Wawancara

Wikipedia Minangkabau - Lubuak aka tapian ilimu
Loncat ke navigasi Loncat ke pencarian

Wawancara adoalah kagiatan maota nan tajadi antaro sorang atau labiah urang sabagai sumber kaba dari pawawancara. Tujuan dari wawancara adoalah untuak mandapekan data babantuak informasi nan tapek dari urang tapicayo. Wawancara tajadi jo caro panyampaian babarapo patanyoan dari pawawancara ka bakeh sumber kaba.

Jinih-jinih wawancara[suntiang | suntiang sumber]

Diliek dari sisi palaksanaannyo wawancara dapek dibagi manjadi 3 yaitu :

  • Wawancara bebas

Dalam wawancara bebas, pawawancara bebas mananyokan patanyoan nan bebas, tapi paralu manjadi paratian baso patanyoan itu taubuang jo data-data nan dituju. Jikok indak elok-elok, mangko patanyoan indak dapek dikandalikan.

  • Wawancara tapimpin

Dalam wawancara tapimpin, pawawancara alah disiapkan patanyoan nan langkok lai jaleh.

  • Wawancara bebas tapimpin

Dalam wawancara bebas tapimpin, pawawancara mangombinasikan wawancara bebas jo wawancara tapimpin. Dalam palaksanaannyo alah ado daftar patanyoan sacaro garih gadang.

Langkah-langkah[suntiang | suntiang sumber]

Dalam melakukan wawancara ado langkah-langkah nan harus ditampuah supayo wawancara tasabuik dapek balangsuang lanca. Manuruik Sanapiah Faisal (Sugiyono, 2017:322) ado tujuah langkah dalam panggunoan wawancara untuak mangumpuan data kualitatif yaitu :

  1. Manantuan kapado siapo wawancara itu dilakukan
  2. Manyiapkan pokok-pokok masalah nan ka manjadi bahan rundiangan
  3. Maawali atau mambukak jalan untuak wawancara
  4. Malansuangkan jalannyo wawancara
  5. Mangkonfirmasi ikhtisar hasia wawancara dan mulai untuak maakhiri
  6. Mambuek hasia wawancara dalam catatan lapangan
  7. Maidentidikasi tindak lanjuik hasia wawancara nan alah didapek[1]

Rujuakan[suntiang | suntiang sumber]

  1. Johan Setiawan, Albi Anggito (2018). Metodologi Penelitian Kualitatif. Jawa Barat: CV Jejak. pp. 90. ISBN 978-602-474-391-8.