Sulam suji

Dari Wikipedia baso Minang, ensiklopedia bebas
Loncat ke navigasi Loncat ke pencarian


Sulam Suji

Sulaman suji caia atau biaso disingkek sulam suji adolah salah satu teknik manyulam dari Koto Gadang, Kabupaten Agam, Sumatera Barat. Kaahlian manyulam di antaro padusi Koto Gadang alah diturunkan sacaro turun manurun. Panyulam mampunyoi pamedangan (meja untuak manyulam), nan gunonyo untuak marantangkan kain nan ka disulam jo sulaman teknik suji cair. Salain itu ado teknik sulaman kapalo samek, dek karano hasia sulaman manyurupoi kapalo samek.

Motif bungo jo daun suji dibuek pakai banang sutra atau satin, jo limo atau anam warna. Banang disulamkan bagantian, inggo tajadi pacampuan banang nan mancaia di ateh warna banang lain nan mambueknyo disabuik "suji caia", warna banang nan mambantuak bayangan tigo dimensi. Papaduan warna ciek sulaman salendang suji caia Koto Gadang mampunyoi unsua-unsua desain tamasuak garih, arah, bantuak, tekstur, ukuran, jo warna nan mawujuikan baso salendang ko mampunyoi totalitas seni nan tinggi.

Warna pado desain ragam hias salendang suji caia Koto Gadang mampunyoi kaunikan dari sisi gradasi atau tingkek warna nan digunoan. Warna pado motif ciek bungo jo motif bungo nan lainnyo acok manggunoan warna nan baragam. Warna bungo indak jarang manggunoan warna-warna kontras walaupun ditamuan warna motif nan sanada atau harmoni, dari kain hinggo banang nan digunoan. Sadangkan nan manjadi ciri khas dari sulaman salendang suji caia Koto Gadang yaitu warna nan bagradasi dari galok ka tarang dan manggunoan warna-warna baragam. Warna nan digunoan yaitu warna warna nan tadapek pado gambar nan alah dibuek sabalumnyo.[1]

Rujuakan[suntiang | suntiang sumber]

  1. Ahmad, Safitri. "SULAM SUJI". http://jamgadang04.com/sulaman-suji-cair-berbentuk-sulur-7/.html.