Sunek rasu

Sunek Rasu marupokan salah satu hal nan wajib dilakukan bagi saurang umek muslim, baiak itu untuak laki-laki ataupun padusi.Di Minang panyalanggaroan sunek rasua iko di adoan Jo acara baralek (bagi nan mampu).Tapi hanyo untuak anak laki-laki sajo indak untuak anak padusi. Salamo iko, sunek rasua ko indak kasado daerah Sumatra barat nan maadoan acaranyo. Ado juo nan maadoan acara sunek rasua ko tanpa baralek dan indak paralu paranan Bako nan talalu banyak, tapi hanyo maundang warga satampek untuak malakukan doa basamo.Namun bagi daerah nan maadoan baralek dalam acara sunek rasua ko,dalam acara sunek rasua ko Bako sangaik di butuhkan, karano anak nan ka di sunek akan di lakukan tradisi turun Bako.Turun bako di siko ,si anak talabiah dahulu Pai ka rumah bakonyo.Di rumah bako, si anak akan disambuik dek dunsanak ayah nyo. Sudah itu di kanak an pakaian marapulai laki-laki dalam adaik minang.

Tradisinyo

Katiko lah sudah mamakai pakaian adaik mampalai laki-laki, si anak nan ka di sunek di baok ka rumah ibunyo sambia di arak-arak Jo hadiah nan di pasambahkan dek Bako untuak anak pisangnyo. Hadiahnyo sarupo sapeda atau ameh, Jo bamacam-macam kue dan lain-lainnyo. Katiko alah sampai di rumah, Mako tanggung jawab Bako bisa di katoan salasai. Dalam acara sunek rasua Iko, umpamonyo urang Minang akan ma nampilkan musik tradisional, sarupo bamain rabab. Musik rabab ko di mainan sasudah azan isya salasai, dan barakianyo manjalang azan subuah bakumandang. Sasudah di sunek, anak laki-laki sairiang bajalan nyo waktu, akan tumbuah gadang manjadi laki-laki nan mapan untuak mambangun kahidupan nan baru yaitu manikah.