Tangki septik

Wikipedia Minangkabau - Lubuak aka tapian ilimu
Tangki septik
Tangki septik sadang dipasang di tanah.
Media: Tangki septik
Posisi pado rantai sanitasiPangumpulan dan panyimpanan/pangolahan cighik (di tampek) [1]
LevelTingkek rumah tanggo atau lingkuangan (sikolah, hotel, dsb.) [1]
Management levelRumah tanggo, umum, basamo (paliang umum adolah tingkek rumah tanggo)[1]
Masuakànaia koghuah, buram sarato itam[1]
Kaluaranlumpua cighik, dan limbah[1]
JinihTangki septik tunggal atau multi ruang (bapotensi indak rapi)[1]
Kaparihatinan linkuanganPancomaran aia tanah, pancomaran aia misalnyo katiko banjir [1]
Gamba tangki septik nan sabalun ditutuik tanah

Tangki septik adolah suatu kolam atau bak basekat-sekat sahinggo tabagi-bagi manjadi babarapo ruang, biasonyo tadapek di bawah tanah.[2] Tangki septik marupokan tampek pambuangan nan dibuek dangan bahan nan kedap aia sahinggo aia dalam tangki septik indak dapek marasok ka tanah.[2] Tangki septik baguno untuak pambuangan kotoran, cirik (cighik), dan sabagainyo, nan indak buliah disaluaàn ka saluran pambuangan umum (sungai atau danau) basobok kakotorannyo, dimaksuikan untuak manjago kasihatan dan kabarosiahan lingkungan.[2] Pado tangki septik, aia pambuangan dan bahan padek nan ikuik dibari kasampatan mambusuak dan musnah sacaro alamiah.[2] Aia nan kalua basobok balobiah dibuang ka sumur septik nan dapek manaruskannyo ka aia tanah tanpa mangganggu kabarosiahan aia tanah.[2] Bilo indak diguyua dangan ubek pambasmi renik, untuak jangko wakatu lamo, tangki septik indak parolu dikuras.[2]

Tangki septik paguno untuak mangolah limbah caia rumah tangga skala individual.[3] Tangki septik tadiri dari bak pangondap, ditambah dangan suatu filter nan diisi kerikil atau pocahan batu untuak manguraikan limbah.[3] Panguraian zat organik pado limbah caia atau cighik dilakukan dek bakteri anaerobik.[3] Bak pangondap biasonyo tadiri dari duo ruangan, nan partamo bafungsi sabagai bak pangendap partamo, pangurai lumpua (sludge digestion) dan panampuang lumpua.[3] Sadangkan ruang kaduo bafungsi sabagai pangendap kaduo dan panampuang lumpur nan indak tarendapkan di ruang partamo dan luapan aia dari bak pangendap dialirkan ka media filter panyariang aia dangan arah aliran dari bawah ka ateh.[3]

Rujuakan[suntiang | suntiang sumber]

  1. a b c d e f g "Sanitation Systems - Sanitation Technologies - Septic Tank". SSWM. 19 June 2018. Diakses tanggal 31 October 2018. 
  2. a b c d e f (Indonesia)Hassan Shadily & Redaksi Ensiklopedi Indonesia (Red & Peny)., Ensiklopedi Indonesia Jilid 6 (SHI-VAJ). Jakarta: Ichtiar Baru-van Hoeve, hal. 3443
  3. a b c d e (Indonesia)Suparmin., Pembuangan tinja dan limbah cair: suatu pengantar. Jakarta: Penerbi Buku Kedokteran EGC, 2001, hal 130

Pautan lua[suntiang | suntiang sumber]