Wikipedia:Bulan Asia Wikipedia/2019

Wikipedia Minangkabau - Lubuak aka tapian ilimu
Loncat ke navigasi Loncat ke pencarian
Gtk-redo-ltr.svg WP:WAM2019
Bulan Asia Wikipedia
Wikipedia Asian Month Logo.svg

Bulan Asia Wikipedia adolah acara manulih basamo (edit-a-thon) daring (online) nan batujuan untuak manyumbangan pangatauan dalam bahaso Minang jo mangambangan raso basamo-samo dalam bamacam komunitas Wikipedia di Asia. Acara ko ka diadoan salamo bulan November 2019 dan maisi Wikipedia jo konten tantang Asia (salain Indonesia).

Peserta nan mambuek saindaknyo 4 (ampek) artikel batopik Asia (salain Indonesia) nan mamanuahi kriteria ka mandapek kartu pos nan dirancang khusus dari komunitas Wikipedia lainnyo (lua nagari) nan bagabuang.

Peserta nan mambuek paliang banyak artikel di satiok Wikipedia ka diagiah status "Duta Wikipedia Asia".

Kriteria artikel

Ringkasan: Artikel baru, tantang Asia (salain Indonesia), bakualitas rancak, saindaknyo 3.000 bita & 300 kato, dibuek salamo November 2019

  • Artikel dibuek dek Sanak surang (bukan mangambangan artikel/rancangan nan lah ado), dimulai pado tanggal 1 November 2019 pukua 00.00 UTC (07.00 WIB) inggo tanggal 30 November 2019 pukua 23.59 UTC (1 Desember 2019 pukua 06.59 WIB).
  • Artikel mustilah batopik Asia (buliah tantang budayo, geografi, politik, tokoh, dsb.) salain Indonesia.
  • Artikel baisi saindaknyo 3.000 bita jo 300+ kato.
  • Artikel mamanuahi kriteria kalayakan artikel.
  • Artikel mampunyoi rujuakan nan cukuik; panyatoan nan maragukan ataupun kontroversial mustilah dapek dipareso dari rujuakan nan didaftarkan dalam artikel.
  • Artikel indak murni ditajamahan dek masin panarjamah; dan mamakai gaya bahaso nan rancak.
  • Artikel bukanlah babantuak daftar.
  • Artikel mustilah informatif.
  • Artikel mustilah dikiriman ka juri malalui alaik iko. Salanjuiknyo, silakan baco #Mangirim artikel.
  • Artikel mustilah mancantuman [[Kategori:Bulan Asia Wikipedia 2019]] untuak mamudahan juri malakuan panilaian, kok indak dicantuman mako artikel mungkin talewaik dinilai.
  • Artikel nan dibuek dek pangguno alamaik IP indak batarimo. Silakan Sanak mambuek akun Wikipedia talabiah daulu.
  • Catatan:
    Pado akianyo, juri dari Wikipedia bahaso Minangkabau nan ka mamutuihan apokoh suatu artikel ditarimo atau indak.


Mandaftar

Daftarkan diri Sanak di siko, dan Sanak buliah sato bilo-bilonyo sajo!

Mangirim artikel

  • Arok dikirim artikel Sanak lewaik pautan iko. Klik "log in" (masuak log) di suduik kanan ateh dan turuikan patunjuak nan ado. Sanak buliah juo maubah bahaso nan dipakai di ikon bahaso nan talatak di suduik kanan ateh.
  • Sasudah Sanak mangirim artikel tu, alaik tasabuik ka manambah templat ka artikel Sanak dan manandoinyo bia dipareso dek para juri. Sanak dapek mamareso kiriman Sanak di pautan iko.
  • Jikok Sanak tasandek, maalami error, atau masalah apopun, ubuangi tim juri.
  • Jikok Sanak nio batanyo, cubo baco laman Patanyoan nan acok ditanyoan (Inggirih) atau tanyoan di alaman rundiang ko.

Hadiah

  • 1 kartu pos: mangirim 4 artikel nan mamanuahi kriteria.
  • 1 kartu pos istimewa (manambah hadiah di ateh): mangirim 15 artikel nan mamanuahi kriteria.
  • Status "Duta Wikipedia Asia" (sertifikat + kartu pos) (manambah sadonyo adiah di ateh): pangguno nan mangirim artikel tabanyak nan mamanuahi kriteria.
    Status ko dapek diagiah kapado 2 (duo) pangguno nan mangirim artikel tabanyak, jikok kaduonyo mangirim labiah dari 30 artikel nan mamanuahi kriteria.