Wikipedia:Panganta

Wikipedia Minangkabau - Lubuak aka tapian ilimu

Lai nampak dek Sanak tulisan "Suntiang" di ateh? Di Wikipedia, Sanak dapek manyuntiang (mengedit) laman ko, kini ko juo, kok alah masuak log (log in).

A tu Wikipedia?

Video tutorial caro manyuntiang artikel di Wikipedia

Wikipedia adolah sabuah ensiklopedia nan ditulih sacaro basamo-samo dek pambaco-pambaconyo. Wikipedia manggunoan laman web khusus nan disabuik wiki, nan mamudahkan pangguno-panggunonyo untuak mandapekan informasi nan akuraik lai tapek. Banyak urang nan sacaro taruih-manaruih mambanahi Wikipedia, sadoalahnyo tacatat dalam catatan sijarah dan parubahan baru. Sagalo parubahan nan indak tapek ataupun indak sasuai jo etika pado umumnyo ka diapuih capek.

Baa ambo bisa mambantu?

Jan takuik untuak maubahsiapo sajo dapek manyuntiang hampia kasadoalah laman dalam Wikipedia, dan kami manyaranan Sanak untuak barani (tapi tolong jan malakuan vandalisme). Cari sasuatu nan dapek dipelokan, dari saputa materi, tata panulisan ataupun tata bahaso, dan capek pelokan!

Sanak indak dapek mamatahan Wikipedia. Sagalo sasuatu dapek dipelokan di kamudian hari. Jadi, lansuang sajo, suntiang sabuah artikel, dan bantulah Wikipedia supayo manjadi informasi nan paliang akuraik lai tapek di internet ko.

Buek suntiangan partamo Sanak kini ko juo:

  1. Klik tulisan Suntiang di ateh
  2. Ketik babarapo kalimaik (apo sajo)
  3. Klik Simpan laman untuak manyimpan tulisan Sanak (untuak mancubo labiah lanjuik, pakai bak kasiak)
    ...atau "Caliak pratonton" untuak mancaliak parubahan nan Sanak buek