Tusam sumatera
Tusam Sumatera atau Pinus Merkusi marupoan jenis tumbuahan asli Indonesia nan taseba di alam daerah Sumatera. Tanaman iko tamasuak dalam jenis pohon serba guno nan taruih dikambangkan dan dipalueh pananamannyo pado maso mandatang untuak panghasil kayu, produksi gatah, dan konvervasi lahan. Pohon nan mamiliki tinggi hinggo mancapai 40 meter iko ditamukan kali patamo oleh surang ahli botani dari Jerman, Dr.F.R.Junghuhn pada tahun 1841 di daerah Sipirok, Tapanuli Selatan.[1]
Pinus Merkusii mamiliki batang bakayu, bulek, kareh, dan bacabang horizontal 2-23 m dengan tinggi mancapai 20-40 m badiamater 100 cm. Kulik luanyo kasa bawarno cokelat kalabu sampai cokelat tuo, indak mangalupeh dan baalur leba sarato dalam. Kayu pinus bawarno coklat-kuniang mudo dengan barek jenis rato-rato 0,55 dan tamasuak kaleh kuek III serta kaleh awet IV.[1][2]
Daunnyo majemuk dan babantuak jarum dengan jumlah duo halai nan dapek batahan labiah dari 2 tahun dengan tapi daun bagarigi haluih. Bungo babantuak stobili jantan dengan panjang sakita 2 cm dan panjang bungo batino 7-10 cm. [1][3]
Pohon iko babungo dan babuah sapanjang tahun, tarutamo pado Juli-November. Biji Pinus nan elok, kuliknyo kariang kacokelatan, bulek, padek, dan indak bakaruik.[1]
Pakambangbiakannyo
[suntiang | suntiang sumber]Tanaman nan tamasuak famili Pinaceae iko tagolong jenis tumbuahan nan capek tumbuah karano dapek tumbuah di mano sajo baiak di tanah nan kurang subur, bapasia, dan babatu. Namun untuk manghasilkan patumbuahan nan elok, Pinus Merkusii mambutuahkan katinggian tampek tumbuah 200-2000 mdpl dengan curah ujan tipe A-C , temperatur udaro bakisa 10-30 darajat celcius, reaksi tanah (pH) bakisa antaro 4,5-5,5 dan bulan basah (5-6 bulan) nan diselingi dengan bulan kariang pendek (3-4 bulan).[1][4]
Panyabaran
[suntiang | suntiang sumber]Di daerah Sumatera, pinus dapek dibagi ka dalam tigo strain, yaitu:
- Strain Aceh, panyabarannyo dari pagunuangan Selawah Agam sampai sakita Taman Nasional Gunuang Leuser. Dari siko manyaba ka salatan maaikuti pagunuangan Bukik Barisan labiah kurang 200 km malalui Danau Lauik Tawa, Uwak, Blangkejeren hinggo ka Kotacane. Di daerah iko tagakan pinus pado umumnyo tadapek pado katinggian 800-2000 mdpl.
- Strain Tapanuli, mayaba di daerah Tapanuli ka salatan Danau Toba. Tagakan Pinus alami nan umumnyo tadapek di pagunuangan Dolok Tusam dan Dolok Pardomuan. Di pagunuangan Dolok Saut, pinus bacampua dengan jenis daun leba. Di daerah iko tagakan pinus tadapek pado katinggian 1000-1500 mdpl.
- Strain Karinci, mayaba di sakita pagunuangan Karinci. Tagakan pinus alami nan lueh tadapek antaro Bukik Tapan dan Sungai Panuah. Di daerah iko tagakan pinus tumbuah sacaro alami umumnyo pado katinggian 1500-2000 mdpl.[1]
Salain di Indonesia, Pinus Merkusii jugo ditamui di Vietnam, Kamboja, Thailand, Burma, India, dan Filipina. Sacaro geografis taseba antaro 20 LS-220 dan 95030’ BB-120031.[4]
Manfaaik
[suntiang | suntiang sumber]Hampia sado bagian pohon Pinus Merkusii mamiliki manfaaik, antaro lain bagian batangnyo dapek disadap untuak diambiak gatahnyo. Gatah tasabuik diproses labiah lanjuik manjadi gondorukem dan terpentin. Gondorukem dapek digunoan sabagai bahan untuak mambuek sabun, resin, dan cat. Terpentin digunoaan untuak bahan industri parfum, ubek-ubekan, dan desinfektan.[5]
Di dunia patukangan, kayu dari Pinus iko sangaik baguno untuak bangunan parumahan, lantai, mebel, kotak, korek api, pulp, tiang listrik, papan wol kayu, resin, kayu lapis, triplek, venir, dan sutra tiruan.[2]
Bagian kuliknyo dapek dimanfaaikkan sabagai bahan bakar dan abunyo digunoan untuak bahan campuran pupuk, karano kuliknyo manganduang kalium. Daur panennyo untuak kabutuahan pulp 12 tahun dan non pulp 20 tahun.[1]
Kalamahannyo
[suntiang | suntiang sumber]P. merkusii Jungh et De Vriese atau sering disabuik tusam marupoan salah ciek jenis pohon industri nan mampunyoi nilai produksi tinggi. Namun di baliak itu, Pinus mamiliki kalamahan yaitu peka tahadok kabakaran, iko karano pinus manghasilkan sarasah daun nan indak mudah mambusuak sacaro alami.[5]
Kabakaran utan umumnyo tajadi pado saat musim kamarau, karano saat itu kanduangan aia, baiak pado rantiang-rantiang dan sarasah di lantai utan maupun pohon manjadi bakurang sahingga kamungkinan untuak mangalami kabakaran manjadi labiah gadang. Salain itu, produksi saraasah pinus tamasuak tinggi, yaitu 12,56-16,65 ton/hektar (Komarayati et al.2002).[1]
Rujuakan
[suntiang | suntiang sumber]- ↑ a b c d e f g h Siregar, Edy Batara Mulya (2005-06-10). "Pemuliaan Pinus Merkusii". https://repository.usu.ac.id. Universitas Sumatera. Hapus pranala luar di parameter
|website=(bantuan) - ↑ a b Sallata, M. Kudeng (2013). "Pinus (Pinus merkusii Jungh et de Vriese) dan Keberadaannya di Kabupaten Tana Toraja, Sulawesi Selatan". Buletin Eboni. 10 (2): 85–98. doi:10.20886/buleboni.5013. ISSN 2714-9870.
- ↑ "Pinus Sumatra". Jurnal Asia (dalam bahasa Indonesia). 2015-04-11. Diakses tanggal 2022-05-25.
- ↑ a b Reynaldo Daniel, Tarigan (2019). "Analisis Tumbuhan Bawah pada Habitat Alam Pinus merkusii Strain Tapanuli Bekas Terbakar di Kabupaten Tapanuli Utara Provinsi Sumatera Utara". https://repositori.usu.ac.id/. Universitas Sumatera Utara. Diakses tanggal 26 Mei 2022. Hapus pranala luar di parameter
|website=(bantuan) - ↑ a b Hartoyo; Dahlian,, E (1997). Komponen Kimia Terpentin dari Getah Tusam ( Pinus merkusii) Asal Kalimantan Barat. Info Hasil Hutan. Bogor: Badan Penelitian dan Pengembangan Kehutanan.