Surau Gadang Syekh Burhanuddin

Surau Gadang Syekh Burhanuddin adolah tampaik mangaji dari Almarhum Syekh Burhanuddin. Surau ko balokasi di Nagari Ulakan, Kecamatan Ulakan, Kabupaten Padang Pariaman, Sumatera Barat. Hinggo kini tampaik ko masih digunokan untuak tampaik mangaji. Atok bangunan ko babantuak gonjong yang manggunokan seng. Atok ko alah diganti sabanyak tigo kali, tarakhir kalinyo diganti pado tahun 1970. Salain itu, atok aslinyo tabuek dari ijuak dan langik-langiknyo dari batuang. Jumlah tonggak sadolahnyo ado sabanyak 44 buah dan indak ado tonggak soko guru. Jendelanyo bajumlah 16 buah, sadangkan pintunyo bajumlah 1 buah yang talatak di sabalah timur.

Lantai bangunan surau ko tabuek dari kayu yang alah diganti babarapo kali. Untuak dindiangnyo yang asli tabuek dari batuang yang alah diganti tigo kali jo kayu. Janjang asli tabuek dari kayu dan alah babarapo kali diganti, tarakhir kalinyo diganti jo beton, dan hinggo kini masih rancak. Sadangkan bagian bangunan yang alun diganti samo sakali adolah tiangnyo.