Surat Perjalanan Laksana Paspor

Wikipedia Minangkabau - Lubuak aka tapian ilimu

Surat Perjalanan Laksana Paspor atau SLPP adolah dokumen nan dikaluaan oleh Pemerintah Indonesia bagi warga negara Indonesia kalau paspor biaso untuak warga negara Indonesia indak dapek ditabikan dalam kaadaan tatantu. Kaadaan tasabuik tadiri dari: [1]

  1. Surat Perjalanan Laksana Paspor untuak warga negara Indonesia
  2. Surat Perjalanan Laksana Paspor untuak urang asing
  3. Surat Perjalanan lintas bateh atau pas lintas bateh

Kaadaan tatantu dibagi pulo ka dalam warga negara nan sadang barado di wilayah Negara Kesatuan Republik Indonesia (NKRI): [2]

  1. Apobilo kahabisan pasadiaan blangko paspor biaso.
  2. Dalam kaadaan mandasak, misalnyo sakik.
  3. Sabagai realisasi pajanjian khusus Indonesia jo negara sabalah.

Kaadaan lain katiko sadang di lua wilayah NKRI: [2]

  1. Dikhususkan untuak pamulangan ka Indonesia.
  2. Apobilo kahabisan pasadiaan blangko paspor biaso.
  3. Apobilo kahilangan paspor biaso.

Paspor adolah dokumen pajalanan nan mamuek identitas diri pamegangnyo, antaro lain namo pamegang, tampek tangga lahia, jenih kelamin, kawarganegaraan, nomor jo maso berlaku paspor. [1]

Dokumen Persyaratan[suntiang | suntiang sumber]

Dokumen persyaratan SPLP sebagaimano diparuntuikan untuak panarbitan paspor:

  1. Kartu Tanda Penduduk (KTP) nan masih berlaku atau nan alah indak berlaku lai, difoto kopi, atau surek katarangan apo sajo nan dikaluaan jo Pemerintah Republik Indonesia (RI) nan manyatokan pamohon adolah Warga Negara Indonesia (WNI). [1]
  2. Suret katarangan atau kartu identitas dari negara satampek, nan manarangan bahwa pamohon adolah WNI. [1]
  3. Surek katarangan dari instansi takaik di negara satampek. [1]
  4. Manyaratokan paspor asli. [3]
  5. Formulir imigrasi RI Perdim 14 nan alah taisi secaro langkok jo ditandatangani pemohon. [3]
  6. Pas foto tabaru, fokus muko sabanyak 2 buah ukuran standar internasional paspor (warno latar balakang bebas, diutamokan putiah). [3]
  7. Bukti visa tarakhia. [3]

Salain itu, dek karano SPLP untuak kaadaan tatantu, mako nan nio maurus harus malakukan wawancaro sarato maisi Berita Acara Pemeriksaan. Berita Acara Pemeriksaan ko hanyolah sabuah dokumen administratif sabagai bagian dari prosedur nan paralu dilangkokan. [3]

Proses Penerbitan[suntiang | suntiang sumber]

Proses penerbitan Surat Perjalanan Laksana Paspor diawali jo malakukan permohonan Surat Perjalanan Laksana Paspor untuak warga negara Indonesia nan diajuan ka menteri atau pejabat Imigrasi nan ditujukan pado Perwakilan Republik Indonesia. Salasai malakukan permohonan, pihak migrasi akan memeriksa permohonan tasabuik. Tujuan dari pemeriksaan iko untuak manantuan status kewarganegaraan pemohon. Satalah itu, petugas migrasi mamasukan data hasil pemeriksaan ka dalam Sistem Informasi Manajemen Keimigrasian. [4]

Pemohon juo mambayia biaya penerbitan Surat Perjalanan Laksana Paspor. Pejabat imigrasi nan ditunjuk tasabuik maambiak data biometrik nan tadiri dari foto jo sidik jari. Data tasabuik dilakukan tahap verifikasi jo adjudikasic untuak manantuan apokah surek tasabuik dapek diterbitkan atau indak. Penerbitan Surat Perjalanan Laksana Paspor ko dilakukan oleh pejabat imigrasi. Dalam hal maurus, jika pejabat imigrasi alun berado ditampek untuak manarbitan surek, mako penerbitan dapek dilakukan oleh pejabat Dinas Luar Negeri. Surat Perjalanan Laksana Paspor ko berlaku paliang lamo 2 tahun jo dapek digunoan untuak satu kali perjalanan. Surek ko indak dapek diperpanjang, sahinggo masyarakat harus maurus baliak kalau membutuhkannyo. [4]

Tarif Penerbitan[suntiang | suntiang sumber]

Tarif penerbitan Surat Perjalanan Laksana Paspor berbeda antar negara. Hal iko dikaranokan kebijakan dari negara tasabuik jo mata uang nan dipakai negara tasabuik.

  • Tarif Surat Perjalanan Laksana Paspor untuak Kuala Lumpur, Malaysia sahargo RM33 per urangnyo. Tarif untuak duo urang atau labiah, dikenakan RM 48. Biaya iko alah masuak ka jasa biometrik. Jasa penggunoan teknologi Sistem Penerbitan Dokumen Keimigrasian ko berbasis biometrik RM17. [5]
  • Tarif penerbitan Surat Perjalanan Laksana Paspor untuak Johor Bahru, Malaysia adolah RM30, jo waktu nan dibutuhan untuak manarbikan surek ko adolah satu hari. [6]
  • Tarif penerbitan Surat Perjalanan Laksana Paspor di Los Angeles berlaku sajak 1 Agustus 2019 adolah sebesar US$ 7.00. Tapi, untuak SPLP WNI nan alah salasai manjalani hukuman atau akan dideportasi indak dikenakan biaya. Pembayaran iko cuman dapek dilakukan jo Money Order atau Cashier's Check. [7]
  • Tarif penerbitan Surat Perjalanan Laksana Paspor di Frankfurt sebesar € 10. Tarif iko diperuntukkan ke WNI nan bakunjung ka Jerman sabagai turis dan indah menetap di Jerman, tapi kehilangan paspor RI. Permohonan iko hanyo biso dilakukan di KJRI Frankfurt untuak pangambilan sidik jari jo foto. [8]
  • Tarif penerbitan Surat Perjalanan Laksana Paspor di negara Norwegia jo Islandia adolah NOK.120,-. [9]
  • Tarif penerbitan Surat Perjalanan Laksana Paspor di negara London, sebesar £10 (dimano £5 untuak buku SPLP, £5 untuak biaya teknologi informasi SIMKIM). Pemohon harus tibo ka KBRI London untuk melakukan permohonan mambuek SPLP tasabuik. [10]

SPLP untuak Urang Asing[suntiang | suntiang sumber]

Surat Perjalanan Laksana Paspor untuak urang asing diagiah saat: [11]

  1. Di wilayah Negara Republik Indonesia nan indak punyo surek perjalanan nan sah dari negaranyo atau negara lain.
  2. Di luar wilayah Negara Republik Indonesia nan indak mampunyoi surek perjalanan nan sah dari negaranyo atau negara lain untuak masuak ka wilayah Republik Indonesia.

Surat Perjalanan Laksana Paspor untuak urang asing diagiah katiko mamiliki: [11]

  1. Izin untuak masuak kambali ka negara tampek barangkek dari instansi nan berwenang.
  2. Tiket untuak barangkek dan tiket untuak kambali
  3. Penjamin di Indonesia.

Permintaan Surat Perjalanan Laksana Paspor untuak urang asing diajuan ka: [11]

  1. Menteri atau Pejabat Imigrasi nan ditunjuk, bagi urang asing nan barado di wilayah Negara Republik Indonesia.
  2. Kepala Perwakilan Republik Indonesia atau pejabat Imigrasi atau pejabat Dinas Luar Negeri pado Kantor Perwakilan Republik Indonesia nan ditunjuk oleh Menteri Luar Negeri, bagi urang asing nan barado di lua wilayah Negara Republik Indonesia.

Surat Perjalanan Laksana Paspor untuak urang asing nan ado di wilayah Indonesia berlaku sakali se dalam malakukan perjalanan ka lua wilayah Indonesia dan berlaku paliang lamo satu tahu. Surat Perjalanan Laksana Paspor untuak urang asing nan barado di lua wilayah Indonesia berlaku sakali untuak perjalanan masuak jo kalua wilayah Indonesia sarato berlaku paliang lamo satahun. [11]

Ketentuan Lainnyo[suntiang | suntiang sumber]

Ketentuan lain berupa penarikan, pembatalan, pencabutan dokumen perjalanan Republik Indonesia berlandaskan PP 31/2013 pasar 63,64,65, jo 66. Dalam Surat Perjalanan Republik Indonesia berupa paspor biaso abih maso balakunyo dan pamegangnyo sadang beradi di lua wilayah Indonesia, panggantian paspor dapek dilakukan di Perwakilan Republik Indonesia. Kalau Surat Perjalanan Republik Indonesia tasabuik hilaang, panggantian dokumen dapek dilakukan saat pamegang dokumen perjalanan dapek manunjukan identitas asli atau foto kopi identitas diri jo bukti-bukti nan lain nan dapek dijadian bukti kalau dirinyo adolah warga negara Indonesia. [1]

Rujuakan[suntiang | suntiang sumber]

  1. ↑ a b c d e f "Kedutaan Besar Republik Indonesia di BRUSSELS, Merangkap Luksemburg & Uni Eropa BELGIA". Kementerian Luar Negeri Repulik Indonesia (dalam bahasa Indonesia). Diakses tanggal 2019-12-30. 
  2. ↑ a b Solution, Pande Hartana-Kana. "Surat Perjalanan Laksana Paspor untuk WNI | Consular and Visa" (dalam bahasa Inggris). Diarsipkan dari versi asli tanggal 2019-12-30. Diakses tanggal 2019-12-30. 
  3. ↑ a b c d e BUSET. "SURAT PERJALANAN LAKSANA PASPOR | BUSET Indonesian Magazine in Australia" (dalam bahasa Inggris). Diakses tanggal 2019-12-30. 
  4. ↑ a b "Surat Perjalanan Laksana Paspor Untuk WNI". Direktorat Jenderal Imigrasi Kementerian Hukum dan HAM Republik Indonesia. Diarsipkan dari versi asli tanggal 2019-11-15. Diakses tanggal 30 Desember 2019. 
  5. ↑ "KEDUTAAN BESAR REPUBLIK INDONESIA DI KUALA LUMPUR, MALAYSIA". Kementerian Luar Negeri Repulik Indonesia (dalam bahasa Indonesia). Diakses tanggal 2019-12-30. 
  6. ↑ "Konsulat Jenderal Republik Indonesia di JOHOR BAHRU, MALAYSIA". Kementerian Luar Negeri Repulik Indonesia (dalam bahasa Indonesia). Diakses tanggal 2019-12-30. 
  7. ↑ "Daftar Tarif Pelayanan". www.indonesianconsulatela.org. Diakses tanggal 2019-12-30. 
  8. ↑ "Layanan Paspor – KJRI Frankfurt" (dalam bahasa Indonesia). Diarsipkan dari versi asli tanggal 2019-12-30. Diakses tanggal 2019-12-30. 
  9. ↑ Unitkom, Kepala (2018-01-16). "Embassy of Indonesia in Oslo" (dalam bahasa Inggris). Diarsipkan dari versi asli tanggal 2019-12-27. Diakses tanggal 2019-12-30. 
  10. ↑ "Informasi Pelayanan SPLP bagi WNI dalam Perjalanan – Kedutaan Besar Republik Indonesia". indonesianembassy.org.uk. Diarsipkan dari versi asli tanggal 2019-10-26. Diakses tanggal 2019-12-30. 
  11. ↑ a b c d Solution, Pande Hartana-Kana. "Surat Perjalanan Laksana Paspor untuk Orang Asing | Consular and Visa" (dalam bahasa Inggris). Diarsipkan dari versi asli tanggal 2019-12-02. Diakses tanggal 2019-12-30. 
Diambiak dari "https://min.wikipedia.org/w/index.php?title=Surat_Perjalanan_Laksana_Paspor&oldid=2519688"