Socrates (wartawan)

Wikipedia Minangkabau - Lubuak aka tapian ilimu
Loncat ke navigasi Loncat ke pencarian

Socrates adolah saurang wartawan Indonesia. Inyo lahia di Payakumbuh, 20 Mei 1967. Inyo mengenyam pandidikan dari Sekolah Dasar(SD) sampai SMA di kampuang halamannyo, pado maso SMA inyo termasuak anak nan nakal kareno itu inyo dipindahkan ka SMA INS Kayutanam. Tamaik dari SMA, inyo melanjut an kuliah di FISIP Universitas Andalas. Baru nak mamulai kuliah, ayahanda nyo taserang stroke, sadangkan sang Ibunda iyolah saurang bidan nan bakarajo dari kampuang ka kampuang, karano itu inyo harus mencari pitih surang karano ekonomi kaluargo nan memburuak. Macam-macam karajo nan ditekuni nyo mulai dari baternak ayam,penjago toko obat di Pasaraya Padang hinggo mambuek stiker dan dijual di kampus.[1]

Lalu adolah kawan inyo nan memotivasi nyo untuak manulis, mulanyo kawan inyo maminta ide untuak manulis dan diterbitkan di koran. Inyo pun tasintak dan kenapo inyo indak mamulai manulis. Inyo pun mulai manulis manggunokan mesin ketik punyo tantenyo nan bakarajo di bagian sipil Polresta Pekanbaru. Sasudah lamo baraja manulis akhirnyo tulisanyo terbit di surek kabar Sumbar, inyo pun manjadi pimred majalah di kampusnyo. Namun hampia duo taun manulis, inyo pateh samangek karano honor nan ketek, untuang lah ado Ibunyo nan taruih mandorong untuak taruih manulis.

Tamaik dari kuliah, inyo mamiliah manjadi wartawan profesi. Inyo bagabuang di Harian Riau Pos Pekanbaru, sajak 1996. Walopun sabananyo paman dan tantennyo indak suko inyo manjadi wartawan, paman dan tantenyo labiah suko inyo manjadi dosen.

Rujuak-an[suntiang | suntiang sumber]

  1. 121 Wartawan Hebat dari Ranah Minang. Sumatra Barat: Biro Humas Setda Sumatera Barat. 30 Agustus 2018. ISBN 978-602-51382-0-1.