Sutan Takdir Alisjahbana
| Sutan Takdir Alisjahbana | |
|---|---|
 Sutan Takdir Alisjahbana | |
| Lahia | 11 Februari 1908 Natal, Mandailing Natal, Sumatra Utara, Hindia Belanda |
| Maningga | 17 Juli 1994 (umua 86) Jakarta |
| Kabangsaan | Indonesia |
| Kawarganagaraan | Indonesia |
| Angkatan | Pujangga Baru |
| Karya nan populer | Layar Terkembang Dian yang Tak Kunjung Padam |
| Pangharagoan | Satyalencana Kebudayaan, 1970, Pamarentah RI. |
| Pasangan | RA. Rohani Daha Rr. Sugiarti Dr. Margaret Axer |
| Anak | Dari RA. Rohani Daha
Dari Rr. Sugiarti
Dari Dr. Margaret Axer
|
Sutan Takdir Alisjahbana marupoan saurang sastrawan jo budayawan Minang nan dilahiakan di Natal, Sumatera Utara pado tanggal 11 Februari 1908 dan maningga di Jakarta pado tanggal 17 Juli 1994 dalam umua 86 tahun.[1] Baliau maasih katurunan urang Minangkabau, nan mano amaknyo nan banamo Puti Saimah marupokan katurunan Rajo Putih salah saurang rajo Kasultanan Indropuro nan managakkan kerajaan Lingga di Natal.[1] Sutan Takdir Alisjahbana masih badunsanak jo Sutan Sjahrir nan panah manjadi Perdana Menteri partamo Republik Indonesia, dari patalian darah amaknyo. Abak baliau banamo Raden Alisjahbana nan bagala Sutan Arbi, baliau bakarajo manjadi saurang guru.
Pandidikan
[suntiang | suntiang sumber]Baliau manyalasaian pandidikan dasar pado tahun 1921 di HIS Bengkulu nan salanjuiknyo malanjuikan pandidikan ka kweekschool di Bukittinggi. Kamudian untuak tingkek HKS baliau tampuah di Bandung. Tahun 1942 baliau mandapekan gala Mr. dari sakolah tinggi di Jakarta.[1]
Karir
[suntiang | suntiang sumber]Karir Sutan Takdir Alisjahbana bamacam-macam di bidang bidang sastra, bahaso, jo kesenian. Karir-karir baliau adolah:
- Pancetus kongres Bahaso Indonesia partamo di Solo sabalun kamardekaan.
- Malakukan modernisasi Bahaso Indonesia, sahinggo dapek manjadi bahaso nasional
- Malahiakan labiah dari 30 buku dalam babagai tema.[1]
Karya tulis dari baliau nan paliang mansyur adolah naskah roman "Layar Terkembang", "Dian yang Tak Kunjung Padam", jo "Anak Perawan di Sarang Penyamun".