Susi Pudjiastuti

Dari Wikipedia baso Minang, ensiklopedia bebas
Loncat ke navigasi Loncat ke pencarian
Susi Pudjiastuti
Susi Pudjiastuti.jpg
Mantari Kalauikan jo Parikanan ka-6
Petahana
Assumed office
27 Oktober 2014
Presiden Joko Widodo
Didaului jo Sharif Cicip Sutarjo
Data paribadi
Lahia 15 Januari 1965 (umua 54

)
Bendera Indonesia Pangandaran, Jawa Barat, Indonesia

Kawarganagaraan Indonesia
Pasangan hiduik Yoyok Yudi Suharyo (?-1986)
Daniel Kaiser (?-2000) [1]
Christian von Strombeck [2]
Anak Panji Hilmansyah (1984-17 Januari 2016)
Nadine Kaiser
Alvy Xavier
Tampek tingga Indonesia
Agamo Islam

Susi Pudjiastuti (lahia di Pangandaran, Jawa Barat, Indonesia, 15 Januari 1965; umua 54 taun) adolah Mantari Kalautan jo Parikanan Indonesia dalam Kabinet Kerja (2014-2019) di bawah pimpinan Presiden Joko Widodo.[3] Baliau juo surang pangusao nan punyo duo parusaoan, yaitu PT ASI Pudjiastuti Marine Product (eksportir makanan lauik) sarato PT ASI Pudjiastuti Aviation (operator maskapai kapa tabang Susi Air).[4][5]

Maso awa jo kaluarga[suntiang | suntiang sumber]

Susi Pudjiastuti lahia tangga 15 Januari 1965 di Pangandaran, Jawa Barat, dari pasangan Haji Ahmad Karlan jo Hajjah Suwuh Lasminah, nan aturunan Jao. Kaluarga ko lah limo turunan manatap di Pangandaran, nan sabagian gadang panduduaknyo urang Sunda. Usao kaluargonyo tarutamo di bidang real estate jo padangangan taranak.[6]

Salapeh luluih SMP di Pangandaran, Susi malanjuikan SMA di SMA Negeri 1 Yogyakarta, tapi indak salasai dek dikaluaan karano ikuik mandukuang garakan politik Golput (Golongan Putiah, indak mamilih dalam pemilu sabagai protes kapado dominasi Golkar), nan dilarang di maso Orde Baru di bawah Presiden Suharto.[7] Susi adolah mantari Indonesia patamo nan indak luluih SMA.[8]

Susi punyo tigo anak, Panji Hilmansyah, Nadine Kaiser, jo Alvy Xavier.[9] Anak patamonyo Panji Hilmansyah maningga dunia dalam umua 31 taun pado bulan Januari 2016 di Florida, Amerika Sarikat akibaik gagal jantuang. [10] Susi adolah surang jando, dikataui punyo tato, sarato parokok barek.[11]

Parusaoan[suntiang | suntiang sumber]

Sajak 1983, Susi mulai bausao, awanyo sabagai distributor makanan lauik dari Tampek Palelangan Ikan di Pangandaran.[12] Kudian taun 1996 maningkek jo mambukak pabirik pangolahan makanan lauik, PT ASI Pudjiastuti Marine Product, nan kusuih manangani lobster kualitas impor merek "Susi Brand." [13] Ekspor PT ASI Pudjiastuti Marine Product mancapai pasa Asia jo Amerika.[14]

Mantari Kalautan jo Parikanan[suntiang | suntiang sumber]

Pado 26 Oktober 2014, Presiden Joko Widodo manunjuak Susi Pudjiastuti sabagai Mantari Kalautan jo Parikanan untuak periode 2014-2019 dalam Kabinet Kerjanyo. Susi malapeh posisinyo sabagai Presiden Direktur pado PT ASI Pudjiastuti Marine Product jo PT ASI Pudjiastuti Aviation.[15]

Rujuakan[suntiang | suntiang sumber]