Sate Danguang-Danguang

Dari Wikipedia baso Minang, ensiklopedia bebas
Loncat ke navigasi Loncat ke pencarian
Sate Danguang-Danguang di Bukittinggi

Sate Danguang-Danguang iolah sate nan barasa dari daerah Danguang-Danguang, Nagari Guguak VIII Koto, Kec. Guguak, Kab. 50 Kota, Provinsi Sumatera Barat. Sate ko samo jo sate Padang lainnyo nan mamakai dagiang jawi sabagai bahan utamo. Sarupo jo sate Padang-Panjang, sate ko mamakai kuah bawarna kuniang. Tapi ado ciri khas nan mambedakan jo jinih sate Padang lainnyo.[1]

Ciri khas sate ko ado pado kuah jo panyajiannyo. Kuah Sate Danguang-Danguang labiah segar dan warnanyo labiah kuniang daripado Sate Padang yang biasonyo rasonyo labiah padeh dan tajam.nan punyo ciri khas kuah bawarna kuning pucaik dek diagiah santan, babedo jo Sate Padang Panjang nan indak diagiah santan.

Dalam panyajiannyo, Sate Danguang-Danguang babeda dari panyajian sate lainnyo. Sate Danguang-Danguang biasonyo indak disajikan dalam porsi langkok jo katupek, tapi disajikan tapisah. Biasonyo panjua sate Danguang-Danguang manyajian sapiriang panuah sate nan kiro-kiro bajumlah 40 tusuak jo saporsi katupek. Pambali bisa maambiak sate sasuai salero. Pambali buliah juo manambah katupek jo kuahnyo.

Sate Danguang-Danguang disajikan dalam kondisi angek, dek sate dibaka jolong pambali tibo. Sate dibaka jo arang sarato tampuruang karambia, biasonyo dimakan jo karupuak jangek khas Minangkabau.[2]

Sate Danguang-Danguang paliang banyak dijua di Kota Payokumbuah. Kini sate Danguang-Danguang kini lah manyebar ka daerah lain takah di Padang jo Bukittinggi. Bahkan lah ado pulo di Jakarta dan Bekasi walau masih ciek-ciek kadainyo.

Rujuakan[suntiang | suntiang sumber]