Tionghoa Bukiktinggi

Dari Wikipedia baso Minang, ensiklopedia bebas
Jump to navigation Jump to search

Tionghoa Bukiktinggi adolah urang-urang yang yang punyo etnis Tionghoa dima tampek tingganyo ado di Kota Bukiktinggi. Kota Bukiktinggi punyo masyarakaik yang baragam etnisnyo bantuak etnis Minangkabau, Tionghoa, India, jo Batak.

Asa Usua[suntiang | suntiang sumber]

Asa kadatangan masyarakaik Tionghoa di Bukiktinggi alun pasti diketahui tahun baranyo, tapi kampuang tampek tingga kumpulan masyarakaik Tionghoa alah ditantuan sajak pamarintahan Balando, tapeknyo ado di Kelurahan Benteng, Pasa Ateh. Panantuan tampek tingga masyarakaik Tionghoa di Bukiktinggi diatua dalam paraturan nan banamo wijkenstelsel yang digunoan sajak tahun 1856. Sajak saaik itu, masyarakaik Tionghoa mulai tingga di Kota Bukiktinggi. Masyarakaik Tionghoa diagiah hak mambangun toko jo rumah tinnga sahinggonyo kampuang tampek tingga urang Tionghoa dapek lo manjadi pasa untuak urang-urang tu badagang. Banyak nan dari masyarakaik Tionghoa di Kota Bukiktinggi nan badagang, tapi ado jo nan manjua jasa atau jadi pagawai pamarintah[1].

Budayo[suntiang | suntiang sumber]

Kampuang tampek tingga masyarakaik Tionghoa di Bukiktinggi banamo Kampuang Cino. Bantuak tampek tingga urang Tionghoa di Kampuang Cino tu hampia samo sadonyo. Ado duo atau tigo tingkek. Dibangun baderet mamanjang dan talatak di jalan pusat Kota. Lantai patamo digunoan untuak manggaleh, sadangkan lantai atehnyo digunoan untuak tampek tingga.

Masyarakaik Tionghoa di Bukiktinggi biasonyo manciptaan budayo surang yang balain dari etnis lain di Kota Bukiktinggi. Urang Tionghoa alah sajak lamo tingga di Bukiktinggi, tapi sampai kini urang-urang tu tataok baradaptasi jo panduduak asli Bukikttinggi. Budayo Tionghoa yang baragam manjadi sumbangan untuak pakambangan budayo Indonesia tarutamo di Kota Bukiktinggi[1].

Parekonomian[suntiang | suntiang sumber]

Parekonomian padagang Tionghoa punyo paningkatan tiok tahunnyo. Paningkatan tu dapek dicaliak dari fasilitas hiduik masyarakaik Tionghoa nan punyo kamajuan dalam gaya hiduiknyo dibandiangan masyarakaik lokal. Salain tu, dari pandidikan, banyak anak-anak masyarakaik Tionghoa yang lah dapek basakolah sampai paguruan tinggi di lua daerah Sumatera Barat. Ekonomi Tionghoa taruih bakambang dan mancapai puncak sajak awal 19. Parekonomian Tionghoa dapek maju dek beberapa pangaruah , contohnyo caro karajo urang Tionghoa yang dicontoh manuruik keyakinan urang tu, kabijakan pamarintahan samaso maso Balando jo kabijakan pamarintahan Indonesia sasudah kemerdekaan sarato jo kondisi lingkungan sakita[1].

Rujuakan[suntiang | suntiang sumber]

  1. a b c Khaidir, R. 2014. Etnis Tionghoa di Bukittinggi. Padang: Universitas Andalas