Universitas Putra Indonesia YPTK Padang

Dari Wikipedia baso Minang, ensiklopedia bebas
Loncat ke navigasi Loncat ke pencarian
Universitas Putra Indonesia "YPTK" Padang
Motto Melangkah Lebih Maju
Didirian 23 September 1985
Jinih Paguruan tinggi swasta
Rektor Dr. H. Sarjon Defit, S.Kom., M.Sc.
Staf akademik 337
Mahasiswa 10.774
Lokasi Lubuk Begalung, Padang, Sumatera Barat[1]
Situs web sisfo.upiyptk.ac.id

Universitas Putra Indonesia "YPTK" Padang (UPI-YPTK) adolah salah satu universitas swasta nan tadapek di Kota Padang, Sumatera Barat. Universitas ko tadiri dari tujuah fakultas jo duo program pasca sarjana.

Sijarah[suntiang | suntiang sumber]

Awanyo universitas ko badiri pado tanggal 23 September 1985 sabagai Akademi Manajemen Informatika dan Komputer (AMIK), di bawah Yayasan Perguruan Tinggi Komputer (YPTK) Padang miliak H. Herman Nawas dan Dr. Zerni Melmusi, MM, Ak.[1] Salanjuiknyo taun 1986 badiri Akademi Akuntansi dan Manajemen Program Komputer (AAMPK), sarato taun 1987 Sekolah Tinggi Manajemen Informatika dan Komputer (STMIK) nan maikuikinyo.

Pado taun 1992 badiri lai Sekolah Tinggi Ilmu Ekonomi (STIE), nan taun 1999 lah mulai manjalanan pulo Program Studi Magister Manajemen (S2). Untuak maningkekan status manjadi universitas, mangko taun 2001 diadoan lah reorganisasi, inggo STMIK jo AMIK digabuang manjadi Fakultas Komputer, dan STIE jo AAMPK digabuang manjadi Fakultas Ekonomi. Kudian ditambuah juo jo tigo fakultas baru, yaitu Fakultas Psikologi, Fakultas Teknik Sipil dan Perencanaan, jo Fakultas Teknologi Industri, untuak mambantuak Universitas Putra Indonesia "YPTK" Padang nan lalu dirasmian pado tanggal 16 Mei 2001.

Pado akia taun 2003 mulai dijalanan pulo Program Pascasarjana Magister Ilmu Komputer (S2), sarato pado taun 2008 batambah pulo Fakultas Disain Komunikasi Visual. Di tambah jo FKIP-Pendidikan Teknik Informatika, mangko kini ko UPI-YPTK lah tadiri dari tujuah fakultas jo duo program pasca sarjana.

Karusakan cukuik ebaik pado kampus UPI-YPTK panah tajadi taun 2009 akibaik gampo bumi gadang di Kota Padang, nan baakibaik karugian sakita Rp. 3 milyar.[2]

Fakultas[suntiang | suntiang sumber]

Fakultas-fakultas pado Universitas Putra Indonesia "YPTK" Padang adolah sbb.:[3]

  • Fakultas Ilmu Komputer
    • Jurusan Sistem Komputer
    • Jurusan Sistem Informasi
    • Jurusan Teknik Informatika
    • Jurusan Manajemen Informatika
  • Fakultas Ekonomi
    • Jurusan Manajemen
    • Jurusan Akuntansi
  • Fakultas Psikologi
  • Fakultas Teknik Sipil dan Perencanaan
  • Fakultas Teknik Industri
  • Fakultas Disain Komunikasi Visual
  • Fakultas Ilmu Keguruan dan Ilmu Pendidikan
    • Pendidikan Teknik Informatika
    • Bimbingan Konseling
    • Pendidikan Bahasa Inggris

Rujuakan[suntiang | suntiang sumber]

  1. a b Fajril Mubarak (14 Mai 2015). "Ketua Yayasan UPI YPTK, Herman Nawas". © 2014 - 2016 Padek.co. Padang Ekspres. http://news.padek.co/detail/a/26415. Diakses pado 19 September 2016. 
  2. Hadi Suprapto (6 Oktober 2009). "Gempa 7,6 SR Guncang Sumbar: Para Saudagar Minang Terancam Bangkrut". Copyright © 2016 PT.Viva Media Baru. Viva.co.id. http://bisnis.news.viva.co.id/news/read/94785-gempa-saudagar-minang-terancam-bangkrut. Diakses pado 19 September 2009. 
  3. "SPMB Online". © Universitas Putra Indonesia "YPTK". Universitas Putra Indonesia "YPTK" Padang. http://sisfo.upiyptk.ac.id/SPMB/index.php?page=progdi. 

Pautan lua[suntiang | suntiang sumber]