Sungai Petai, Kampar Kiri Hilir, Kampar
| Sungai Petai | |
|---|---|
| Nagara |  Indonesia |
| Provinsi | Riau |
| Kabupaten | Kampar |
| Kecamatan | Kampar Kiri Hilir |
| Kodepos | 28471 |
| Laweh | 2442 km2 |
| Panduduak | 1.776 jiwa |
| Kapadatan | 1.776 jiwa/km2 |
Sungai Petai merupakan salah satu desa nan barado di Kecamatan Kampar Kiri Hilir, Kabupaten Kampar, Provinsi Riau, Indonesia.[1] Desa Sungai Petai sacaro definitif diresmian sabagai desa pada taun 2000 nan sabalumnyo marupoan salah satu Rukun Keluarga (RK) dari wilayah Desa Sungai Pagar. nan kini alah manjadi kelurahan. Desa Sungai Petai tahituang alah dikapaloi dek limo urang kapalo desa mulai dari sajak partamo tabantuak hinggo maso kiniko. Desa Sungai Petai barado di dalam wilayah administrasi Kacamatan Kampar Kiri Hilir, Kabupaten Kampar, nan maliputi 7 desa jo 1 kelurahan. Kecamatan Kampar Kiri Hilir marupoan hasia dari pamekaran induaknyo yaitunyo Kampar Kiri.
Bateh wilayah[suntiang | suntiang sumber]
Ditinjau dari bateh wilayah, Desa Sungai Petai babatehan jo daerah sabagai barikuik :
a. Sabalah Utara babatehan jo Kelurahan Sungai Pagar
b. Sabalah Selatan babatehan jo Desa Simalinyang
c. Sabalah Barat babatehan jo Desa Mayang Pongkai
d. Sabalah Timur babatehan samo Desa Rantau Kasih jo Kelurahan Sungai Pagar
Kaadaan panduduak[suntiang | suntiang sumber]
Kaadaan panduduak Desa Sungai Petai dihuni dek 1.776 jiwa sarato jo 494 kepala keluaga. Dikatahui bahwasanyo jumlah panduduk Desa Sungai Petai nan laki-laki bajumlah 52,02%, sadangkan padusi bajumlah 47,97%. Dari kaadaan tasabuik dapek disimpulkan bahwasanyo panduduak laki-laki Desa Sungai Petai labiah banyak dari pado panduduak padusinyo..
Parekonomian[suntiang | suntiang sumber]
Potensi nan tadapek di Desa Sungai Petai yaitunyo pakabunan, pertanian, jo tampat wisata. Diliek dari latak desa nan masih dikuliliangi dek hutan jo sungai. Sahinggo, desa iko mampunyoi potensi wisata nan tinggi guno mambantu parekonomian warga. Mato pancaharian panduduak sangaik baragam, diantaronyo batani nan bajumlah 41,61%, buruh tani 10,75%, buruh pabrik 4,5%, PNS 1,01%, pegawai swasta 1,85%, wiraswasta 3,65%, bidan 0,11%, dan perawat 0,05%. Dari data tasabuik dapek disimpulkan bahwasanyo panduduk Desa Sungai Petai sabagian gadang bakarajo sabagai petani.
Rujuakan[suntiang | suntiang sumber]
- ↑ Pos, Riau (2021-04-07). "Sungai Petai, Desa Digital Pertama di Riau". RiauPos.co (dalam bahasa Indonesia). Diakses tanggal 2021-10-05.
