Vertigo posisi paroksismal jinak

Wikipedia Minangkabau - Lubuak aka tapian ilimu
Vertigo posisi paroksismal jinak
Tampak lua labirin talingo dalam.
SpesialisasiTalingo Hiduang Tenggorok
GejalaKapalo pasiang baputa nan dipangaruahi parubahan gerakan[1]
Awitan50-an inggo 70-an[2]
DurasiEpisode kurang dalam saminik[3]
Faktor risikoUmua labiah gaek, kapalo tarantuak[3]
DiagnosisHasia Uji Dix–Hallpike positif sasudah sagalo kamungkinan panyabab diilangkan [1]
Kondisi sarupoLabirinitis, panyakik Ménière, strok, migrain vestibular[3][4]
ParawatanManuver Epley atau uji Brandt–Daroff[3][5]
PrognosisCegak dalam etongan ari inggo bulan[6]
Frekuensi2,4% [1]
Artikel ko maagiah informasi dasa tantang topik kasihatan. Informasi dalam artikel ko buliah digunoan anyo untuak panjalehan ilmiah, bukan untuak diagnosis diri dan indak dapek manggantian diagnosis medis.
Paratian: Informasi dalam artikel ko bukanlah resep atau nasihaik medis. Wikipedia bukan pangganti dotor.
Kok Sanak paralu bantuan atau ka barubek bakonsultasilah jo tanago kasihatan profesional.

Vertigo posisi paroksismal jinak atau benign paroxysmal positional vertigo (BPPV) adolah kalainan nan disababkan dek masalah pado talingo dalam.[3] Gejala utamonyo vertigo. Vertigo marupokan raso paniang baputa sarato barulang nan pado panyakik ko dipangaruahi parubahan gerakan jo posisi. Satiok episode paniang dapek balansuang dalam kurang dari saminik. Gejala lain nan sato muncua adolah mual. BPPV adolah jinih vertigo nan paliang acok di masyarakaik.[2][1]

BPPV disababkan katiko material babantuak batu kalsium karbonat dari makula dalam dindiang utrikulus (masih dalam labirin talingo dalam) masuak ka salah satu kanal semisirkular nan kudian mangirim sinyal respon ka saraf. Ado tigo kanal nan ado di talingo dalam dan bisa badampak di katigo kanal. Jinih BPPV nan paliang acok adolah nan takanai di kanal posterior. Diagnosis panyakik ko ditagakkan manuruik anamnesis, gejala kllinis, sarato dikonfirmasi malalui uji posisi atau manuver diagnosis.[7]

Sacaro umum untuak maubek BPPV adolah jo maningkekan kualitas iduik sarato mangurangi risiko jatuah nan tajadi pado pasien. Tatalaksana BPPB sacaro umum tabagi duo, yaitu tatalaksana non-ubek nan di antaronyo ado baragam manuver sarato tatalaksana jo ubek.[8][5]

Patofisiologi[suntiang | suntiang sumber]

Vertigo posisi paroksismal jinak muncua dek otolit (batu talingo), nan tadiri ateh kalsium karbonat nan barasa dati makula pado utrikulus, lapeh dan bapindah dalam ciek kanal dari tigo kanal semisirkular talingo dalam. Otolith ko duo kali labiah padek pado cairan endolimfe, sainggo dapek bapindah sasuai tarikan gravitasi jo pagarakan lainnyo. Hal iko maransang ampula dalam kanal dan mambuek vertigo.[5]

Gejala[suntiang | suntiang sumber]

Gejala nan dikaluahkan adolah vertigo nan datang tibo-tibo wakatu parubahan posisi kapalo. Sabagian pasien dapek mangatokan sacaro tapek posisi tatantu nan mambuek kaluahan vertigonyo. Biasaonyo vertigo dirasokan sangek barek, balansuang singkek hanyo babarapo datiak sajo walaupun pandarito marasokannyo labiah lamo.[9]

Diagnosis[suntiang | suntiang sumber]

Diagnosis dapek ditagakkan dari anamnesis kaluahan pandarito jo pamaresoan fisik. Pamaresoan fisik nan dapek dilakukan yaitu uji Dix-Hallpike. Uji ko hanyo buliah dilakukan pado pandarito nan indak punyo masalah lihia jo pungguang. Tujuan dari uji ko adolah untuak maransang bangkiknyo vertigo sarato untuak mancaliak adonyo nistagmus. Nistagmus adolah kondisi bola mato manggarik capek. Pado urang normal nistagmus dapek muncua wakatu ado garakan provokasi ka balakang, tapi wakatu garakan alah sudah indak ka tampak lai nistagmus. Samantaro pado pandarito BPPV ka tampak nistagmus nan muncuanyo lambek, kiro-kiro 40 datiak. Jikok nistagmus ilang dalam wakatu kurang dati saminik, mangko panyabab BPPVnyo adolah kanalitiasis, tapi kok labiah dari saminik, mangko panyababnyo adolah kupulolitiasis.[10][11]

Tes lain nan dapek dilakukan adolah tes kalori. Tes kalori dilakukan jo mamakai duo macam aia, yaitu aia dingin jo aia angek. Suhu aia nan dingin yaitu 30o, sadangkan suhu aia nan angek yaitu 44oC. Kaduo aia ka dialiakan ka liang talingo salam wakatu 40 datiak. Di satiok salasai pamaresoan, pasien diistirahaikkan salamo 5 minik dan dicaliak ado indaknyo nistagmus pado pandarito.[9]

Tatalaksana[suntiang | suntiang sumber]

BPPV adolah panyakik nan dapek cegak sacaro spontan dalam babarapo bulan. Namun alah banyak panalitian nan mambuktikan baso terapi jo manuver reposisi partikel (Particle Repositioning Maneuver) sacaro efektif mailangkan vertigo pado BPPV, maningkekan kualitas iduik, sarato mangurangi risiko jatuah pado pasien. Kaefektifan manuver-manuver nan ado baragam dari 70-100%. Ado efek sampiang dari malakukan manuver, cando mual, muntah, vertigo, jo nistagmus. Salapeh malakukan manuver andaknyo pasien tatap dalam posisi duduak minimal 10 minik untuak mailakan risiko jatuah. Manuver-manuver nan bisa dipakai antaro lain Epley, Sermont, jo Brandt–Daroff.[12][13]

Manuver Epley adolah manuver nan paliang acok digunokan pado BPPV tipe kanal vertikal (posterior). Manuver ko dapek mamindahkan otolith jo bantuan gravitasi. Dapek dilakukan baiak di klinik atau diajakan untuak dilatiah di rumah. Pasien dimintak untuak manolehkan kapalo ka sisi nan sakik inggo mambantuak suduik 40o, kudian kapalo pasien digantuang dan dipatahankan 1-2 minik. Lalu ditolehkan ka sisi sabaliaknyo jo suduik 90o, dipatahankan 30-40 datiak inggo pasien kabliak ka posisi samulo.[14][15]

Panatalaksanaan jo ubek pado BPPV indak sacaro rutin dilakukan. Ubek dipakai untuak maatasi gejala-gejala vertigo, mual, jo muntah nan barek nan biaso tajadi pado pasien. Ubek nan dapek dipakai yaitu supresan vertibular, anataro lain golongan benzodiazepin (diazepan, klonazepam) jo antihistamin (meklizin, difenhidramin). Benzodiazepin dapek mangurangi sensasi baputa, walau dapek mangganggu kompensasi sentral pado kondisi vestibular perifer. Antihistamin mampunyoi efek supresif pado pusek muntah sainggo dapek mangurangi mual jo muntah.[16][17]

Rujuakan[suntiang | suntiang sumber]

  1. ↑ a b c d Bhattacharyya N, Baugh RF, Orvidas L, Barrs D, Bronston LJ, Cass S, Chalian AA, Desmond AL, Earll JM, Fife TD, Fuller DC, Judge JO, Mann NR, Rosenfeld RM, Schuring LT, Steiner RW, Whitney SL, Haidari J (November 2008). "Clinical practice guideline: benign paroxysmal positional vertigo". Otolaryngology–Head and Neck Surgery. 139 (5 Suppl 4): S47–81. doi:10.1016/j.otohns.2008.08.022. PMID 18973840. Ringkasan – AAO-HNS (2008-11-01). 
  2. ↑ a b Dickson, Gretchen (2014). Primary Care ENT, An Issue of Primary Care: Clinics in Office Practice, Volume 41, Issue 1 of The Clinics: Internal Medicine. Elsevier Health Sciences. p. 115. ISBN 9780323287173. https://books.google.com/books?id=JczaAgAAQBAJ&pg=PA115. Diakses pado 1 Desember 2020. 
  3. ↑ a b c d e "Balance Disorders". National Institute for Deafness and Other Communication Disorders (NIDCD). August 10, 2015. Diarsipkan dari versi asli tanggal 27 July 2016. Diakses tanggal 1 Desember 2020. 
  4. ↑ Ferri, Fred F. (2016) (dalam bahaso en). Ferri's Clinical Advisor 2017 E-Book: 5 Books in 1. Elsevier Health Sciences. p. 170. ISBN 9780323448383. https://books.google.com/books?id=rRhCDAAAQBAJ&pg=PA170. 
  5. ↑ a b c Hilton MP, Pinder DK (December 2014). "The Epley (canalith repositioning) manoeuvre for benign paroxysmal positional vertigo". The Cochrane Database of Systematic Reviews (12): CD003162. doi:10.1002/14651858.CD003162.pub3. PMID 25485940. 
  6. ↑ "Benign Paroxysmal Positional Vertigo". NORD (National Organization for Rare Disorders). Diarsipkan dari versi asli tanggal 2020-02-15. Diakses tanggal 1 Desember 2020. 
  7. ↑ Bhattacharyya N, Baugh RF, Orvidas L, Barrs D, Bronston LJ, Cass S, Chalian AA, Desmond AL, Earll JM, Fife TD, Fuller DC, Judge JO, Mann NR, Rosenfeld RM, Schuring LT, Steiner RW, Whitney SL, Haidari J (November 2008). "Clinical practice guideline: benign paroxysmal positional vertigo". Otolaryngology–Head and Neck Surgery. 139 (5 Suppl 4): S47–81. doi:10.1016/j.otohns.2008.08.022. PMID 18973840. Ringkasan – AAO-HNS (2008-11-01). 
  8. ↑ "Balance Disorders". National Institute for Deafness and Other Communication Disorders (NIDCD). August 10, 2015. Diarsipkan dari versi asli tanggal 27 July 2016. Diakses tanggal 1 Desember 2020. 
  9. ↑ a b Nagel P & Gurkov R, Dasar-dasar Ilmu THT, edisi 2. EGC, Jakarta 2009.
  10. ↑ Schubert, Michael C. (2019-01-25). "Vestibular Disorders". di dalam O'Sullivan, Susan B.; Schmitz, Thomas J.; Fulk, George D.. Physical Rehabilitation (edisi ke-7th). pp. 918–49. ISBN 978-0-8036-9464-4. //books.google.com/books?id=Vs6FDwAAQBAJ&pg=PA918. 
  11. ↑ Korres SG, Balatsouras DG (October 2004). "Diagnostic, pathophysiologic, and therapeutic aspects of benign paroxysmal positional vertigo". Otolaryngology–Head and Neck Surgery. 131 (4): 438–44. doi:10.1016/j.otohns.2004.02.046. PMID 15467614. 
  12. ↑ Hilton MP, Pinder DK (December 2014). "The Epley (canalith repositioning) manoeuvre for benign paroxysmal positional vertigo". The Cochrane Database of Systematic Reviews (12): CD003162. doi:10.1002/14651858.CD003162.pub3. PMID 25485940. 
  13. ↑ Gold, Daniel. "Posterior Canal - BPPV: Epley and Semont maneuvers". Neuro-Ophthalmology Virtual Education Library (NOVEL): Daniel Gold Collection. Spencer S. Eccles Health Sciences Library. Diakses tanggal 1 Desember 2020. 
  14. ↑ von Brevern M, Seelig T, Radtke A, Tiel-Wilck K, Neuhauser H, Lempert T (August 2006). "Short-term efficacy of Epley's manoeuvre: a double-blind randomised trial". Journal of Neurology, Neurosurgery, and Psychiatry. 77 (8): 980–2. doi:10.1136/jnnp.2005.085894. PMC 2077628 alt=Dapat diakses gratis. PMID 16549410. 
  15. ↑ Radtke A, von Brevern M, Tiel-Wilck K, Mainz-Perchalla A, Neuhauser H, Lempert T (July 2004). "Self-treatment of benign paroxysmal positional vertigo: Semont maneuver vs Epley procedure". Neurology. 63 (1): 150–2. doi:10.1212/01.WNL.0000130250.62842.C9 alt=Dapat diakses gratis. PMID 15249626. 
  16. ↑ Huppert D, Strupp M, Mückter H, Brandt T (March 2011). "Which medication do I need to manage dizzy patients?". Acta Oto-Laryngologica. 131 (3): 228–41. doi:10.3109/00016489.2010.531052. PMID 21142898. 
  17. ↑ Herdman, S. J.; Tusa, R. J.; Zee, D. S.; Proctor, L. R.; Mattox, D. E. (1993-04-01). "Single Treatment Approaches to Benign Paroxysmal Positional Vertigo". Archives of Otolaryngology - Head and Neck Surgery. 119 (4): 450–454. doi:10.1001/archotol.1993.01880160098015. ISSN 0886-4470. 
Diambiak dari "https://min.wikipedia.org/w/index.php?title=Vertigo_posisi_paroksismal_jinak&oldid=2500332"