Tindakan sosial

Wikipedia Minangkabau - Lubuak aka tapian ilimu
Loncat ke navigasi Loncat ke pencarian
Tindakan Sosial

Tindakan sosial atau dalam bahaso minang lainnyo disabuik juo bakagiatan sacaro basamo, adolah sabuah tindakan nan basipaik subjektif dalam sagalo perilaku manusia. Ciri utamo dari parilaku dalam tindakan sosial adolah pamaknaannyo nan basipaik subjektif, dapek mampangaruahi urang lain sarato jo dapek manarimo pangaruah dari urang lain.[1] Tindakan sosial dilakuan sasuai jo interpretasi individu manganai tindakan urang lain dalam sabuah kaadaan tatantu. Panarapan tindakan sosial salalu dilakuan dek karano adonyo individu lain nan talibaik sarato adonyo kagiatan lain nan tajadi sacaro basamoan.[2] Tindakan sosial dilakuan sacaro sukarela dek masiang-masing individu sabagai bantuak interpretasi tahadok kanyatoan nan tajadi.[2]

Tokoh[suntiang | suntiang sumber]

Demonstrasi

Max Weber[suntiang | suntiang sumber]

Max Weber

Max Weber adolah ilmuwan nan manekuni bidang utamo yaitunyo ekonomi jo sosiologi.[3] Pado awa kahidupannyo, Max Weber manjadi saurang ekonom, sijarawan tamsuak juo manjadi saurang ahli dalam bidang hukum. Sasudah manguasai bidang ilimu ekonomi, sijarah jo hukum, Max Weber manakuni sarato jo mamusekan kajian kailmuannyo pado bidang sosiologi. Max Weber mamahami ilimu-ilimu sosial sabagai ilimu nan mangkaji tentang makna, khususnyo makna individual atau caro-caro di dalamnya budaya nan dipunyoi basamo mampangaruahi tindakan individu-individu.[4]

Max Weber manyatokan sacaro jaleh bahwasanyo tindakan sosial marupoan pokok-pokok bahasan utamo dalam kajian sosiologi. Sumbangan Weber tahadok pamiakiran tentang tindakan sosial mambantu mampabaiki pamahaman tentang watak jo kamampuan-kamampuan aktor sosial sacaro individu malalui sabuah tipologi tentang babagai caro dimano individu nan basangkutan dapek batindak di lingkuangan eksternalnyo. Sacaro sosial, di dalam masyarakaik - masyarakaik modern nan baragam para aktor nan kan manghadapi situasi-situasi nan panuah dek saderatan aktor nan mampunyoi afiliasi nan baragam iko, nan kamudian masiang-masiang nyo talibaik pulo dalam baragam paduan hubungan nan aktif, saliang basimpangan sarato jo saliang tumpang tindiah.[5]

Jinih tindakan sosial[suntiang | suntiang sumber]

Pamikiaran Weber tentang tindakan sosial mambantu mampabaiki pamahaman tentang watak jo kamampuan-kamampuan aktor sosial sacaro individual malalui sabuah tipologi tentang babagai caro dimano individu nan basangkutan dapek batindak di dalam lingkuangan eksternalnyo. Sahinggo, Weber mambedakan antaro ampek tipe tindakan sosial nan babeda-beda dimano saurang aktor dapek taliek, barikuik ampek tindakan sosial manuruik Weber:[5]

  1. Tindakan rasional basipaik instrumental, adolah tindakan nan ditujuan kapado pancapaian tujuan-tujuan nan sacaro rasional dipahituangkan jo diupayakan sandirinyo dek aktor nan basangkutan.[5]
  2. Tindakan nan rasional manuruik nilai (value-rational action) nan dilakuan untuak alasan-alasan jo tujuan-tujuan nan ado kaitannyo samo nilai-nilai nan diyakini sacaro personal tanpa mampahituangkan prospek-prospek nan ado kaitannyo jo bahasia atau gagalnyo tindakan tasabuik.[5]
  3. tindakan afektif, nan ditantuan dek kondisi-kondisi jo orientasi-orientasi emosional si aktor.[5]
  4. Tindakan tradisional nan ditantuan dek kabiasoan-kabiasoan nan alah mangakar sacaro turum manurun. tamasuak tindakan tradisional nan ditantuan dek kabiasoan-kabiasoan nan alah mangakar sacaro turum manurun.[5]

Tipe-tipe tasabuik mambaritahu kito sasuatu tentang sipaik aktor itu surang, karano tipe-tipe tasabuik mangindikasikan adonyo kamungkinan babagai parasaan jo kondisi-kondisi internal, pawujudan tindakan-tindakan tasabuik manunjuaan bahwasanyo aktor mampunyoi kamampuan mangkombinasikan tipe-tipe tasabuik dalam formasi-formasi internal nan kompleks nan tamanifestasikan dalam sabuah bantuak pancangkokan orientasi-orientasi tahadok tindakan.[5]

Rujuakan[suntiang | suntiang sumber]

  1. Rahman, M. T. (2011). Glosari Teori Sosial. Bandung: Ibnu Sina Press. pp. 124. ISBN 978-602-99802-0-2. http://digilib.uinsgd.ac.id/11819/1/Glosari%20Teori%20Sosial%20%28Baik%29.pdf. 
  2. a b Jones, Bradbury, L., dan Boutillier, S. L, P. (2016). Pengantar Teori-Teori Sosial. Jakarta: Yayasan Pustaka Obor Indonesia. pp. 27. ISBN 978-602-433-249-5. 
  3. Max Weber (2009). Sosiologi. Yogyakarta: Putaka Pelajar. p. 26. ISBN 9792458735. 
  4. Ted Bento dan Ian Craib (2009). Filsafat Ilmu Sosial Pendasaran Filosofis Bagi Pemikiran Sosial. Yogyakarta: Ledalero. p. 121. ISBN 9789799447760. 
  5. a b c d e f g Turner, Bryan S (2012). Teori Sosial: Dari Klasik sampai Postmodern. Yogyakarta: Pustaka Pelajar. pp. 111. ISBN 978-602-229-068-1.