Wikipedia:Aturan nan disederhanakan

Wikipedia adolah suatu ensiklopedia bebas nan dibuek banyak sukarelawan, tadiri dari babagai artikel nan ditulih jo gaya tatantu. Wikipedia adolah sabuah proses bakalanjuikan nan indak ado akianyo. Kok Sanak manulih sasuatu nan elok, tulisan tu dapek muncua salamo baabaik-abaik jo babaco di saluruah pinjuru dunia. Tulisan tu dapek pulo disamparonokan atau digabuangan jo revisi tabaru dek panyuntiang-panyuntiang lainnyo. Ciek hal nan manyanangan jo manantang dalam manyuntiang di siko iyolah mamparatian apo sajo nan ka tajadi pado sumbangan tulisan Sanak dari wakatu ka wakatu.

Sairiang komunitas Wikipedia nan taruih bakambang juo, kabijakan jo kabiasoan nan balaku mancaminan pangalaman ribuan panyuntiang nan taruih baraja jo bainteraksi untuak mancari baa caro mambuek artikel nan cukuik baimbang, sumbernyo jaleh, dan informatif; sarato baa dapek bakarajo samo jo urang lain tarutamo kok muncua masaalah. Walaupun ado banyak aturan atau padoman nan mancakuik ampia sadonyo situasi, anyo babarapo nan sabana pantiang. Kok Sanak mampalajari kabijakan jo kabiasoan awak tu, Sanak ka mudah manyasuaian diri jo mandapek raso simpati dek para panyuntiang lainnyo.

Prinsip-prinsip utamo

• Limo tonggak
• Prinsip dasar
• Hak cipta
• Jan tababani dek aturan

Manulih artikel bakualitas tinggi

• Suduik pandang netral
• Pamastian
• Bukan riset asli
• Jan ragu manyuntiang

Bakawan jo panyuntiang lainnyo

• Balaku sopanlah
• Basangko elok
• Rundianganlah tantang parubahan gadang di laman rundiangnyo
• Baati-atilah kok mangambalian suntiangan rang lain
• Cubolah mamahami apo sababnyo artikel Sanak diapuih
• Salasaianlah sangketo