Tari Panen

Tari Panen marupokan tari tradisional minangkabau nan malambangkan raso syukur sahabih mamanen padi. Tarian ko dakek bana jo kahidupan masyarakat ta kusus untuak para petani. Tari panen ko acok ditampilkan sabagai tari untuak pambukaan acara sudah tu biasonyo tari panen ko ditarikan sacaro bakalompok. Karano tari panen ko tamasuak tari nan sanang, pakaian nyo pun bawarna tarang contohnyo warna kuniang, ataupun merah. Biasonyo panari untuak tari panen ko mamakai baju kuruang jo saruang atau songket sudah tu mamakai tingkuluak di ateh kapalo nyo ditambah pulo jo galang ataupun kaluang untuak pamanih tampilan.

Gerakan untuak tari panen ko mirip bana jo kagiatan petani nan sadang maolah sawah, dimuloi dari mancangkua, mambajak, manggaro, sampai mamanen padi. Biasonyo panari tari panen ko mambaok padi nan alah dipanen sabagai palangkapan manari,kadang ado juo nan mamakai tampi, tapi tarian nan mambaok tampi ko labiah dakek namonyo ka tari tampi.