutton-Brock, J.; Groves, C. P. (2004). "The naming of wild animal species and their domestic derivatives". Journal of Archaeological Science. 31 (5): 645. doi:10.1016/j.jas.2003.10.006.
- ↑ Buchholtz, C. (1990). True Cattle (Genus Bos). pp. 386–397 in S. Parker, ed. Grzimek's Encyclopedia of Mammals, Volume 5. New York: McGraw-Hill Publishing Company. (quoted in Oliphant, M. (2003). Bos grunniens (On-line), Animal Diversity Web. Accessed 4 April 2009)
Pautan lua
[suntiang | suntiang sumber]
Data tantang Yak (taranak) di Wikispecies
