Umar Said Cokroaminoto

Wikipedia Minangkabau - Lubuak aka tapian ilimu
Loncat ke navigasi Loncat ke pencarian
Oemar Said Cokroaminoto
HOS Tjokroaminoto, 20 Mei Pelopor 17 Agustus, p43.jpg
Hadji Oemar Said Tjokroaminoto
Lahia 16 Agustus 1882
Ponorogo, Jawa Timur, Hindia Belanda Templat:Flagicon image
Wafaik 17 Desember 1934 (umua 52)
Yogyakarta, Hindia BelandaTemplat:Flagicon image
Karajo Pendiri sekaligus ketua pertama organisasi Sarekat Islam, guru Sukarno , Semaoen, Sekarmadji Maridjan Kartosoewirjo, Alimin, Musso, Tan Malaka, dan Soekarno
Agamo Islam
Pasangan iduik Suharsikin
Anak Siti Oetari
Oetaryo Anwar Tjokroaminoto
Harsono Tjokroaminoto
Siti Islamiyah
Ahmad Suyud
Karabaik Sukarno (murid dan mantan menantu)
R.M. Tjokroamiseno (ayah)
Warok R.M. Adipati Tjokronegoro (kakek)
Abikoesno Tjokrosoejoso (adik)
Sekarmadji Maridjan Kartosoewirjo (murid)
Musso (murid)
Semaoen (murid)
Aulia Tahkim
Maia Estianty (cicit)

Raden Hadji Oemar Said Tjokroaminoto (lahira di Ponorogo, Jawa Timur, 16 Agustus 1883 – maningga di Yogyakarta, Indonesia, 17 Desember 1934 di umua 51 taun (dalam Buku Sejarah Sarekat Islam dan Pandidikan Bangsa, karangan Drs. Mansur, MA. Penerbit Pustaka Pelajar, 2004; laman 13), labiah dikana jo namo H.O.S Cokroaminoto, marupoan salah satu pamimpin organisasi partamo di Indonesia, yaitunyo Sarekat Islam (SI).[1][2][3]

Kahidupan pribadi[suntiang | suntiang sumber]

Tjokroaminoto adolah anak kaduo dari 12 badunsanak dari ayahnyo nan banamo R.M. Tjokroamiseno, salah surang pajabaik pamerintahan katiko itu. Gaeknyo, R.M. Adipati Tjokronegoro, pernah juo manjabaik sabagai Bupati Ponorogo.

Bagala De Ongekroonde van Java atau "Rajo Jawa Tanpa Mahkota" dek Balando, Tjokroaminoto adolah salah satu palopor pagerakan di indonesia dan juo sabagai guru dek para pamimpin-pamimpin gadang di Indonesia. Dimulai dari pamikirannyo pulo nan malahian babagai macam ideologi bangsa Indonesia katiko tu. Rumahnyo sempat dijadian rumah kos dek pamimpin gadang untuak manimbo ilimu kapadanyo, iyolah Semaoen, Alimin, Muso, Soekarno, Sekarmadji Maridjan Kartosoewirjo, bahkan Tan Malaka pernah baguru ka inyo. Inyo adolah urang nan partamo kali manolak untuak tunduak pado Belanda. Sasudah inyo maningga, lahielah warna-warni pagerakan Indonesia nan dibangun dek murid-muridnyo, yakni kaum sosialis/komunis nan dianut dek Semaoen, Muso, Alimin. Soekarno nan nasionalis, jo Sekarmadji Maridjan Kartosoewirjo nan Islam marangkap sabagai sekretaris pribadi. Namun, katigo muridnyo itu saliang basealisiah manuruik paham masiang-masiang. Pangaruah kakuatan politik katiko itu mamungkinkan para pamimp nan sakawanan itu saliang balago hinggo tajadi Pemberontakan Madiun 1948 nan dilakuan Partai Komunis Indonesia karano mamproklamasikan "Republik Soviet Indonesia" nan dipimpin Muso. Jo tapaso Presiden Soekarno mangirimkan pasukan elite TNI yakni Divisi Siliwangi nan barakibaik "abang", sapoan akrab Soekarno kapado Muso, pamimpin Partai komunis katiko itu tatembak mati pado 31 Oktober 1948. dilanjuikan dek Nagaro Islam Indonesia(NII) nan dipimpin dek S.M Kartosuwiryo dan akhirnyo hukuman mati nan dijatuhan dek Soekarno kepado kawannyo Sekarmadji Maridjan Kartosoewirjo pado 12 September 1962. Pado bulan Mei 1912, HOS Tjokroaminoto mandirian organisasi Sarekat Islam nan sabalumny dikana jo Sarikek Dagang Islam dan tapilih manjadi ketua.

Salah satu trilogi darinyo nan tamasyhur adolah Setinggi-tinggi ilmu, semurni-murni tauhid, sepintar-pintar siasat. Iko manggambarkan pajuangan Indonesia pado masanyo nan mambutuahan tigo kamampuan pado saurang pajuang kamerdekaan. Dari babagai muridnyo nan paliang inyo sukoi adolah Soekarno hinggo inyo manikahkan Soekarno jo anaknyo yakni Siti Oetari, istri partamo Soekarno. Pasannyo kapado Para murid-muridnyo iolah "Jiko kalian nyak manjadi Pamimpin gadang, manulihlah sarupo wartawan dan mangeceklah sarupo orator". Pakataan iko mambius murid-muridnyo hinggo mambuat Soekarno satiok malam berteriak baraja pidato sampai mambuek kawannya, Muso, Alimin, S.M Kartosuwiryo, Darsono, dan nan lainnyo tajago dan galak mamcalaiknyo.

Tjokro maningga di Yogyakarta, Indonesia, 17 Desember 1934 di umua 52 tahun. Inyo dimakamkan di TMP Pekuncen, Yogyakarta, sasudah jatuah sakik sasudah mangikuti Kongres SI di Banjarmasin.

Liek pulo[suntiang | suntiang sumber]

Budayo populer[suntiang | suntiang sumber]

Ssbuah film jo judul Guru Bangsa: Tjokroaminoto slah dibuek nan mangangkek sabagian kisah Oemar Said Tjokroaminoto. Film nan diproduksi pado taun 2015, iko disutradarai dek Garin Nugroho, djo pameran utamo Reza Rahardian.[4]

Rujuakan[suntiang | suntiang sumber]

  1. Tokoh Indonesia: Tjokroaminoto, diakses 17 April 2015
  2. Merdeka: Profil Tjokroaminoto, diakses 17 April 2015
  3. Tunarungu: Tentang Tjokroaminoto, diakses 17 April 2015
  4. Tjokro Movie: Guru Bangsa: Tjokroaminoto diakses 19 April 2015