Sumua
Sumua adolah sabuah sumber mato aia nan alah digali. Salain sumber aia, pado kadalaman tatontu sumua dapek juo marupokan sumber minyak atau gas.
Sumua tradisional biasonyo babantuak lubang nan lumayan gadang diagiah tembok mambulek sakuliliangnyo. Untuak manyauak aia, biasonyo jo caro ditimbo atau dikerek manggunokan embe, ado juo nan mamakai masin pompa tanago listrik. Sumua-sumua modern, tarutamo di daerah perkotaan, biasonyo ketek dan hanyo sagadang pipa paralon. Sumua itu disabuik sumua bor karano caro mambueknyo mangunokan bor atau jo caro pangeboran. Aianyo disedot manggunokan sebuah peranti listrik nan disabuik pompa aia.
Ado pulo namonyo sumua resapan, bangunan rekayasa teknik dengan bantuak sumua, akan tetapi gunoonyo sebagai tampek penampungan aia nan datang dari ateh tanah.
Sumua resapan marupokan jenis sumua nan tabantuak sacaro alami dan dibantu dek resapan-resapan aia pado suatu daerah atau lokasi tatantu.
Sumua resapan juo maambiak alih fungsi untuak manampuang aia pambuangan dan aia hujan kadalam tanah.[1]
Manfaat Sumua Resapan
[suntiang | suntiang sumber]1. Sebagai Sumber Irigasi
[suntiang | suntiang sumber]Pemanfaatan sumua resapan untuak mengairi lahan jo mambendung aia apobilo saluran irigasi sadang mangalami gangguan sarupo kakurangan aia.
Sumua resapan dapek manggantikan samantaro dari sumber irigasi, sahinggo dapek dikatokan jikok sumua resapan juo punyo peran pantiang untuak mambantu proses irigasi katiko sadang kakurangan aia.
2. Sebagai Alternatif Saluran Aia PAM
[suntiang | suntiang sumber]Katiko aia PDAM sadang mangalami masalah, biasonyo pendistribusian aia akan talambek dan masyarakat akan mamanfaatkan sumua resapan sebagai aia cadangan samantaro.
3. Mangurangi Aliran Permukaan dan Mencegah Tajadinyo Ganangan Aia
[suntiang | suntiang sumber]Sumua serapan bafungsi manyerap aia nan barasal dari ateh permukaan tanah, mako dari itu sumua serapan mambantu mangurangi aliran pado permukaan dan mencegah tajadinyo ganangan aia nan balabiah.
4. Sebagai Sumber Aia Untuak Kaparaluan makan minum
[suntiang | suntiang sumber]Aia nan barasa dari sumua serapan juo dapek dikonsumsi sebagai aia minum dan kebutuhan bahan makanan sahari-hari.
5. Sebagai Salah Satu Sumber Aia Utamo Di Suatu Daerah
[suntiang | suntiang sumber]Manfaat lain dari sumua resapan adolah dapek diandalkan oleh masyarakat sekitar untuak manjadi sumber aia utamo di satu lingkungan atau daerah.
Biasonyo, sumua resapan akan dimanfaatkan oleh masyarakat sakitar sebagai sumber aia utamo nan mambantu mamanuhi kabutuhan kehidupan sahari-hari.
6. Manjago Kelembaban Tanah di Sekitarnyo
[suntiang | suntiang sumber]Tanah nan barado di sekitar sumua resapan akan tajago kelembabannyo. Sahinggo sangat cocok untuak digunokan bacocok tanam.
7. Bisa Manjadi Sumber Aia untuak Irigasi Pertanian
[suntiang | suntiang sumber]Jiko tajadi kakariangan mako masyarakat bisa manggunokan aia sumua resapan untuak aia cadangan lahan pertaniannyo.[2]
Caro Mambuek Sumua Resapan
[suntiang | suntiang sumber]Mambangun sumua resapan jo babarapo langkah mudah. Namun sabalumnyo, harus mamiliah lahan nan tapek talabiah dahulu, yakni:
- Lahan nan datar, indak malereng, curam, atau labil
- Bajarak 5 meter dari tampek penimbunan sampah atau septic tank dan minimal satu meter dari pondasi bangunan
- Kadalamannyo maksimal 2 meter di bawah permukaan aia tanah
- Struktur tanah mampunyoi kamampuan manyerap minimal 2 cm per jam
- Bantuaknyo segi ampek atau silinder
- Struktur tanah nan dapek digunokan harus mampunyoi nilai koefisien permeabilitas tanah > 2.0 cm/jam, jo klasifikasi sebagai berikut: 1. Permeabilitas tanah sedang (jenis tanah lanau, 2,0-3,6 cm/jam atau 0,48-0,864 m3/m2/hari). 2. Permeabilitas tanah agak capek (jenis tanah pasia haluih, 3,6-36 cm/jam atau 0,864-8,64 m3/m2/hari). 3. Permeabilitas tanah capek (jenis tanah pasia kasa, labiah gadang 36 cm/jam atau 8,64 m3/m2/hari).[3]
Caro mambuek sumua resapan berikut:
- Gali lubang berdiameter 80-100 cm dengan kedalaman 1,5 meter
- Bangun struktur dindiang sumua dengan buis beton, pasangan bata kosong, atau pasangan batu kosong
- Buek saluran inlet dari pipa paralon untuak mengalirkan aia hujan ka sumua
- Buek saluran water outlet untuak mengalirkan kalabihan tampuangan aia ka parik atau selokan
- Pastikan ketinggian pipa pambuangan labiah tinggi daripado permukaan aia selokan
- Lapisi lantai sumua manggunokan koral sataba 15 cm
- Tutup bagian ateh sumua jo plat beton 10 cm, lalu lapisi jo tanah
Sumua dalam fiksi
[suntiang | suntiang sumber]
Sumua marupokan objek pantiang dalam serial film The Ring (versi Amerika) dan Ringu (versi Jepang).
Liek pulo
[suntiang | suntiang sumber] |
Wikimedia Commons mampunyoi media nan bahubuangan jo Sumur |
Rujuakan
[suntiang | suntiang sumber]- ↑ "Manfaat Baik Dari Sumur Resapan Untuk Hunian Ramah Lingkungan – Dinas Lingkungan Hidup Kota Semarang" (dalam bahasa Indonesia). Diakses tanggal 2022-11-25.
- ↑ Anjani, Anatasia. "Apa Itu Sumur Resapan? Ini Pengertian, Fungsi, dan Ukurannya". detikedu (dalam bahasa Indonesia). Diakses tanggal 2022-11-25.
- ↑ "Sumur Resapan, Solusi Atasi Banjir hingga Tingkatkan Kualitas Air". kumparan (dalam bahasa Indonesia). Diakses tanggal 2022-11-25.