Taman Nasional Kinabalu

Dari Wikipedia baso Minang, ensiklopedia bebas
Lompek ka: navigasi, cari

Taman Nasional Kinabalu talatak di nagara bagian Sabah, Malaysia. Wilayahnyo didominasi dek Gunuang Kinabalu satinggi 4.905 meter nan marupokan salah satu gunuang tatinggi .Taman nasional ko dirancang sabagai pusek kabaragaman tanaman untuak wilayah Asia Tenggara karano sangaik kayo jo spesies flora jo fauna sarupo flora dari Himalaya, China, Australia, Malaysia, sarato flora pan tropis.

Sijarah[suntiang | suntiang sumber]

Taman Nasional Kinabalu didirikan pado tahun 1964 manyusua ditutuiknyo Taman Nasional Sabah pado tahun1962. Pado tahun 1944, urang-urang Japang mamindahkan 2.400 tahanan asa Australia jo Inggris dari parang Sandkan Ka Ranau nan jaraknyo sakita 240 km. Hanyo ado anam urang tahanan nan hiduik diantaronyo Mayor Carter. Salapeh maso parang, Mayor carter mambantuak Komite Memorial Kinabalu sabagai monumen kemanusiaan dan fasilitas untuak manikmati kaindahan alam Sabah. Lalu disusua jo duo ekspedisi dek Profesor Joh Corner untuak manajalajahi pagunuangan jo cagar alam ko untuak malinduangi Kinabalu. Pado tahun 1964 taman nasional ko pun dipalueh labiah dari 711 km.

Kabaragaman Biota[suntiang | suntiang sumber]

Lueh Taman Nasional Kinabalu ko sakita 75.370 hektar, nan tadiri dari tigo gunuang utamo yaitu Gunuang Kinabalu satinggi 4.095 m, Gunuang Tambuyukon satinggi 2.579 m, jo Gunuang templer nan tingginyo 1.133 m. Topografi utamo di Taman Nasional ko adolah dataran tinggi, banda, sungai, sungai ketek jo aia tajun, sumber aia angek, guo-guo(guo Paka jo guo kalilawa di Poring) sarato lempengan granit nan alah manjadi ciri khas lereang-lereang puncaknyo. Sunga-sungai yang malewati cagar alam ko diantaronyo Sungai Liwagu, Sungai Ulu, Sungai Mesilau, Sungai Kolopis, Sungai Kibutan , jo sungai Silau Silau.

Wilayah ko baiklim tropios basah, rato-rato curah hujan 2.380 mm per tahun.

Flora dan Fauna Kinabalu[suntiang | suntiang sumber]

Kitayama, peneliti dari Japang alah mandaftarkan 18 tipe vegetasi alam di taman nasional ko. Hutan hujan dataran randah tropis jo hutan hujan montane tropis marupokan vegetasi nan mandominasi wilayah ko. Gunuang Kinabalu diyakini mamiliki tanaman nan paliang baragam jo kayo di dunia. Contoh , Bungo Raflessia juo hiduik di taman nasional ko.

Fauna nan hiduik disiko sangaik baragam , saketeknyo tadapek 90 spesies mamalia dataran randah jo 22 spesies mamalia montane nan dilaporkan hiduik disiko. Jumlah spesies katak nan ado disiko sakita 61 jenis. Samantro kupu-kupu mancapai 90 jenis.

Di kawasan ko hiduik 40 spesies ikan dari sambilan familia. Ikan nan paliqang acok ditamuan adolah Gastromyazontildae yang paliang acok ditamuan di ateh batu karikia di sungai sungai pagunuangan janiah di cagar alam ko. Total tadapek 326 spesies buruang nan dibagi dalam ampek kategori: spesies zona sub alphine, montane endemis, montane non endemis, jo spesies dataran randah. Spesies Kalimantan nan endemis sarupo buruang pangicau Kinabalu Friendly hanyo ditamukan di Gunuang Kinabalu dan Trus Madi[1]

Rujuakan[suntiang | suntiang sumber]

  1. ^ Agustina dkk (2009). World Heritage Nature & Culture Under The Protection Of UNESCO. Volume 4: Asia Timur & Asia Tenggara. Jakarta: Batara Publishing. pp. 184-185. ISBN 978-979-15107-7-6.