Wall Street: Money Never Sleeps
 | Artikel ko sadang disiapkan dan sadang dikambangkan, dan mungkin akan tajadi parubahan-parubahan gadang. Sanak dapek mambantu dalam pangambangan laman ko. Laman ko taakhia disuntiang dek Faishal Wafiq Zakiy (Kontrib • Log) 1787 hari 1173 menit nan lalu. Kok Sanak mancaliak artikel ko indak disuntiang dalam babarapo hari, mohon hapuih templat ko. |
| Wall Street: Money Never Sleeps | |
|---|---|
| Berkas:Wall Street- Money Never Sleeps film.jpg Poster resmi | |
| Sutradara | Oliver Stone |
| Produser |
|
| Panulih | |
| Pamain | |
| Musik dek | Craig Armstrong |
| Sinematografi | Rodrigo Prieto |
| Panyuntiang | |
Parusahaan produksiy |
|
| Distributor | 20th Century Fox |
Tangga rilis | |
Durasi | 133 menit |
| Nagara | Amerika Serikat |
| Bahaso | Inggris |
| Pandapekan kotor | US$134.7 juta |
Wall Street: Money Never Sleeps adolah film drama dari Amerika Sarikaik tahun 2010 nan disutradarai dek Oliver Stone.[1]
Carito
[suntiang | suntiang sumber]Dicaritokan pado tahun 2001, Gordon dibebaskan dari pinjaro ateh tuduahan mangarjokan padagangan tahadok urang dalam.
Sasudah itu, pado 2008, Gekko mampromosikan buku barunyo Is Greed Good? nan mamparingati kamarosotan ekonomi nan akan datang. Anak padusinyo, Winnie, manjalankan situs web barita nirlaba ketek dan bakencan jo Jacob Moore, saurang padagang saham kelas ateh di Keller Zabel Investment (KZI). Jacob, anak didik direktur pelaksana KZI Louis Zabel, alam mangumpuan pitih untuak Dr. Mastes jo proyek fusi nuklirnyo nan mamungkinkan untuak mahadirkan energi barasiah nan malimpah. Jake juo manolong kauangann amaknyo, Sylvia, nan alah barantu dari parawat sahinggo ikuik manjadi spekulan.
Pado tahap awalpanurunan nan diprediksi dek Gekko, saham KZI kahilangan labiah dari 50% nilainyo. Louis Zabel mancubo untuak mangatur bailout untuak KZI dari bankir Wall Sreet lainnyo tapi diblokir dek Bretton James, kapala firma saingan Churchill Schwartz (Curch), nan KZI alah manolak untuak mambantu salamo dot-com bubble tahun sabalunyo. Dek sadiah, Zabel bunuah diri malalui caro malompek di muko kereta bawah tanah. Jacob nan binguang akhianyo mausulan panikahan jo Winnie, nan ditarimonyo.
Jacob mahadiri kuliah nan diagiah dek Gekko sarato mamperkenalkan dirinyo. Gekko maagiahtahunyo jiko kabangkrutan KZI dimulai dari katiko Bretton manyebarkan kaba buruang tantang utang KZI. Jacob jo Gekko mangatur padangangan Jacob ka mancubo mandamaikan hubungan Winnie jo Gekko, sarato Gekko mangumpuan informasi untuak maancuakan Bretton ateh tindakannyo ka KZI jo untuak maagiah bukti ka Gekko tahun lalu. Sabagai balehan, Jacob mamanipulasi pasa sacaro indak sah malalui cari manyebarkan kaba buruang tantang nasionalisasi ladang minyak asing nan alah diivestasikan dek Church. Parusahaan kahilangan US$ 120 juta, tapi Bretton maagiah Jacob karajo, dek takasan jo inisiatinfnyo. Jacob labiah jauah mambuek Bretton takasan katiko innyo mayakinkan investor Tiongkok untuak bainvestasi dalam proyek fusi malalui Curch.
Jacob mahadiri panggalangan dana US$10.000 pa kursi malalui Winnie, mambali kursi untuak Gekko untuak mamfasilitasi petamuan "indak sangajo". Gekko mahadokan Bretton tantang apo nan inyo karajoan padonyo jo ka KZI. Bretton manjawek jikok indak ado nan paduli jo apo nan dipikiaan dek Gekko lai. Gekko malantak Bud Fox (Charlie Sheen), nan alah dibebaskan dari pinjaro bisa manjadian Bluestar Airlines sukses gadang, manjuanyo jutaan dollar, jo pensiun dari bisnis untuak bamain golf sarato manjadi saurang dermawan. Gekko mangklaim inyo karajo dari pinjaro untuak mandapekan darmawan palian elok dan bahkan mambayia saurang panjua narkoba untuak bahanti manjua ka Rudy, nan maningga dek overdosis. Winnie mamaafkannyo.
Katika krisis finansial samakin capek, pimpinan Bretton jo Churchill Schwartz's, Julius Steinhardt manyarankan regulator federal untuak mambali pinjaman subprime miliaran dolar. Katiko real estate kolaps, Jacob mangatahui jikok Bretton magalihkan investasi Cino manjadi panel surya bakinerja buruah, nan bukan bahan bakar fosil. Gekko sacapeknyo maagiah tahu Jacob jikok Bretton diam-diam mambuek untuang gadang bataruah malawan pinjaman subprime namun masih manarimo dana talangan dari FBI.
Gekko mausulan untuak manggunokan akun dari dana pawalian sagadang US$100 juta, nan disuruakan di Swiss untuak Winnie pado 1980-an untuak mandanai panalitian fusi. Info manandotangai pitih itu untuak Jacob, indak tahu inyo ka mampacoykan ka Gekko untuak manyalasaiakan investasi. Katiko Gekko mangkhianatinyo malalui cari maninggakan nagara itu jo pitih, Winnie putuih jo Jacob. Gekko mandirikan parusahaan investasi nan sangaik sukses di London, nilai kapitalisasinyo sagadang US$100 juta. Jacob mangunjunginyo untuak mangusulkan padangangan baru: Winnie mandapekkan pitihyo baliak, jo Gekko dapek bapartisipasi dalam kahidupan cucunyo, tapi Gekko manolak.
Jacob manyatukan sadoalah parincian transaksi Bretton, mulai dari karuntuhaan KZI hinggo jaminan pamarintah nan undak paralu dari parusahaan Bretton. Inyo maagiah informasi ka Winnie, mangatokan jikok publisitas jo kredibilitas situs webnyo. Katiko Winnie manjalankan caritono, Bretton mandapekan dirinyo di bawah pangawasan ketat pamarintah jo dikaluaan dek dewan parusahaanyo, nan kudian baraliah ka parusahaan Gekko untuak bamitra, nan baru-baru iko mambukukan pangambalian investasi sagadang US$1,1 miliar.
Jacob alah barasia rujuak jo Winnie di New York, katiko suatu malam Gekko muncul, inyo maminta maaf jo mangatoka ka sadoalhnyo jiko inyo sacaro anonim alah manyetor US$100 juta ka rekening panalitian fusi. Satu tahun kudian, Gekko, Sylvia jo kaluarga sarato kawan-kawan lainnyo mahadiri pesta ulang tahun patamo Louis, anak Jacob jo Winnie.
Pamaran jo Kru
[suntiang | suntiang sumber]| No | Namo | Paran |
|---|---|---|
| 1 | Michael Douglas | Gordon Gekko |
| 2 | Shia LaBeouf | Jacob "Jake" Moore |
| 3 | Josh Brolin | Bretton James |
| 4 | Carey Mulligan | Winnie Gekko |
| 5 | Susan Sarandon | Sylvia Moore |
| 6 | Eli Wallach | Julius Steinhardt |
| 7 | Frank Langella | Louis Zabel |
| 8 | Austin Pendleton | Dr. Masters |
| 9 | Sylvia Miles | pialang real estate |
| 10 | Vanessa Ferlito | Audrey |
| 11 | John Buffalo Mailer | Robby |
| 12 | Jason Clarke | Ketua Federal Reserve New York |
| 13 | Oliver Stone | Investor |
| 14 | Charlie Sheen | Bud "Buddy" Fox |
| 15 | Donald Trump | diri sendiri (adegan yang dihapus)[2] |
| 16 | Anthony Scaramucci | diri sendiri[3] |
| No | Namo | Posisi |
|---|---|---|
| 1 | Oliver Stone | Sutradara |
| 2 | Allan Loeb | Panulih |
| 3 | Stephen Schiff | Panulih |
Soundtrack
[suntiang | suntiang sumber]Soundtrack untuak film iko dikaluakan pado 21 September 2010, malalui Todo Mundo.[4] Album iko manampilkan banyak lagu dari David Byrne, tamasuak lagu dari kolaborasi 2008 jo Brian Eno, Everything That Happens Will Happen Today.
| No | Judul | Panyanyi |
|---|---|---|
| 1 | Prison | Craig Armstrong |
| 2 | Home | David Byrne jo Brian Eno |
| 3 | Life Is Long | David Byrne jo Brian Eno |
| 4 | Sleeping Up | David Byrne |
| 5 | Strange Overtones | David Byrne jo Brian Eno |
| 6 | Money | Craig Armstrong |
| 7 | My Big Nurse | David Byrne jo Brian Eno |
| 8 | Helicopter Reveal | Craig Armstrong |
| 9 | Tiny Apocalypse | David Byrne |
| 10 | Lazy | David Byrne |
| 11 | I Feel My Stuff | David Byrne jo Brian Eno |
| 12 | This Must Be the Place (Naïve Melody) | Talking Heads |
| 13 | Dekha | ft. song by Ali Zafar |
Panayangan
[suntiang | suntiang sumber]Pamasaran
[suntiang | suntiang sumber]Film iko diputa salamo Festifal Film Cannes tahun 2010 di Parancih. Wartawan bapikia jiko Cannes akan manjadi "platform nan coco untuak maluncuakan film nan mambahas tantang dilema ekonomi kini"[5] Akhiranyo disambuik jo ulasan positif dari kritikus film di festival, walaupun banyak nan manyampaikan "raso indak suko dek akhia filmnyo". Saurang juru bicara Fox manyampaikan jikok Stone alah maubah akhia sajak pamutaran di Cannes.[6] Film iko dibuka di Ischia Global Film and Music Fest nan digala pado 11-18 Juli. Michael Corkery dari The Wall Street Journal malaporkan jikok banyak jurnalis nan talibaik dalam industri kauangan diundang untuak manyaksikan pamutaran film labiah lanjut.[7] Untuak mampromosikan Wall Street: Money Never Sleeps, ndak bara urang anggota pamaran mangunjungi NASDAQ di Times Square, pado 20 September sarato mamimpin Pembukaan NASDAQ.[8]
Pado 20 September, pamutaran patamo film di New York diadokan di Teater Ziegfeld di tangah kota Manhattan.[9] Manuruik Deadline Hollywood, film iko awalnyo dirilis Februari 1010 tapi kudian diagiah tanggal 23 April 2010 untuak panayangakn patamonyo.
Box Office
[suntiang | suntiang sumber]Money Never Sleeps dibuka di total 3.597 bioskop di Amerika Sarikaik, mahasiakan $9 juta pado hari patamo jo $19 juta pada akhia pakan pambukaannyo di AS, rato-rato $5.330 per teater jo manjadi film nomor satu di box office,[10] walaupun kurang dari perkiraan studio.[11] Namun itu masih menandai salah satu bukaan paliang tinggi untuk film Stone.[11] Walaupun ada paningkatan layar untuk akhia pakan kaduo, Money Never Sleeps mandapek panurunan 47% pado pandapekannyo, jatuah ka tampek katigo di box office sarato mahasiakan saketeknyo $ 10 juta untuak akhir pakan.[10]
Selama akhia pakan 8-10 Oktober itu mangalami panurunan labiah lanjuik, jatuah hampia 55%, manghasiakan labiah dari $4 juta jo turun ka tampek katujuah di box office.[10] Dalam minggu kaampek panayangan domestiknyo jatuah di bawah sapuluh besar di box office malalui pandapatan labiah dari $ 1 juta, sasudah mandarito panurunan 48%.[10] Di dalam nageri, film iko manghasiakan US$52,4 juta, jo alah mandapek labiah dari US$134,7 juta di saluruh dunia.[12]
Rujuakan
[suntiang | suntiang sumber]- ↑ "Wall Street: Money Never Sleeps". IMDb. Diakses tanggal 9 Desember 2019.
- ↑ Staff, Variety; Staff, Variety (2016-09-10). "Oliver Stone Cut a Donald Trump Cameo From One of His Films, Says Hollywood is 'A Factory'". Variety (dalam bahasa Inggris). Diakses tanggal 2019-12-31.
- ↑ Schuster, Dana (2017-07-29). "Scaramucci's fed-up wife filed for divorce while nine months pregnant". Page Six (dalam bahasa Inggris). Diakses tanggal 2019-12-31.
- ↑ "David Byrne, St. Vincent Collaborate With Bang On A Can's Asphalt Orchestra". Stereogum. 2010-07-19. Diakses tanggal 2019-12-31.
- ↑ Dupont, Joan (13 Mai 2010). "Hollywood Stalwarts Return to the War Zone That Is Wall Street". The New York Times. Diakses tanggal 31 Desember 2019.
- ↑ "Wall Street: Money Never Sleeps". EW.com (dalam bahasa Inggris). Diakses tanggal 2019-12-31.
- ↑ Corkery, Michael (2010-09-17). "Is "Wall Street: Money Never Sleeps" Living Up to the Hype?". WSJ (dalam bahasa Inggris). Diakses tanggal 2019-12-31.
- ↑ "Director Oliver Stone and Cast Members From Twentieth Century Fox – "Wall Street: Money Never Sleeps" to Ring The Nasdaq Stock Market Opening Bell". Yahoo!. 16 September 2010. Diakses tanggal 31 Desember 2019.
- ↑ Stuart, Hunter (2010-09-20). "WATCH: The Stars Of 'Wall Street 2' Hit The Red Carpet". HuffPost (dalam bahasa Inggris). Diakses tanggal 2019-12-31.
- ↑ a b c d "Wall Street: Money Never Sleeps". Box Office Mojo. Diakses tanggal 2019-12-31.
- ↑ a b "Wall Street Sequel Tops Weekend Box Office | TV Guide". TVGuide.com (dalam bahasa Inggris). 2010-09-26. Diakses tanggal 2019-12-31.
- ↑ "Wall Street: Money Never Sleeps". Box Office Mojo. Diakses tanggal 2019-12-31.