Teknologi cerdas

Teknologi cerdas marupoan teknologi nan manggunoan sistem komputer jo mikroprofesor nan dapek mamudahkan pangarajoan tugas sahari-hari dan proses partukaran informasi. Poran sistem cerdas diharok dapek taruih bakambang sairiang dangan pakambangan teknologi komputer. Masin anjungan tunai mandiri atau ATM iyolah contoh pamanfaatan teknologi cerdas nan tabukti sangek manguntungkan masyarakaik. ATM mamungkinkan para nasabah bank mandapek informasi tantang status rekening inyo dan malakuan transaksi. Nasabah haruih mamastian ulang jati diri inyo dangan caro mamasuakkan angko panganal pribadi rahasio atau PIN. jiko PIN tasabuik tapek untuak kartu nan bamasuakan, nasabah dapek manariak sajumlah pitih, mancaliak neraca, atau mamanfaatkan pilihan lain nan tasedio.

Teknologi cerdas maâgiah juo kasampatan ka urang-urang nan mangalami cacat fisik tatantu untuak maningkekkan mutu kahidupannyo. Misalnyo dalam bakomunikasi untuak urang nan mangalami kasulitan dalam manggarakkan kaduo tangannyo dapek manggunoan bantuan komputer, dengan cukuik dikandalikan dangan garakan kapalo atau dangan maniup sajinih tabuang. Kudian alaik sintesis suaro dapek maubah input posan manjadi kalimaik-kalimaik ucapan.