Taman Nasional Puerto Princesa

Wikipedia Minangkabau - Lubuak aka tapian ilimu
Loncat ke navigasi Loncat ke pencarian
Taman Nasional Puerto Princesa
Puerto Princesa Underground River.jpg
Jalan masuak ka Sungai Bawah Tanah Taman Nasional Puerto Princesa
Dakek dariPuerto Princesa, Filipina
Wilayah22202 hektare (54860 ekar)
Ditetapkan pado12 November 1999
Pangalola kawasanDepartemen Lingkungan Hidup jo Sumber Daya Alam
Kota Puerto Princesa
Jinih:Alam
Kriteria:vii, x
Ditatapkan:1999 (sesi ke-23)
No. Referensi652
Negara:Filipina
Kawasan:Asia Pasifik

Taman Nasional Puerto Princesa adolah sabuah kawasan nan dilinduangi nan bajarak 80 kilometer di sebelah utara Kota Puerto Princesa, Palawan, Filipina. Taman nasional iko barado di Pagunuangan Saint Paul, di pasisia barat pulau iko, babatehan jo Taluak St. Paul di subalah utara jo batang aia Babuyan di subalah timur. Pamarintah Kota Puerto Princesa alah mangelola taman nasional iko sajak tahun 1992. Di kawasan taman nasional ko tadapek pulo sungai nan mangalia di dalam sabuah guo atau disabuik juo jo sungai bawah tanah. Jalan masuak ka sungai bawah tanah iko dapek ditampuh jo mendaki bukik atau dapek juo jo jalur lauik jo manggunoan parahu dari Sabang.[1][2]

Sijarah[suntiang | suntiang sumber]

Pado tahun 2010, sakalompok aktivis lingkuangan jo ahli geologi manamuan bahwasanyo sungai bawah tanah iko mampunyoi lantai dua, nan manunjuakan bahwasanyo tadapek aia tajun ketek di dalam guo. Para aktivis jo ahli ko manamuan pulo kubah guo saluweh 300 meter di ateh sungai bawah tanah ko. Daerah nan labiah dalam dari sungai bawah tanah iko hampia mustahil untuak dieksplorasi karano randahnyo kadar oksigennyo. Pado 11 November 2011, Sungai Bawah Tanah Puerto Princesa tapiliah sabagai salah ciek New7Wonders of Nature, basamo-samo jo Hutan Amazon, Taluak Ha Long, Aia tajun Iguazu, Pulau Jeju, Pulau Komodo, jo Gununag Meja. Hasia pamilihan iko dikonfirmasi sacaro resmi pado 28 Januari 2012.[3][4]

Bantangan alam[suntiang | suntiang sumber]

Taman nasional iko mampunyoi pamandangan pagunuangan kapua. Guo Sungai Bawah Tanah St. Pauls punyo panjang labih dari 24 km, tamasuk 8,2 km bagian dari Sungai Cabayugan. Angin sungai masuk malalui guo sabalum mangalia langsung ka Laut Filipina Barat.[5] Bagian dalam guo iko maliputi formasi batuan stalaktit jo stalagmit nan baukuran gadang, sarato babarapo ruangan laweh, salah cieknyo marupoan ruangan guo paliang gadang di dunia.[6] Hinggo tahun 2007, katiko panamuan sungai bawah tanah di Semenanjung Yukatan, Meksiko, Puerto Princesa tanamo juo sabagai sungai bawah tanah tapanjang di dunia. Daerah iko marupoan habitat untuak konservasi kaanekaragaman hayati. Situs iko barisi ekosistem nan cukuik baragam mulai dari gunuang hinggo lauik sarato mampunyoi babarapo hutan pantiang di Asia. Taman iko tadaftar sabagai Situs Warisan Dunia UNESCO pado tanggal 4 Desember 1999.[7]

Tumbuahan[suntiang | suntiang sumber]

Taman nasional iko mampunyoi babagai formasi hutan nan mawakili dalapan dari tigo baleh jinih hutan tropis nan ditamuan di Asia. Para paniliti alah mangidentifikasi labiah dari 800 spesies tanaman dari 300 generasi jo 100 famili. Seindaknyo 295 pohon didominasi dek spesies dipterocarpaceae. Di hutan dataran rendah, pohon-pohon gadang sarupo Dao (Dracontomelon dao), Ipil (Intsia bijuga), Dita (Alstonia scholaris), Amugis (Koordersiodendron pinnatum), jo Apitong (Dipterocarpus gracilis) marupoan spesies nan umum. Tadapek pulo spesies hutan pantai diantaronyo Bitaog (Calophyllum inophyllum), Pongamia pinnata, jo Erynthia orientalis. Spesies tanaman lainnyo tamasuk Almaciga (Agathis philippinensis), Kamagong (Diospyros pulganensis), Pandan (Pandanus sp.), Anibong, jo Rotan (Calamus sp.).[8][9]

Binatang[suntiang | suntiang sumber]

Buruang marupoan kalompok binatang vertebrata tabanyak nan ado di taman nasional iko. Dari 252 jinih buruang nan iduik di Palawan, 165 spesies tacatat di taman iko. Spesies pantiang nan dapek ditamuan di taman nasional iko adolah betet-kelapa filipina, beo, rangkong palawan (Anthracoceros marchei), jo elang-laut dada-putih. Tadapek pulo 30 spesies mamalia nan alah tacatat.[10] Binatang nan paliang acok diamati dari kanopi hutan dan di sapanjang garih pantai katiko aia suruik adolah monyet ikua panjang, satu-satunyo primata nan ditamuan di daerah iko. Spesies mamalia lain di taman nasional iko adolah babi hutan, binturung, pantot jo landak palawan. 19 spesies reptil alah diidentifikasi, salapan diantaranyo adolah spesies endemik. Spesies umum di daerah iko maliputi predator gadang sarupo kadal monitor (Varanus salvator) jo kadal jambul hijau (Bronchocoela cristatella). Salah ciek spesies endemik di Palawan, Barbourula busuangensis, dapek dicaliak pulo di daerah iko.[10]

Referensi[suntiang | suntiang sumber]

  1. Cinti, Putu Intan Raka. "Jelajahi Uniknya Sungai Bawah Tanah Puerto Princesa Filipina". detikTravel (dalam bahasa Indonesia). Diakses tanggal 2020-11-08. 
  2. "Eksotisme taman nasional Puerto Princesa di Filipina". merdeka.com (dalam bahasa Inggris). Diakses tanggal 2020-11-08. 
  3. Voting procedure for the New7Wonders of Nature at vote7.com
  4. "UR Declared As Official Finalist to the Search for the New 7 Wonders of Nature". Puerto Princesa Underground River. 17 November 2011. Diakses tanggal 8 November 2020. 
  5. "Administrative Order No. 29, s. 2012". www.gov.ph. 
  6. "Puerto Princesa Subterranean River". Wondermondo. 
  7. Roach, John (5 March 2007). "World's Longest Underground River Discovered in Mexico, Divers Say". National Geographic. National Geographic Society. Diakses tanggal 2020-11-08. 
  8. Centre, UNESCO World Heritage. "Puerto-Princesa Subterranean River National Park". UNESCO World Heritage Centre (dalam bahasa Inggris). Diakses tanggal 2020-11-08. 
  9. "Puerto Princesa City Profile | City Government of Puerto Princesa". puertoprincesa.ph. Diakses tanggal 2020-11-08. 
  10. a b Madulid, 1998