Supermarket
Supermarket atau di indonesia disabuik juo jo pasa swalayan adolah sabuah toko nan manjua sagalo kabutuahan sahari-hari. Kato supermarket nan sacaro harfiah diambiak dari bahaso Inggris iko aratinyo adolah pasar nan gadang. Barang-barang nan dijua di supermarket biasonyo adolah barang-barang kabutuahan sahari-hari. Sarupo bahan makanan, minuman, jo barang kabutuahan lainnyo samacam tisu jo nan lain sabagainyo.[1]
Sijarah[suntiang | suntiang sumber]
Konsep pasa swalayan iko partamo kali dikambangkan dek Vincent Astor. Inyo mandirian Astor Market pado tahun 1915. Astor Market ko babantuak sabuah mal mini nan tabukak nan manjua dagiang, buah, jo bungo-bungo.[2] Namun, dikaranoan suliknyo mandatangan pambali dimaso itu, pado tahun 1917 pasa tasabuik guluang tikar.[3][4] Sablumnyo, konsep untuk pasa swalayan alah di kembangkan pulo dek saurang pangusaho nan banamo Clarence Saunders. Inyo mandirian pasa swalayan nan banamo Piggly Wiggly dan inyopun kamudian mandapek hak paten ateh idenyo tasabuik.[5]
Pado tanggal 4 Agustus 1930, Supermarket partamo resmi baoperasi di Amerika. Supermarket tasabuik dibukak dek mantan karyawan Kroger nan banamo Michael J. Cullen. Supermarket iko didirian partamo kali di ateh lahan bekas garasi saluweh 6.000 kaki persegi atau 560 m2 nan balokasi di Jamaika, Queens di New York City, Amerika Serikat.[6]
Pado maso kiniko, sairiang juo jo pakambangan zaman, supermarket indak hanyo malayani jua-bali sacaro batatap mungko atau datang langsung ka toko. Pakambangan teknologi tantunyo mabuek pasa supermarket mangikuti pamintaan pasa yang alah manarapkan sistem online. Salah ciek supermarket online nan tanamo iolah amazon. Salain itu, di Inggris, toko bahan makanan sarupo Walmart manarapkan layanan pangiriman makanan kapado pambali langsung di antaan ka alamaik nan mano pangantaran bahan makanan ka alamaik ko bakarajo samo jo pihak katigo.[7]
Pambagian pasa swalayan[suntiang | suntiang sumber]
Minimarket[suntiang | suntiang sumber]
Minimarket dapek juo disamoan jo "toko kelontong" atau nan manjual sagalo macam barang jo makanan, pabedaannyo disiko biasonyo minimarket manarapkan sabuah sistem masin kasir point of sale untuak panjualan nyo, namun indak salangkap supermarket. Minimarket manarapkan sistem swalayan, di mano pambali maambbiak barnag surang nan inyo cari dari rak-rak minimarket kamudian mambayianyo di meja masin kasir. Minimarket nan ado di Indonesia adolah Alfamart, Indomaret, Ceriamart, FamilyMart, Circle K, jo banyak minimarket nan dikalola dek individu parorangan atau disabuik sabagai minimarket mandiri.[8]
Midimarket[suntiang | suntiang sumber]
Ukuran midimarket iko labiah gadang saketek dari minimarket. Di siko alah dijua dagiang jo buah-buahan. Bukaknyo bisonyo alah 24 jam atau hanyo sampai jam 24 sajo. Sabagai contohnyo adolah Alfamidi.[9]
Supermarket[suntiang | suntiang sumber]
Kalau Supermarket kasodo barang ado, mulai dari kelontong, sapada, TV jo kamera, furnitur, baju, ikan jo daging, buah-buahan, minuman, pokoknyo sagolo ado kabutuahan sahari-hari. Contoh supermarket iolah Bintang Supermarket (Bali), Griya (Jawa Barat), Ada Swalayan (Jawa Tengah), Mirota (Yogyakarta), Macan Yaohan (Sumatera Utara), Foodmart, Super Indo, Tip Top Supermarket, Puncak Supermarket (Bangka Belitung) jo lain-lainnyo. Supermarket labiah tinggi kastanyo daripado midimarket.[9]
Hypermarket[suntiang | suntiang sumber]
Hypermarket disiko adolah supermarket nan gadang tamasuak lahan parkirnyo. Sabagai contoh Transmart, Hypermart, Giant Hypermarket, jo lain-lain. Hypermarket labiah gadang dari pado supermarket.[8]
Grosir[suntiang | suntiang sumber]
Disiko kasado barang tasadio sahinggo ado bongka muek di dalam pusek grosir. Contohnyo Indogrosir, Makro (kiniko Lotte Mart), jo lain-lain.[8]
Rujuakan[suntiang | suntiang sumber]
- ↑ Prabowo, Andang (2009). "STUDI TENTANG TANGGUNG JAWAB KASIR TERHADAP KERUGIAN AKIBAT KELALAIAN DI SUPERMARKET WILAYAH SURAKARTA" (PDF). eprints ums.ac.id: 1.
- ↑ "Opening of the Astor market, New York City, 1915". Library of Congress. 1915.
- ↑ Gray, Christopher (10 September 2006). "The Astor Legacy in Brick and Stone". The New York Times.
- ↑ Gray, Christopher (5 July 1987). "Streetscapes: Thalia Theater; a closed revival house that may itself be revived". The New York Times.
- ↑ "Self-serving store".
- ↑ "The Birth of the Supermarket".
- ↑ DoorDash and Walmart join forces
- ↑ a b c Okezone (2020-07-14). "Apa Sih Bedanya Supermarket, Minimarket hingga Mal? Ini Jawabannya : Okezone Economy" (dalam bahasa Indonesia). Diakses tanggal 2021-04-14.
- ↑ a b "PASAR SWALAYAN (SUPERMARKET) ~ BUKU ENSIKLOPEDI ~ p2kp.stiki.ac.id". p2kp.stiki.ac.id. Diakses tanggal 2021-04-14.