Sidakah Limau

Sidakah Limau adolah acara adaik nan diadokan sahari sabalun masuak bulan puaso. Acara ko hanyo ado di Nagari Kinari, Kecamatan Bukit Sundi, Kabupaten Solok. satiok taun, urang Kinari bakumpua di pakan akaik untuak maadokan Sidakah limau. Acara ko disabuik Sidakah limau karano memang ado aia arum dari limau nan disidakahkan ka urang rami. Aia arum dari limau tu dibuek dek urang nan salah surang dunsanaknyo baru maningga manjalanng masuak bulan puaso. Salain aia arum dari limau, ado juo makanan dan pitih nan dibagikan ka urang kampuang. Makanannyo tatantu pulo, iyolah putu. Sadangkan pitih nan dibagikan hanyo pitih koin.