Tekat
Tekat adolah kain bahias bordir atau sulaman nan tanamo di Riau. Tekat dibuek untuak bahan pakaian, mulai dari tuduang (panutuik kapalo), hiasan pakaian, hiasan palaminan, hiasan tampek tidua, dsb. Karajinan tekat masih ado inggo kini, tarutamo di Riau.[1]
Jinih[suntiang | suntiang sumber]
Ado banyak jinih tekat. Manuruik proses mambuek, di antaronyo ado tekat kasut, tekat tanah, jo tekat kelingkan.[1]
Tekat kasut adolah suatu jinih tenunan nan manggunoan karateh taba bamotif. Tekat jinih iko ditanunkan pado kain baludru. Karateh taba baguno sabagai pola. Pado karateh itulah ditekatkan bahan tatantu, takah banang ameh atau banang perak.[1]
Tekat tanah adolah jinih tekat tanpa bahan karateh taba. Proses maagiah tekat dilakuan langsuang pado kainnyo. Mode caro baitu, coraknyo lansuang digambaran pado kain tasabuik.[1]
Tekat kelingkan adolah tekat nan dibuek jo bahan kelingkan nan ditekatkan di ateh kain baludru. Kalaupun ado bahan lain nan digunoan, biasonyo indak banyak. Contoh hasil tekat kelingkan adolah tuduang mantur jo selendang.[1]
Rujuakan[suntiang | suntiang sumber]
- ↑ a b c d e Malik, Abdul, 1958- (2003). Corak dan ragi tenun Melayu Riau (edisi ke-Ed. 1, cet. 1). Yogyakarta: Diterbitkan oleh Balai Kajian dan Pengembangan Budaya Melayu Yogyakarta bekerja sama dengan Adicita Karya Nusa. ISBN 9799246555. OCLC 76681592. https://www.worldcat.org/oclc/76681592.