Teh

Dari Wikipedia baso Minang, ensiklopedia bebas
Loncat ke navigasi Loncat ke pencarian
Daun teh di dalam mangkuak teh gaiwan
Pohon teh

Teh adolah minuman nan manganduang kafeina, sabuah infusi nan dibuek jo caro menyaduah daun, pucuak daun, atau tangkai daun nan dikariangan dari tanaman Camellia sinensis jo aia angek. Teh nan barasa dari tanaman teh tabagi manjadi ampek kalompok: teh itam, teh oolong, teh ijau, jo teh putiah.

Istilah "teh" digunoan pulo untuak minuman nan tabuek dari buah, rempah-rempah atau tanaman ubek lain nan disaduah, misanyo, teh rosehip, camomile, krisan jo jiaogulan. Teh nan indak manganduang daun teh disabuik teh herbal.

Teh marupoan sumber alami kafeina, teofilin, dan antioksidan jo kadar lamak, karbohidrat atau protein ampia nol persen. Rasonyo nan saketek paik dari teh marupakan kanikmatan surang dari teh dek pacinto teh.

Teh bungo jo campuran kuncup bungo melati nan disabuik teh melati atau teh wangi melati marupoan jinih teh nan paliang populer di Indonesia[1]. Konsumsi teh di Indonesia sagadang 0,8 kilogram per kapita per tahun, masih jauah di bawah nagara-nagara lain di dunia, walaupun Indonesia marupoan nagara pangasia teh paliang gadang nomor limo di dunia.[2]

Rujuakan[suntiang | suntiang sumber]

  1. "Minum Teh Juga Memiliki Manfaat Kesehatan". http://www.depkes.go.id/index.php?option=articles&task=viewarticle&artid=99&Itemid=3. Diakses pado 29 Nopember 2008. 
  2. "4. Sugar and beverages". FAO. http://www.fao.org/DOCREP/006/Y4343E/y4343e05.htm. Diakses pado 29 Nopember 2008. "Major producers are: India, which accounts for about 29 percent of global production; China, 23 percent; Sri Lanka, 9 percent; Kenya, 8 percent; and Indonesia, 6 percent."