Tingkuluak sapik udang
Tikuluak sapik udang adolah ragam tikuluak di babantuak salendang nan barasa dari nagari Padang Magek, Kecamatan Rambatan, Kabupaten Tanah Datar. Tikuluak sapik udang iko tadiri dari duo alai kain, kain sapik udang jo tilakuang. Kain sapik udang ditenun jo motif kotak-kotak ketek warno itam jo kapalo kain warno merah kudian diagiah banang ameh jo perak, kain saruang iko dipaduan jo sahalai tilakuang. [1]
Caro malakekan
[suntiang | suntiang sumber]Caro mambueknyo yaitu kain saruang dilipek duo mamanjang, jo tilakuang dilipek ampek. Kudian kain tilakuang dilatakan di ateh kain saruang siap tu dilipek duo sainggo mukena ado di dalamnyo. Pado bagian salah satu ujuang saruang, tilakuang dielo sainggo nampak kalua. Kudian ujuang nan ado tilakuang tadi dilatakan sabalah kida jo sabalah kanan dibuek tanduak jo mamuta ujuan kain nan di balakang kapalo. Kain diputa sahinggo malilik ujuang sabalah kida tadi. Ujuang kidanyo dibuek sarupo bungo kabucubuang, sadangkan nan sabalah suok manyarupoi tanduak nan indak baitu panjang.
Makna Filosofis
[suntiang | suntiang sumber]Dek karano umumnyo urang Minangkabau baragamo Islam, jiko alah masuak wakatu salat, tikuluak dapek dipakai untuak kalangkapan salat. Bantuak carobong pado tutuik kapalo wanita tu malambangan jiko ado kaba baiak saliang baimbauan sarupo baralek. Jiko ado kaba buruak, sarupo kamatian tanpo diagiah tahu atau tahu dari urang lain maka wajik untuak datang.
Rujuakan
[suntiang | suntiang sumber]- ↑ Esde, Erni (2006). Aneka Tutup Kepala Wanita di Luhak Minangkabau. Padang: Pemerintah Propinsi Sumatera Barat Dinas Pariwisata Seni dan Budaya "Museum Adityawarman". pp. 65.