Siti Kalasun

Siti Kalasun marupokan sabuah carito rakyaik Minangkabau nan populer, mangisahkan tantang padusi Minang masa lalu, puti bungsu, barasa dari kab 50 Kota. Siti Kalasun marupokan saurang padusi nan ditinggaan suaminyo pai marantau, jo kasabaran Siti Kalasun tetap manunggu suaminyo babaliak.

Sinopsis

kaba ko mancaritoan tantang saurang padusi nan banamu siti kaluan nan setia manunggu suaminyo babaliak pulang. barawal dari Siti Kalasun nan dinikahkan jo Sabarudin. Sabarudin marupokan saurang bujang nan gagah di kampuang nyo, lakunyo baiak, pandai pulo mangaji. Parnikahn nan indak saliang suko karano dijodohkan, karano sabab parjodohan saliang indak tau maso sabarudin kawan samo sakolah di parabek. Lah tau maso kawan samo sakolah, nikah kaduonyo saliang bakasiah sayang. lah nikah kaduonyo, indak lamo sabarudin pai marantau, marantau ka medan deli. dipajalan ka medan, kironyo batamu jo kawan lamo Malin Saidi. Disinan dicubolah dek sabarudin bakarajo jo urang cino mambuek roti. indak nampak paruntuangan di kampouang urang, sabarudin mancari paruntuang di Banjarmasin, lah sampai di banjarmasin, bakarajolah disinan lah nampak paruntuangan, baniak lah sabarudin nak pulang ka manjapuik si Siti kalasun.

adolah saurang nan dikanal kayo di kampuang nyo, nan banamo Sutan Palindih, Urang kayo Banjarmasin sagalo punyo sagalo nan di kandak pasti mandapek. Batamulah Siti kalasun jo Sutan palindih, disinan Sutan palindih manjatuahkan Sabarudin, mamburuak an sabarudin ka Siti Kalasun, tapi dek kasetiaan nyo, Siti Kalasun masih setia mananti. Dek amak kalasun alah dapek pulo umbuak bakeh Sutan palindih.

bara hari sasudah palindih ka rumah, Sabarudin taragak pulang ka kampuang, tapi sabarudin pulang mamakai caro untuak manilai kasatiaan Siti kalasun. Sabarudin pun pulang ka kampuangnyo dek alah ndak saba ka basarobok jo Siti Kalasun. Pulanglah Sabarudin ka rumah Siti Kalasun, mancaliak lakinyo pulang basalemak peak, Siti kalsun maajak sabrudin ka pasa, dipajalan ka pasa, Sabarudin manyuruah Siti Kalasun manunggu sabanta. Takajuik suaminyo alah barubah, disinan Sabrudin baru manjalehan apo nan tajadi sabananyo. Dek kasabaran Siti kalasun, Sabarudin maajak Siti kalasun ka Banjarmasin hiduik baduo barumah tanggo, baranak duo padusi rancak ka pangganti mandehnyo Siti Kalasun.