Lompat ke isi

Tuapejat, Sipora Utara, Kapulauan Mentawai

Wikipedia Minangkabau - Lubuak aka tapian ilimu
Tuapejat
Pelabuhan Kapal Tuapejat 202308073.jpg
Nagara Indonesia
ProvinsiSumatera Barat
KabupatenKepulauan Mentawai
KecamatanSipora Utara
Kodepos25392
Laweh86,52 km²
Panduduak6.476 jiwa (2020)
Kapadatan75 jiwa/km²

Tuapejat adolah sabuah kelurahan nan ado di wilayah Kecamatan Sipora Utaro, Kabupaten Kapulauan Mentawai, Provinsi Sumatera Barat, Indonesia. Tuapejat marupoan ibukota Kabupaten Kapulauan Mentawai. Lueh wilayah 86,52 km² nan mampunyoi panduduak ditahun 2020 bajumlah 6.475 jiwa.[1]

Tuapejat dibagi manjadi sambilan wilayah pakampuangan atau dusun, iolah dusun Tuapejat, dusun Camp, dusun Kampung, dusun Jati, dusun Berkat, dusun Pukarayat, dusun Karoniet dan dusun Turonia.[1]

Penduduk desa Tuapejat paliang banyak marupokan etnis atau suku asli sinan, iolah suku Mentawai. Ado pulo pandatang lain yakni suku nan tadakek dari Mentawai, Minangkabau, kamudian suku pandatang lain dari suku Jawa, jo Batak, nan banyak bakarajo di kantua pamarintahan, maupun juo sabagai pedagang.

Badasarkan data Badan Pusat Statistik tacatat kalau panduduak di Sipora Utara manganut tigo ugamo utamo. Pamaluak ugamo Kekristenan bajumlah 53,19 persen, dimano Protestan 46,86 persen jo Katolik 6,33 persen, nan umumnyo dianut warga dari suku Mentawai jo Batak. Kamudian nan mamaluak ugamo Islam 46,38 persen, umumnyo dianut warga dari suku Minangkabau jo Jawa, tu salabiahnyo 0,43 persen, tamasuak nan mamaluak ugamo Hindu jo kapicayoan.[2]

Tuapejat mampunyoi iklim hutan hujan tropis (Af) dengan curah hujan nan tinggi hinggo sangaik lebek sapanjang tahun.

Data iklim Tuapejat
Bulan Jan Peb Mar Apr Mai Jun Jul Agt Sep Okt Nov Des Tahun
Rato-rato tatinggi °C (°F) 31.3
(88.3)
31.6
(88.9)
31.5
(88.7)
31.5
(88.7)
31.8
(89.2)
31.5
(88.7)
31.3
(88.3)
31.2
(88.2)
30.7
(87.3)
30.5
(86.9)
30.6
(87.1)
30.7
(87.3)
31.18
(88.13)
Rato-rato harian °C (°F) 26.9
(80.4)
27.0
(80.6)
27.0
(80.6)
27.2
(81)
27.4
(81.3)
26.9
(80.4)
26.7
(80.1)
26.6
(79.9)
26.6
(79.9)
26.5
(79.7)
26.7
(80.1)
26.6
(79.9)
26.84
(80.33)
Rata-rato tarandah °C (°F) 22.6
(72.7)
22.5
(72.5)
22.6
(72.7)
23.0
(73.4)
23.0
(73.4)
22.3
(72.1)
22.1
(71.8)
22.1
(71.8)
22.5
(72.5)
22.6
(72.7)
22.8
(73)
22.6
(72.7)
22.56
(72.61)
Curah hujan mm (inci) 295
(11.61)
222
(8.74)
250
(9.84)
275
(10.83)
202
(7.95)
204
(8.03)
210
(8.27)
255
(10.04)
334
(13.15)
396
(15.59)
418
(16.46)
361
(14.21)
3.422
(134,72)
Sumber: Climate-Data.org[3]
Pantai Jati di Tuapejat

Pantai Jati marupokan salah satu destinasi wisata populer di Tua Pejat. Pantai iko tapeknyo balokasi di Dusun Jati, Tuapejat, Sipora Utara, Kepulauan Mentawai. Pantai nan bajarak 700 meter dari dermaga Tuapejat iko diapik dek Pulau Awera, Pulau Simakakang jo Pulau Siburu (Pulau Panjang) di mukonyo. Pantai Jati mampunyoi kakayaan bawah laut nan bisa dinikmati jo olahraga snorkeling jo diving.[4][5]

Pantai Jati mampunyoi spot untuak aktivitas surfing, tapi indak satiok wakatu spot iko dapek digunokan dek pasalancar. Spot surfing iko tibo katiko aia pasang jo manjalang bulan purnama. Kategori spot surfing tasabuik ditujukan untuak pasalancar pemula kareno ombaknyo ketek jo ombak gadang hanyo datang di wakatu tatantu sajo.[6]

Snorkling & Diving

[suntiang | suntiang sumber]

Tampek panyalaman nan ado di pantai Jati talatak di tigo titiak jo kategori pamula jo tingkek lanjuik. Tingkat pemula barado di kadalaman tigo sampai 10 meter. Kondisi parairannyo harus tanang, dasar parairannyo landai, jo bapasia. Untuak duo titiak panyalaman tingkek lanjuik, tadapek panorama bawah lauik jo tarumbu karang sarato baragam jiniah lauak.[7]

Taman Kima marupokan kawasan di sakitar Pantai Jati nan ditetapkan sabagai kawasan palindungan biota kima (Tridacna, Sp). Jiniah kima yang ado di taman iko mulai dari kima ketek hinggo gadang. Taman nan luehnyo sahektar iko dikelola dek UPT Kementrian Kelautan dan Perikanan RI (BPSPL). Pado kadalaman 10 sampai 15 meter, tadapek kumpulan terumbu karang nan bajiniah tarumbu karang kipeh (gorgonian).[6]

Di sakitar pantai tadapek penginapan dan kafe nan dapek digunokan dek wisatawan nan bakunjuang. Panginapan nan ado di sakitar pantai sarupo AG’GAU Surfcamp, Wisma bintang, Wisma ANR Cotek Rahmad, Panginapan Jelita, jo babarapo panginapan sarato kafe lain nan masih dalam proses pambangunan.[6]

  1. a b "Kecamatan Sipora Utara Dalam Angka 2020" (pdf). www.mentawaikab.bps.go.id. Diakses tanggal 30 September 2023. 
  2. "Penduduk Menurut Wilayah dan Agama yang Dianut di Kabupaten Kepulauan Mentawai". Diakses tanggal 30 September 2023. 
  3. "Climate: Tuapejat". Climate-Data.org. Diakses tanggal 30 September 2023. 
  4. Ayu (2019). "Yuk Intip Eksotisnya Pesona Pulau Mentawai". Direktorat Jenderal Kekayaan Negara. Diakses tanggal 30 September 2023. 
  5. Kusumayanti (2018). "Menikmati Indahnya Pantai-pantai di Mentawai". detikcom. Detik Travel. Diakses tanggal 30 September 2023. 
  6. a b c Suparno (2017). "Potensi Wisata Bahari Pantai Jati Desa Tuapejat Kabupaten Kepulauan Mentawai". Universitas Bung Hatta. 
  7. Primadoni (2018). "Pantai Jati, Tempat Relaksasi di Tuapejat". Covesia. Diarsipkan dari versi asli tanggal 2020-01-01. Diakses tanggal 30 September 2023.